Милисаи латту кӯбшуда дар Кӯлоб аз вазифа барканор шудааст
Лейтинанти калон Марям Шарифзода, корманди Шӯъбаи умури дохилии шаҳри Кӯлоб, ки шаби 16 майи соли равон мавриди ҳамлаи афроди номаълум қарор гирифт, аз вазифа барканор шудааст.
Умарҷони Эмомалӣ, сухангӯи Вазорати умури дохилии Тоҷикистон имрӯз, 13 июн дар суҳбат бо “Озодагон” далели барканории хонум Шарифзодаро “вайрон кардани интизомӣ хизматӣ” гуфт. Ӯ шарҳ надод, ки лейтинанти 24-сола кай ва чӣ гуна интизоми хизматиро нақз кардааст, аммо афзуд, ҳоло додситонӣ дар ин робита санҷиш мегузаронад.
Номи Марям Шарифзода, ки дар Маркази иттилоотии Шӯъбаи умури дохилии шаҳри Кӯлоб фаъолият мекард, баъди хабари ҳамла ба ӯ расонаӣ шуд. Хонум Шарифзода 17 май вақте дар беморхона қарор дошт, ба “Озодагон” гуфт, тахминан соатҳои 20:30-и шаби 16 май замоне, ки барои пур кардани тавозуни телефонаш аз хона, воқеъ дар хиёбони Исмоили Сомонӣ берун шуд, мавриди латту кӯб қарор гирифт. Ба иттилои вай, нахуст бо мушт ба шикамаш заданд. Ӯ аз ҳамлавар як марди қоматбаланд ва бо риши миёна тавсиф кард ва гуфт, вақте баланд фарёд зад, вай ва ҳамроҳи дигараш фирор карданд. Модари ин корманди пулис аз фарёди духтараш ба берун баромада, ӯро дар ҳолати беҳушӣ пайдо мекунад.
Табибони Маркази ёрии таъҷилии шаҳри Кӯлоб он вақт ба “Озодагон” гуфтанд, дар ӯ осеби пушидаи девораи пеши шикам, латхӯрии бофтаҳои пеши шикам, харошаҳои сеяки мобайни оринҷи дасти чап ва латхӯрии соқи пойи чапро сабт кардаанд.
Шаби 13 май дар хиёбони Исмоили Сомонии шаҳри Кӯлоб як афсари Кумитаи давлатии амнияти миллии Тоҷикистон ҳам мавриди ҳамлаи афроди номаълум қарор гирифт. Вазорати умури дохилӣ баъдан бо нашри як гузориши видеоӣ эълон кард, бо гумони даст доштан дар ин ҳодиса 6 нафар дастгир шудааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |