Бахшҳо

Раиси Кумитаи сайёҳӣ кӣ мешавад?

Ахиран, бахши сайёҳиро аз Кумитаи ҷавонон ва варзиш ҷудо ва ба як ниҳоди алоҳида табдил карданд. “Озодагон” аз чанд нафар пурсид, ФИКР МЕКУНЕД ЧӢ КАСЕ РАИСИ ИН НИҲОД МЕШАВАД?

Баҳриддин ИСАМУТДИНОВ, директори Маркази рушди туризм дар Тоҷикистон
Роҳбари Кумитаи навтаъсис дар бахши туризм пеш аз ҳама бояд ташкилотчӣ ва мудири хуб бошад, ки раванди корро дуруст ба роҳ монад. Беҳтар мебуд, агар ихтисоси иқтисодчӣ медошт. Маслиҳату фикри мутахассисони хуби соҳаро гӯш кунад ва барои пешбурди соҳа ташаббускор бошад. Раҳбари нав бояд қотеона барои амалисозии тавсияҳое, ки аз ҷониби ҳукумат қабул шудаанд, кор кунад. Лекин то ҳол намедонам, дар ин мақом кӣ таъин мешавад. Мутаасифона ҳеч чиз гуфта наметавонам. Барои он ки ин хел номзадро ёфтан хеле душвор аст. Агар ёфт шавад, бахши туризми Тоҷикистон хеле рушд мекунад.

Далер ИМОМАЛӢ, ҳунарманди театр
Ин икдомро ҳукумат бояд солҳо пеш мегирифт ва имрӯз зарур ҳам ҳаст, ки бахши ҷавонон як ниҳоди алоҳида шавад. Нафаре роҳбари идораи сайёҳӣ бошад, ки аввалан донандаи хуби забонҳои хориҷӣ бошад ва бо фарҳангу таърих, урфу оддатҳои мардуми кишвар ба хуби ошноӣ дошта бошад. Бо ҳукумати марказӣ забон ёфта тавонад, низоми гирифтани визаро барои шаҳрвандони ҳама кишварҳо содда ва ҳатто аз миён бардорад. Ин нафар барои мардум дастрас бошад. Барои ширкатҳои сайёҳии дигар давлатҳо роҳ кушояд, то имконияти фаъолияташон бо ширкатҳои ватанӣ рақобатпазир гардад. Соҳиби идея ва барномаҳои хело идеалии соҳа бошад, ки тавонад дар амал тадбиқ кунад, на ин ки рӯи коғаз бимонанд. Ҳатман ҷавон бошад ва ҳарфи худашро дошта бошад, на арӯсаки дасти дигарон. Аммо бовар карда наметавонам, ки чунин як ҷавон пайдо шавад. Ин ҳама хислату рафтор бо бори маънавии доштаи як мутахасис аст, на афсонаву рӯъёӣ. Лекин афсӯс мехурам, ки ёфтани чунин ҷавони дорои ин ҳама хислатҳо дар Ватани ман ба афсона мубаддал шудааст. Интизор дорам, ҳатман писари ягон нафари вазифадор роҳбари ин ниҳод мешавад. Агар шавад ҳам бигзор шавад, аммо ақалан мутахассиси соҳа бошад. Мутахассис ба маънои томаш. Ҳоло интизор шавем, то исми раиси нав эълон карда шавад.

Алӣ АЛИЗОД, таҳлилгар
Фикр мекунам, муҳим ин нест, ки кӣ ин идораи навтаъсисро раҳбарӣ мекунад, муҳим ин аст, ки чӣ гуна раҳбарӣ мекунад. Ба ин симмат нафари ҳирфаӣ меояд ё не? Кумита қобилияти ҷалби гардишгаронро пайдо мекунад ё не? Тавонмандие пайдо мекунад, ки таҷрибае кишварҳоеро, ки маблағи аз гардишгарӣ ба даст омада бахши қобили мулоҳизаи ММД-ро ташкил медиҳад, роҳандозӣ намояд. Раиси кумита албата чеҳраи муҳим аст, аммо муайянкунандаи хатти маш нест.

Бахтиёр АМИНӢ, шоири тоҷики муқими Аврупо
Ба фикри ин ҷониб сарвари ин ниҳод шахси ба хонаводаҳои раҳбарон наздик, масалан яке аз фарзандон ва ё шахсе аз хонаводаи дигари атрофиёни раҳбарон хоҳад буд. Ва агар аз хонаводаву хешутабори раҳбарон набудӣ, ҳатман кадоме яке аз маҳалли онҳо мебошад. Зеро таҷрибаи бахши аъзами кадргузинӣ дар кишвари мо то кунун ҳамин тур буда.

Латиф ОДИЛОВ, таҳлилгари соҳа
Фикр мекунам, бояд дар ин ниҳод шахси воқеан кордонро, аз ҳисоби тоҷикписароне, ки дар Аврупо ё кишварҳои дигар пешрафтаи олам ин риштаро хондаанд, таъин шавад. Мақсад аз ташкили ин ниҳод ва ҷудо кардани он аз кумитаи пешин ба маънои ин аст, ки давлат мехоҳад ба ин соҳа диққати бештар бидиҳад. Барои ҳамин бояд дар ин бахш аз кадрсолорӣ кор гирифт, на аз маҳалсолорӣ. Зеро муҳим ин аст, ки Тоҷикистон барои ин кор зарфиятҳои бузурге дорад ва шахсе даркор, ки ин зарфиятҳоро ба манфиати миллату давлат амалӣ намояд. Вале агар ин ҳадафи гузоштаи давлат ҳосил ва иҷро нашавад аз ташкили ин гуна ниҳод чӣ суд?
Мӯҳр
бисёр хуб мешуд як одами тачрибадор ва Точик мешуд на подабон

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)