Бахшҳо

Раҳматуллобек Фарҳодов - қаҳрамони Осиё миёни ҷавонон

Дар рӯзи дуввуми чемпионати Осиё оид ба ҷудо миёни ҷавонон варзишгарони тоҷик соҳиби як медали тилло, як нуқра ва як биринҷӣ шуданд. Ин сабқат дар дар шаҳри Бишкеки Қирғизистон баргузор шуд.

Нишони тиллоро Раҳматуллобек Фарҳодов дар вазни -81 ба даст овард. Раҳматуллобек, ки дар даври аввал озод буд, дар қисмати дуввум Амит Найни ҳиндустониро шикаст дод. Ӯ дар нимфинал бар Ҳиромаса Касаҳараи ҷопонӣ ва дар финал бар Ҷавод Муродии эронӣ ғолиб шуд.

Варзишгари дигари тоҷик Темур Раҳимов дар вазни -100 кило медали нуқра ба даст овард. Вай нахуст Тсетсетсенгел Одхууи муғулистонӣ ва дар нимфинал Алӣ Парҳезгори эрониро мағлуб кард, аммо дар қисмати ниҳойӣ аз Хангал Одбаатари муғулистонӣ шикаст хӯрд.

Ҳоҷимашраб Раҳмонов дар вазни -90 кило соҳиби медали биринҷӣ шуд. Ӯ дар марҳилаи муқаддамотӣ аз Кошӣ Нагай (Ҷопон) шикаст хӯрда, сипас, рақобатро барои медали биринҷӣ идома дод. То ба ҷойи сеюм расидан ӯ дар ду қувваозмоӣ бар Каллапа Лоҳар (Ҳиндустон) ва Лӣ Тай (Ветнам) ғалаба кард.

Дар вазни +100 кило ду варзишгари тоҷик – Муҳаммадбек Фарҳодов ва Хуршед Маҷидов вориди рақобат шуданд. Муҳаммадбек мақоми панҷум ва Хуршед ҷойи ҳафтумро ишғол карданд.

Дар рӯзи аввали чемпионат ду паҳлавони тоҷик – Муҳаммадраҳим Сарахонов дар вазни -66 кило ва Эраҷ Абдуллоев дар вазни -73 кило сазовори медали биринҷӣ гаштанд.

4 варзишгари дигари тоҷик – Сомон Аламов (-55 кило), Олим Назриев (-60 кило) миёни мардон, Шукрона Қарчиева (-48 кило) ва Ойишабону Қурбоналиева (-52 кило) миёни бонувон дар даври аввал аз рақибонашон мағлуб гаштанд.

Дар чемпионати Осиё оид ба ҷудо миёни ҷавонон 178 варзишгар (107 мард, 71 зан) аз 17 давлати қора иштирок карданд. Дар ҳисоби даставӣ Ҷопон бо 5 медали тилло ва 6 биринҷӣ ҷойи аввалро сазовор шуд. Кореяи Ҷанубӣ бо 3 медали тилло, 3 нуқра, 2 биринҷӣ мақоми дуюм, Қазоқистон бо 3 медали тилло, 1 нуқра ва 5 биринҷӣ ҷойи сеюмро ишғол карданд. Тоҷикистон бо 1 медали тилло, 1 нуқра ва 3 биринҷӣ дар ҳисоби умумӣ дар мақоми 7-ум қарор гирифт.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Феврал 2023    »
ДушСешЧорПанҶумШанЯкш
 12345
6789101112
13141516171819
20212223242526
2728 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)