Ф.Қаҳҳорзода: Барои сармоягузорони эронӣ маҳдудияте вуҷуд надорад (ВИДЕО)
Файзиддин Қаҳҳорзода, раиси Кумитаи сармоягузорӣ ва идораи амволи давлатии Тоҷикистон мегӯяд, барои фаъолияти ширкатҳои эронӣ ҳеч маҳдудияте вуҷуд надорад. Ӯ ин нуктаро имрӯз, 31 июл дар нишасти хабарие дар Душанбе изҳор дошта, афзуд, Тоҷикистон баръакс ҳавасманд аст, то соҳибкорони эронӣ дар иқтисодиёти кишвар сармоягузорӣ намоянд.
Қаҳҳорзода афзуд, саҳмгузор ва ё сармоягузор вобаста ба ҳавасмандии худ ба ин ё он кишвар барои пешбурди фаъолият сармоя мегузорад: “Ширкатҳои эронӣ имрӯз дар иншоотҳои мо хуб фаъолият доранд, вале дақиқан гуфта наметавонам, ки барои чӣ онҳо имрӯз дар Тоҷикистон маблағгузорӣ карда наметавонанд. Агар имрӯз таваҷҷуҳ карда бошед, теъдоди хеле зиёди ширкатҳо дар Тоҷикистон фаъолият доранд, ки барои фаъолияташон ягон монеае нест”.
Раиси Кумитаи сармоягузорӣ ва идораи амволи давлатии кишвар аз бунёди нақби “Истиқлол” ва НБО “Сангтуда-2” мисол зад, ки бо дастгирии Эрон бунёд шудаанд: “Онҳо дар тарҳҳои инфрасохтории роҳҳо низ саҳми хело зиёд доранд”.
Ҷаноби Қаҳорзода гуфт, ба қарибӣ бо соҳибкорони ҶИЭ оид ба таъсиси корхонаи коркарди партовҳои сахти маишӣ дар шаҳри Душанбе чанд вохурӣ доштанд: “Омодагӣ доранд, ки ҳудуди 100 миллиён доллар барои таъсиси чунин як корхона дар Тоҷикистон ҳамкорӣ намоянд. Ин масъала ҳоло ҳам дар сатҳи кумита ва ҳам дар сатҳи мақомоти шаҳри Душанбе мавриди баррасӣ қарор дорад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |