02 авг 2017 16:33Тоҷикистон / Сиёсат / Рӯ ба рӯ / Тема дня

Қонунгузори №1-и Президент: Ҳабс ягона роҳи ислоҳ нест

Маҳмад Раҳимзода, мудири Маркази миллии қонунгузории назди Президенти Тоҷикистон мегӯяд, дар Кодекси нави ҷиноӣ дар бисёри ҳолатҳо ҷарима ҷои ҳабсро мегирад.

Раҳимзода имрӯз, 2-юми август зимни нишасти матбуотӣ гуфт, башардӯстӣ дар қонунҳои кишвар бартарият дорад: “Дар Конститутсия ҳуқуқу озодиҳои инсон арзиши олӣ муайян шудаанд, ки ин гуманизм аст”.

Маҳмад Раҳимзода афзуд, ки дар қонунгузории марбути ҷиноятҳо бештар такя ба ҷарима мешавад: “Дар Кодекси нав қисми зиёди ҷиноятҳо ба ҷарима гузаронда мешавад. Дар 25 соли Истиқлолият ҳар 1,5 сол дар Тоҷикистон афв татбиқ мешавад, ин гуманнизм аст”.

Мудири Маркази миллии қонунгузорӣ таъкид намуд, ки инсонро танҳо ба ҳабс кардан тарбия кардан мумкин нест, аммо куллан бидуни ҳабс ҳам намешавад: “Баъзе роҳҳои дигари тарбия вуҷуд дорад. Дар қонунгузорӣ принсипи оқилона пешбинӣ шудааст, ки ҳатто ба суд имконият медиҳад, ки бо назардошти ин принсип амал кунад. Вазифаи мо тарбияи инсон аст, на қатлу ҷазо”.

Ӯ афзуд, ки дар маҷмуъ сатҳи қонунгузории Тоҷикистон аз давлатҳои дигар поинтар нест ва баъзан камбудию мухолифатҳое, ки ҷой доранд, бо мурури замон бартараф хоҳанд шуд.

Раҳимзода иддаоро, ки қонун догма нест, рад карда, изҳор дошт, ки модоме қонун қабул шудааст, бояд иҷро шавад ва аз ин нуқтаи назар қонун догма аст: “Қонунро қабул кардӣ, бояд иҷро кунӣ. Масъалаи ивазшавандагияш ин дигар аст. Мунтазам парлумон кор мекунад, институтҳо олимон ва ниҳодҳои дигар кор мекунанд, то қонунҳои кишвар такмил дода шаванд”.

Мӯҳр

Хабарҳои монанд:

Фахриддин

Мухтарам Рахимзода Шумо бо ин чаримабандиатон сафи фасодкорону авбошонро сечанд мекунед,бо чашми худам дидам,ки баъди 120 хазор чарима барои заминфушиаш боз ба чои Раиси чамоат омад акнун (гурги борондида) такдири захматкашон чи мешавад?

Ҷавоб диҳед Иқтибос Шикоят

Дарвеш

Дар Точикистон конун факат барои мардуми одди дахолат дорад, барои мансабдорону пулдорон конун нест.Дар назди конун бояд хама як хел бошад рафик Рахимзода

Ҷавоб диҳед Иқтибос Шикоят

Noil

Чиноете ки бе чазо ме онад ба чиноети дигар тела медихад. Дигархо хам он чиноятро такрор хоханд кард. Дар натичаи боварии мардум ба суду прокурор намеионад ва судхои халки е судхои сарирохи чои онхоро мегирагд.

Ҷавоб диҳед Иқтибос Шикоят

Эзоҳ илова кунед