04 авг 2017 09:53Тоҷикистон / Сиёсат

Барои Бузургмеҳр Ёров боз 17 соли зиндон талаб карданд

Додситон бар пояи моддаҳои “таҳқири оммавии Президент” барои вакили дифоъ -- Бузургмеҳр Ёров 5 ва барои “қаллобӣ” 12 соли зиндон талаб кардааст. Аммо бо таваҷҷуҳ ба ин ки Ёров дар гузашта барои 25 сол равонаи зиндон шуд ва ҳадди ниҳойии ҳабс дар Тоҷикистон 30 сол ё ҳабси абадро ташкил медиҳад, хостори дар маҷмӯъ 30 сол аз озодӣ маҳрум кардани ӯ шудааст.

Заррина Набиева, ҳамсари Бузургмеҳр Ёров ба Радиои Озодӣ гуфтааст, мурофиа дар боздоштгоҳи муваққатии рақами яки пойтахт баргузор шуд ва Додгоҳи ноҳияи Фирдавсӣ қарор кардааст, Бузургмеҳр рӯзи сешанбеи 8 август сухани охирини худро бигӯяд.

Бузургмеҳр Ёров моҳи октябри соли 2016 ва марти соли 2017 дар пайи ду ҳукми додгоҳ 25 сол ҳукм гирифт. Ӯ дар “даъвати оммавӣ барои ба амал баровардани фаъолияти ифротгароӣ”, “беэҳтиромӣ ба намояндаи додгоҳ” ва “таҳқири намояндаи ҳокимият” муҷрим шинохта шуд. Баъдан, нисбати ӯ бар асоси моддаи “таҳқири оммавии Президенти Ҷумҳурии Тоҷикистон” парванда боз шуд.

Бузургмеҳр Ёров моҳи сентябри соли 2015 баъди он ки эълон кард, Кумитаи дифоъ аз аъзои дастгиршудаи Ҳизби мамнӯи наҳзати исломии Тоҷикистонро таъсис медиҳад, боздошт шуд.

Мӯҳр

Хабарҳои монанд:

Tojjk

Донои захр аст нодони шакараст дар ин дуне

Ҷавоб диҳед Иқтибос Шикоят

Юсуф

Ин аст тақдири ҳар як адвокате, ки "ман мустақилам" гӯяд. Агар пешхидмати прокурору судяҳо бошад, ин хел адвокатро касе ғам намедиҳад. Дар Тоҷикистон хизмати адвокатӣ заррае аҳамияте надорад.

Ҷавоб диҳед Иқтибос Шикоят

Саид

Tojjk,
Доноёнро дар ҷаҳон маблағҳои калон дода мехононанд ,баъзе вақтҳо аз дигар давлатҳо мехаранд мутухасисони донноро...
Танҳо дар ТҶ донову илму ҳунар хор гаштааст ,мо китобҳои дарсиро барои фарзандон 20 ё 30 мехарем ,вале манбаи илму дониш мактабҳлву китобхонаҳо бо ҳар кг 1 ё 2 сомони бо фабрикаҳои қоғази ташноб мефурушанд.
Ана акнун худатон як андеша кунед ,то чи дараҷа хораст...

Ҷавоб диҳед Иқтибос Шикоят

Масрур

Ба ин кабил афрод (Бузургмехр Ёров) хукми абад хам кам аст.

Ҷавоб диҳед Иқтибос Шикоят

Эзоҳ илова кунед