“Тоҷиксуғурта”: Зарардидаҳои бозори Корвон шартномаи суғуртавӣ надоштанд (ВИДЕО)
Масъулини корхонаи воҳиди давлатии “Тоҷиксуғурта” мегӯянд, ҳеч як соҳибкори аз сӯхтор зарардидаи бозори Корвон шартномаи суғуртавӣ надоштанд ва аз ин рӯ ба онҳо ҷуброни зарар пардохт нашудааст.
Абдулло Абдуллоев, муовини директори ширкати “Тоҷиксуғурта” имрӯз, 4 август зимни як нишасти матбуотӣ бо зикри ин нукта гуфт, агар соҳибкорон бо онҳо қарордод мебастанд, ҳатман маблағи зарари расида пардохт мегардид. Ба қавли ӯ, соли 2016 барои шартномаи ҳамкорӣ ба раҳбарияти бозори Корвон чор мактуби расмӣ ирсол намуда, дар ду ҳолат ҷавоби рад ва дар ду ҳолати дигар номаҳояшон бепосух монд: “Намояндагии ширкати мо дар ноҳияи Фирдавсӣ соли 2016 се-чор маротиба мактуби расмӣ ирсол намуд, аммо роҳбарияти бозор расман рад карданд”.
Сӯхтори дар бозори Корвон шоми 2 июли соли равон сар зад. Дар натиҷаи он 25 мағоза ва 260 нуқтаи савдо зарар дид. Вазорати корҳои дохилии Тоҷикистон сабаби сар задани сӯхторро "расиши кӯтоҳи ноқилҳои барқӣ" унвон кард.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |