Бахшҳо

Талаби пули беш аз пеш дар донишгоҳҳо ва шарҳи масъулин

Мақомоти зиддиинҳисорӣ ва масъулини донишгоҳҳои кишвар шикояти волидони довталабонро дар мавриди он ки замони ҳуҷҷатсупорӣ нархи таҳсил поинтар буду феълан боло рафтааст, шарҳ доданд.

Падари яке аз донишҷӯёни Донишгоҳи славянӣ ба “Озодагон” шикоят кард, ки масъулини донишгоҳ вақти ҳуҷҷатсупорӣ ба ӯ дигар нарх нишон доданду феълан онро боло бурдаанд: “Писари ман дар факултаи “Туризм”-и Донишгоҳи славянии Русия ва Тоҷикистон ҳуҷҷатҳояшро супорид. Дар рӯзи ҳуҷҷатсупорӣ нархи шартномааш 5100 сомонӣ буд, дирӯз вақти маблағсупорӣ ба писарам гуфтаанд, бояд 5450 сомонӣ супорад”.

Ба гуфтаи волидони довталабон болоравии нархнома дар бисёри факултаҳо ҷой дорад ва он боиси саргардонии шаҳрвандон шудааст: “Нафароне буданд, ки 200 сомониашон намерасид, онҳоро қабул накарданд. Дубора барои маблағ мерафтанд. Ман ба писарам 5100 сомонӣ дода будам ва аламовараш ин буд, ки ӯ дубора барои маблағ ба хона омад. Ин як саргардонӣ мебошад”.

Масъулини Комиссияи қабули Донишгоҳи славянии Русия ва Тоҷикистон дар шарҳи қазия ба “Озодагон” гуфтанд, нархномаҳое, ки довталабон дар варақаҳои Маркази миллии тестӣ дастрас кардаанд, нархномаҳои соли қаблӣ мебошанд: “Маблағҳое, ки айни ҳол довталабон супорида истодаанд, аз рӯи нархҳои нав буда, ҳамааш барои соли 2017-2018 тасдиқ шудааст. Нархномаи нав каме дер тасдиқ шуда, дар ҳоли ҳозир онро ба ҳар як довталаб нишон дода истодаанд”.

Бахтиёр Ғафуров, котиби масъули Донишгоҳи славянии Русия ва Тоҷикистон, сабаби тағйир ёфтани нархномаҳоро болоравии таваррум арзёбӣ кард: ”Соли 2016 таваррум 6% боло рафт ва вобаста ба ин, бо тасдиқи Хадамоти зиддиинҳисорӣ ва Вазорати рушди иқтисод 6% нархҳо дар ҳамаи ихтисосҳо баланд бардошта шуд”.

Сайдалӣ Зарифзода, сардори Раёсати ҳимоя ва рушди рақобати Хадамоти зиддиинҳисории Тоҷикистон мегӯяд, нархномаҳо ба таври чашмрас тағйир наёфта, аксари донишгоҳу донишкадаҳо дар сатҳи амалкунанда боқӣ мондаанд: “Дар масъалаи нархномаи Донишгоҳи славянӣ бошад дар солҳои 2015 ба 2016 шояд 3-4 фисад тағйир ёфта бошад”.

Масъулони Маркази миллии тестии назди Президенти Тоҷикистон мегӯянд, дар тақсимоти асосӣ, ки анҷом ёфт, ҳамагӣ 48 ҳазору 734 довталаб комёб гардида, сазовори номи донишҷӯ шуданд. Ба гуфтаи Марказ 16 ҳазору 410 курсии донишҷӯӣ ҳанӯз холиянд, ки аз он 3813 адад дар бахши буҷавӣ ва боқимонда шартномавӣ мебошанд. Тақсимоти такрорӣ 19-22-юми август дар назар аст.
Мӯҳр
рахмдил
Таварум ба ин кор чи дахл дорад, ин ьаварум барои корхонаҳои истеҳсоли таалуқ дорад.Маблағи сохтмон ва хариди таҷҳизотҳора кам кардан даркор.онгоҳ ягон мушкилие барпо намешавад.Таварум мегуеду маблаҳҳоро ба сохтмон сарф мекунед ё барои хариди маводу таҷҳизотҳо.Аз смета аз маблағе ки барои ин ё он хариду сохтмони биною иншоотҳо гузоштааст сарфа кунед.Ба мардуми камбағал раҳм кардан даркор.

login
Шарм аст шарм дар давоми 5 мох ба маркази милли тести нархномаи донишгохро пешниход накардан ин бесмасъулиятиии РЕКТОРОН мебошад.

1
Дар хакикат нархи тахсили шартномави нисбат ба даромади мардум хеле баланд аст.Хадамоти зиддиинҳисорӣ ва Вазорати рушди иқтисод шумо ки масъули ин нархгузори хастед хангоми баррасии ин масъала чайби мардумро низ ба инобат гиред.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)