16 авг 2017 08:51Тоҷикистон / Сиёсат

Таъкиди Эмомалӣ Раҳмон барои гирифтани то 3 ҳосил аз як замин

Эмомалӣ Раҳмон, раисҷумҳури Тоҷикистон субҳи имрӯз, 16 август дар доираи сафари кориаш ба шаҳру навоҳии вилояти Хатлон ба ноҳияи Бохтар сафар кард.

Тибқи иттилои дафтари матбуоти Президент, Эмомалӣ Раҳмон дар ноҳияи Бохтар нахуст бо фаъолияти кооперативи тиҷоратии “Сомон”-и деҳоти Заргар, ки ба боғдорӣ, зироаткорӣ ва чорводорӣ машғул аст, ошно шудааст. Манбаъ мегӯяд, масъулин ба Эмомалӣ Раҳмон маълумот додаанд, ки аз майдони умумии хоҷагӣ 4,7 гектарашро боғ, 2 гектарашро лиму, 30 гектарашро пахта ва 15 гектари дигарашро юнучқа ташкил медиҳад: “Парвариши лиму дар асоси омӯзишу таҷрибаи ғанӣ дар 10 гармхона ба роҳ монда шудааст, ки дар ҳар кадоми он вобаста ба ғунҷоиш аз 110 то 200 ниҳоли лиму парвариш меёбад”.

Ба иттилои дафтари матбуоти раисҷумҳур, соли равон майдони гармхонаҳои лимупарварӣ дар ноҳияи Бохтар ба 60 гектар расонида шудааст, ки аз ин 20 гектараш майдони ҳосилдеҳ мебошад. Манбаъ афзуд, Эмомалӣ Раҳмон бо назардошти зиёд будани талабот ба чунин навъи маҳсулот омӯзиш ва ба таври васеъ ҷорӣ кардани таҷрибаи пешқадамро барои гирифтани ҳосили баланду дилхоҳ дар дигар хоҷагиҳо муҳим арзёбӣ намуданд: “Эмомалӣ Раҳмон ба масъулин, олимони соҳа ва хоҷагидорон дар ин ва дигар хоҷагиҳои шаҳру ноҳияҳои мамлакат барои гирифтани то 3 ҳосил аз як замин ва истифодаи мақсадноки он ҳидоятҳои муфид додаанд”.

Дафтари матбуоти Президент ҳадафи сафари Эмомалӣ Раҳмонро ба вилояти Хатлон "шиносоӣ бо ҷараёни корҳои созандагию бунёдкорӣ, ифтитоҳи як зумра иншооти ҳаётан муҳим ва боздид аз хоҷагиҳои кишоварзӣ" унвон кардааст.

Мӯҳр

Хабарҳои монанд:

замини ташналаб

Дар нохияи Хуросон чамоати Fаллаобод дехаи Мехнатобод ки калонтарин деха дар нохияи Хуросон аст об нест ба аз кучо 3-хосил гирифта мешавад кариб 5-6 сол мешавад ки деха бе об хаст. Ба чои он ки як кадам ба пеш равем, шаш кадам ба тарафи кафо рафтаистодаем масъулон ба кучо назар мекунанд бо ки бо чи кор машгуланд номаълум аст.

Ҷавоб диҳед Иқтибос Шикоят

Давлатбек

Точикистон точ дорад, точи у арзанда аст,
Пешвои олихиммат шухраташ поянда аст.
Бале, хок ва фазои кишвари махбубам Точикистон макбул аст барои 3-4 хосил гирифтан ва Пешвои миллати точик ин арзиши Худододро як чузьи сиесати хирадмандонаи худ шумурда хамаро барои истифодаи хирадмандонаи як вачаб замин даьват мекунад.... Зиндаю човид бод Пешвои Точикони чахон.

Ҷавоб диҳед Иқтибос Шикоят

Эзоҳ илова кунед