24 авг 2017 10:34Тоҷикистон / Сиёсат / Рӯ ба рӯ / Тема дня

Вазир капитани маст, ки пиёдагардро зер кард, аз мақомот ронд

Рамазон Раҳимзода, вазири умури дохилии Тоҷикистон капитани милитсия Раҳимов Парвиз Раҳматовичро барои идораи мошин дар ҳолати мастӣ ва зер кардани пиёдагард аз сафи мақомоти умури дохилӣ озод кардааст.

Тибқи иттилои ВКД садама бо иштироки капитани маст 22-юми августи соли 2017, соати 21:30-дақиқа дар хиёбони Саъдӣ Шерозӣ рух дод: “Автомашинаи «Опел-Астра», таҳти идораи ваколатдори калони оперативии шуъбаи таҳлилии банақшагирӣ ва ҳамкориҳои байналмилалии РМЗҶМ ВКД Ҷумҳурии Тоҷикистон, капитани Раҳимови 31-сола ҳангоми ҳаракат аз тарафи кӯчаи С.Айнӣ ба самти кӯчаи Қаҳҳоров, дар ҳудуди кӯчаи С.Шерозии пойтахт пиёдагард Маҳмадов Хисрав Бобохонович соли таваллудаш1984, сокини ноҳияи Восеъро зада аз пой афтондааст. Ронанда капитани милиса маст будааст”.

Манбаъ афзуд, ки дар натиҷа пиёдагард ҷароҳатҳои вазнини ҷисмонӣ бардошта, дар беморхона бистарӣ гардидааст: “Нисбати ҳодисаи мазкур аз ҷониби шуъбаи тафтишотии РВКД дар шаҳри Душанбе мавод тартиб дода шуда, аз рӯи тобеъият барои чораандешӣ ба Прокуратураи шаҳри Душанбе ирсол карда шуд”.

Мӯҳр

Хабарҳои монанд:

Саид

Муҳтарам Рамазон Раҳимзода !
Банда як шаҳрванди ҳамин Давлати Демократи дуняви ,мехостам бидонам ки шумо бо кадом қонунҳо амал мекунед..
Бисёр мавридҳо шоҳиди чунин рафторҳои ношоистаи мақомотдорон алалхусус коргаронатон мешавам ,ки бо фалон гуноҳ аз кор ронда шуданд.
Агар қонун барои ҳамаи мо як бошаду аз руи меъёрҳои қабулкарда бо ҷавобгари кашида шаванд ,чаро танҳо аз кор ронда бо кори дигар ё вазифаҳои дигар мегузаранд манзурам (коргаронатон ё мақомотҳо....)

Ҷавоб диҳед Иқтибос Шикоят

Эзоҳ илова кунед