"Ях"-и мансабдорон дар соли 2011 «об» шуд

Ин қазия наметавонист ба ман бетаъсир бошад. Ин ҳолат ҷиҳатҳои мусбат ва манфии худро дошт».

Ҳамсӯҳбатамон мегӯяд, манфӣ аз он ҷиҳат, ки вокуниш ба мақола начандон мувофиқ буд. Ба ҷои он ки камбудиро бартараф кунанду муҷриминро ба ҷавобгарӣ кашанд, фишор болои мо шурӯъ шуданд, аз ҷумла ба худи ман ҳам...

Рамзия афзуд,ҷиҳати мусбатро дар он мебинам, ки аз мавзӯъи шиканҷа рамзи "табу" бардошта шуд ва ВАО-и дигар низ дар ин бора навиштанд ва мақомоти ҳифзи ҳуқуқ то андозае дари иттилоъро кушоданд: « Масалан, вақте ман маводро омода месохтам, дар посухи худ Прокуратураи генералӣ гуфта буд, ки ба онҳо шикоят аз шиканҷа нарасидааст, вале баъди вокуниши ҷомеа ба мақола дар мавриди шиканҷа Додситонии кулл аллакай маълумоти зиёдеро расонаӣ кард ва ҳатто дар мавриди он чизе ҳам, ки мо пурсида будем. Ба дигар маъно ҳарчанд масъала ҳалли пурраи худро наёфт, чун ин дар як муддати кӯтоҳ ҳам имконпазир нест, вале дар маҷмӯъ чуноне мегӯянд, "ях об шуд". Пас метавон гуфт, ки кори фоидаоваре ҳам дар ин муддат ба сомон расидааст.

Умедворам соли оянда бобаракаттар хоҳад буд. Аз он барои худ ва барои наздикону пайвандон ва атрофиёни худ ва албатта барои ҷомеа танҳо хушиҳоро таманно дорам».