Бахшҳо
22 сен 2017 11:13Тоҷикистон / Иҷтимоӣ

Аз 3,5 то 19 сол- ҳабси 11 ҷавон барои муноқиша ва марги Иброҳиму Сомон

Додгоҳи шаҳри Душанбе баррасии муноқишаи маргбори 2-юми январро миёни ноболиғони маҳаллаҳои 102 ва 104-ро, ки ду кушта барҷой гузошт, анҷом дода, 11 иштирокчиро аз 3,5 то 19 сол равонаи зиндон кард.

Тибқи иттилоияи Додситонии кулли Тоҷикистон бо ҳукми додгоҳ, Додарбеков Ф.Р.- 19 сол, Намозов Ш.Н.-12 сол, Сафаров Б.Ҳ. - 10 сол, Бобоев А., Амруллои Ҳ, Одинаев Н.С., Шоҳрухи Ҳ., Восиев Ш.М., Ҳакимов С.Р., Яқубов С.Р. - 5 солӣ, Наҷмиддинов Ф.И.- 3 солу 6 моҳ аз озодӣ маҳрум гардиданд. Инчунин Раҳимов А.А. ва Давлатов М.У ба андозаи 100 нишондиҳанда барои ҳисобҳо, ё 5 ҳазор сомонӣ ҷаримабандӣ шуданд.

Манбаъ мегӯяд, номбурдагон барои он айбдор дониста шудаанд, ки 2 январи соли 2017 тахминан соати 22, сокинони маҳаллаи 104-и шаҳри Душанбе ноболиғон Шоҳрухи Ҳ., Ҳакимов С.Р., Яқубов С.Р., Восиев Ш.М., Раҳимов А.А., Давлатов М.У., Додарбеков Ф.Р., Наҷмиддинов Ф.И., Хоҷаев И. ва дигарон бо мақсади нишон додани бартарии худ дар назди дигар рафиқонашон дар роҳи автомобилгарди кӯчаи А.Ғуломов назди нуқтаи охири хатсайрҳои №15 ва17-и воситаи нақлиёти ҷамъиятӣ бо сокинони маҳаллаи 102-и шаҳри Душанбе ноболиғон Сафаров Б.Ҳ., Намозов Ш.Н., Бобоев А., Амруллои Ҳ., Одинаев Н.С. ва марҳум Шарипов С.Ш., вохӯрда, аз ҳиссиёти авбошӣ бо ҳам дарафтода, бо корд, чӯб (бита) ва олотҳои металлӣ якдигарро лату кўб кардаанд: “Ҳангоми ин задухӯрд, ки 5-10 дақиқа давом кардааст, Додарбеков Ф.Р. аз ҳиссиёти авбошӣ бо мақсади қасдан расонидани зарари вазнин ба саломатӣ бо корд як маротиба ба рони пои рости Шарипов Сомон зарба задааст, ки он боиси хунравии шадид гардида, охирон дар беморхона ба ҳалокат расидааст”.

Инчунин ноболиғ Намозов Ш.Н. аз ҳиссиёти авбошӣ бо мақсади аз ҳаёт маҳрум намудани ду шахс бо корди бо худ доштааш, дар аввал Восиев Ш.М.-ро ба қисми рости камараш бо корд зарба зада, сипас бо маслиҳати пешакӣ бо ноболиғ Сафаров Б.Ҳ. бо истифодаи кордҳои дар дасташон буда, ба қисмати рони пои чап, шикам ва қафаси синаи Хоҷаев Иброҳим зарба задаанд: “Хоҷаев аз ҷароҳатҳои бардошта дар беморхона ба ҳалокат расида, ба Восиев Ш.Н. бошад ёрии тиббӣ расонида шудааст”.

Ҳамидуллоҳ Фақеров, сардори вақти раёсати маорифи шаҳри Душанбе муноқишаи маргбори аввали соли равон дар пойтахтро қассосгирӣ миёни ҷавонони ду маҳалла гуфт, на мактабҳо.

Ӯ гуфт, бо иттиҳоми даст доштан дар ин ҷиноят 15 нафар боздошт шуданд, ки миёнашон 4 талабаи хориҷшуда аз мактаб ва як нафар хатмкунанда мебошад: “Аксари боздоштшудаҳо аз оилаҳои носолиманд. Ба истиснои ду нафар, ки дар оилаҳои солим тарбият мегирифтаанд, боқимонда дар тарбияи бибию дигар наздиконашон будаанд. Феълан таҳқиқи ин ҳодиса идома дорад”.

Зимни ин муноқиша 2 нафар - Хоҷаев Иброҳим Ибодуллоевич соли таваллудаш 1998 ва Шарифов Сомон Шарофиддинович соли таваллудаш 1999 бо бардоштани ҷароҳатҳои ҷисмонӣ ба ҳалокат расидаанд.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Декабр 2022    »
ДушСешЧорПанҶумШанЯкш
 1234
567891011
12131415161718
19202122232425
262728293031 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)