Бахшҳо
07 окт 2017 12:07Тоҷикистон / Сиёсат

Директори "Ховар": Дар гирифтани иттилоъ аз ҳукумат афзалияте надорем

Саидалӣ Сиддиқ, директори Агентии миллии иттилоотии “Ховар” мегӯяд, дар гирифтани иттилоъ аз ҳукумат афзалияти қонуние надоранд ва бо хабаргузориҳои мустақил барои таваҷҷуҳи аудитория дар рақобатанд.

Саидалӣ Сиддиқ дар суҳбат бо хабаргузории “Казинформ” изҳор доштааст, ки барои пешбурди кори “Ховар” ният доранд, бахши инфографика, хазинаи сурату садо ва хадамоти видеоиро ташкил кунанд: “Хабарнигоронамонро дар хориҷ зиёд карданием. Айни ҳол намояндаҳои мо дар Маскав, Анқара, Берлин ва Ню-Йорк кор мекунанд”.

Оқои Сиддиқ беҳбуди сифати барномаҳои радиои “Ховар” ва густариши майдони пахши онҳоро аз нақшаҳои дигари худ арзёбӣ карда, афзудааст, ки барои амалӣ намудани ин иқдом сармоягузорон, аз ҷумла хориҷиҳоро ҷалб карданиянд.

Директори “Ховар” таъкид намудааст, ки хабаргузорӣ бо 5 забон-тоҷикӣ, русӣ, англисӣ, арабӣ ва форсӣ иттилоъ пахш карда, имрӯз яке аз беҳтарин сомонаҳои хабарии Тоҷикистон мебошад. Ӯ рақобат бо расонаҳои дигар, аз ҷумла хусусиро ногузир хонда, онро як омили рушд номидааст: “Расонаҳоро бе рақобат ва ҷаҳонро бе расона тасаввур кардан ғайриимкон аст. Мо пеши худ мақсад гузоштаем, ки барои таваҷҷуҳи аудитория бо дигар расонаҳо рақобат мекунем. Ҳар расона ин талошро дорад ва ҳар яки онҳо самт, шакл ва нақшаи фаъолияти худро доранд”.

Сиддиқ бо такя ба иттилои оҷонсии “Аd-Мedia”, ки сомонаи “Ховар”-ро таҳия кардааст, иттилоъ додааст, ки теъдоди бинандагони ин сомона аз ҳадди 4,5 миллион нафар гузаштааст, ки беҳтарин нишондод мебошад.

Дар мавриди он, ки расонаҳои давлатӣ бояд барои дастрасӣ ба иттилоъ аз ҳукумат афзалият дошта бошанду аввал хабарро бигиранд, Саидалӣ Сиддиқ гуфтааст, ки “Ховар ягона оҷонсии иттилоотии давлатӣ дар Тоҷикистон мебошад. Инчунин 6 оҷонсии иттилоотии хусусӣ фаъолият доранд. Албатта мақомоти давлатӣ ва ҳукуматӣ қабл аз ҳама бо мо ҳамкорӣ мекунанд. Дар баробари ин бо расонаҳои хусусӣ ва хориҷӣ низ ҳамкории зич доранд. Дар қонунгузории Тоҷикистон афзалияти расонаҳои давлатӣ зикр нашудааст ва аз рӯи ҳуқуқу уҳдадориҳояшон аз расонаҳои хусусӣ фарқ намекунанд”.

Директори “Ховар” аз қавли Эмомалӣ Раҳмон, раисиҷумҳури Тоҷикистон афзудааст, ки рӯзноманигорон сарфи назар аз мансубият ба расонаҳои давлатӣ ва ё хусусӣ бояд вазифаи касбияшонро дурусту содиқона иҷро кунанд, ба манфиати халқу давлат хизмат намоянд. Ӯ дар идома аз афзоиши расонаҳои хусусӣ нисбати давлатӣ зикр карда, фаъолияти озоди расонаҳоро яке аз нишонаҳои асосии рушди демократия ва ҷомеаи шаҳрвандӣ арзёбӣ намудааст.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)