Бахшҳо

Баҳси буҷа: Аз қарзи маош то қарзи хориҷӣ

Дар 9 моҳи соли равон 32 шаҳру навоҳии Тоҷикистон уҳдадориҳои андозии худро аз рӯи ҳаҷми даромадҳо дар назди буҷет таъмин накардаанд.

Шариф Раҳимзода, раиси кумитаи Маҷлиси намояндагон оид ба иқтисод ва молия ин нуктаро имрӯз, 27 октябр зимни ҷаласаи парлумонӣ, ки масъалаи иҷрои қонун «Дар бораи Буҷети давлатии Ҷумҳурии Тоҷикистон барои соли 2017» дар 9 моҳи соли равон баррасӣ мешуд, иброз доштааст.

Раҳимзода қайд намудааст, ки иҷроиши қисми хароҷоти буҷети давлатӣ дар нуҳ моҳ дар доираи иҷроиши воқеии даромадҳои буҷет ба роҳ монда шуда, ба андозаи 91,3 фоизи нақшаи нуҳмоҳа таъмин гардида, ба соҳаҳои иқтисодиёти кишвар зиёда аз 13,8 миллиард сомонӣ равона карда шудааст: “Дар давраи ҳисоботӣ аз ҳисоби Буҷети давлатӣ барои пардохти музди меҳнат зиёда аз 3,2 миллиард сомонӣ, инчунин барои идрорпулӣ, нафақа, ҷубронпулӣ ва кӯмакпулиҳо маблағи 1,9 миллиард сомонӣ равона гардидааст”.

Номбурда гуфтааст, тули 9 моҳи соли равон, аз буҷети ҷумҳуриявӣ ба буҷетҳои маҳаллӣ мусоидати молиявӣ (субвенсия) ва кумаки молиявӣ (дотатсия) 623,5 миллион сомонӣ ва барои иҷрои функсияи пойтахт– 9,0 миллион сомонӣ, дар маҷмуъ 632,5 миллион сомонӣ равона карда шудааст, ки ин 17 фоизи хароҷоти воқеии мақомоти иҷроияи маҳаллии ҳокимияти давлатии вилоятҳо ва шаҳру ноҳияҳоро ташкил медиҳад.

Шариф Раҳимзода илова намудааст, ки бар асоси маълумоти Вазорати молияи кишвар, ба ҳолати 10 октябр дар буҷетҳои маҳаллӣ қарздории фонди музди меҳнати моҳҳои июл - август 11054,3 ҳазор сомонӣ, аз ҷумла музди меҳнат 8452,9 ҳазор сомонӣ ва маблағҷудокунӣ ба эҳтиёҷоти иҷтимоӣ 2601,4 ҳазор сомониро ташкил медиҳад: “Аз ҷумла, қарздории фонди музди меҳнат дар шаҳри Ваҳдат 7813,3 ҳазор сомонӣ (аз ҷумла музди меҳнат 5859,9 ҳазор сомонӣ ва маблағҷудокунӣ ба эҳтиёҷоти иҷтимоӣ 1953,4 ҳазор сомонӣ) ва дар шаҳри Турсунзода – 3241 ҳазор сомонӣ (аз ҷумла музди меҳнат 2593,0 ҳазор сомонӣ ва маблағҷудокунӣ ба эҳтиёҷоти иҷтимоӣ 648,0 ҳазор сомонӣ) мебошад”.

Раҳимзода таъкид намудааст, ки бо мақсади самаранок ва мақсаднок истифода намудани маблағҳои буҷетӣ, аз ҷониби аудити дохилии Вазорати молия корҳои муайяни назоратӣ гузаронида шудааст, ки дар натиҷа камбудиҳо ба маблағи 14,5 миллион сомонӣ ошкор шудааст. Ӯ мегӯяд, дар ҷараёни аудит ва таҳлилҳои гузаронидашуда аз маблағи зарари молиявӣ 10,5 миллион сомонӣ ё 72,5 фоиз барқарор карда шуд, ки аз он ба буҷет 8,1 миллион сомонӣ ва ба корхонаҳо 2,4 миллион сомонӣ рост меояд: “Дар давраи ҳисоботӣ аз ҳисоби ташкилотҳои байналмилалии молиявӣ дар доираи лоиҳаҳои давлатии сармоягузорӣ 1313,0 миллион сомонӣ аз худ гардидааст, ки аз ин маблағҳои қарзӣ – 414,9 миллион сомонӣ ва маблағҳои грантӣ – 898,1 миллион сомониро ташкил медиҳанд”.

Шариф Раҳимзода иброз доштааст, ки танҳо дар 9 моҳи соли ҷорӣ 15 созишномаи қарзию грантӣ оид ба татбиқи 11 лоиҳаи муштараки инвеститсионӣ ба маблағи – 525,8 миллион доллари амрикоӣ ба имзо расонида шуд, ки аз он маблағҳои грантӣ – 131,9 миллион доллар ва маблағҳои қарзӣ – 393,9 миллион долларро ташкил медиҳад.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)