Китоби дуюми Аҳмади Иброҳим, журналисти тоҷик бо номи «Рӯди пурхун» ба нашр расид.
Китоби аввали ӯ бо унвони «Ҷаҳиши охирини бабр» ҳанӯз 2 сол муқаддам нашр шуда, аз корнамоиву ҷавонмардии қаҳрамони суғдӣ Спитамен бар зидди истилогарони Искандари Мақдунӣ қисса мекард. Муаллиф набардҳои ин паҳлавони суғдиро бо юнониҳо бо истифода аз манбаъҳои таърихӣ, барои хонанда пешкаш карда буд.
«Рӯди пурхун» идомаи мантиқии китоби якум буда, ин ҷо низ муаллиф ҷавонмардиву далерӣ, нангу ори ватандорӣ ва ҳифзи марзу буми ватанро аз чониби тахориён хеле хуб нишон додааст.
Агар дар китоби нахустин муаллиф бо як тарзи моҳирона нишон дода буд, ки чангиёни бохтарӣ барои кумак ба ҳаммиллатони худ ба Суғд мерафтанд, дар китоби дигар боз ҳам ваҳдати ин миллат баръало нишон дода шудааст, ки ҷангҷӯёни суғдие, ки зери алами Спитамон ҷангидаву ахиран, баъди марги ӯ титу пареш гашта буданд, боз ҳам ба қасди душман, атрофи бохтариён чамъ мегардиданд.
Китоби «Рӯди пурхун»-и Аҳмади Иброҳим асари пурарзиш ва гаронбаҳое хоҳад буд, дар роҳи худшиносии миллӣ ва ваҳдати миллат.
Мӯҳр