Бахшҳо
27 июл 2011 10:18Ҷавонон ва варзиш

Ману танҳоӣ, ғарибӣ ва андешаҳои бепоён

Имрўзҳо теъдоди ғамхорҳо ё ба истилоҳ «дилсӯзон»-и муҳоҷирони корӣ дар Тоҷикистон афзуда, ба қавле онҳо дар ҳар қадаманд, ҳукуматдор, корманди хадамоти муҳоҷират, табиб ва намояндаи дигар касбу кор… Дар тамоми расонаҳои хабарии кишвар гаштаву баргашта дар бораи сахтиву азоби муҳоҷирин менависанду мегўянд, ки аз тарафи намояндаи ин ё он миллат муҳоҷирони тоҷик азият дида, мавриди таҳқир қарор мегиранд.Бисёр мешунавему мебинем, ки бархеҳо дар бораи қисмати талхи ҳамватанони бурунмарзӣ суханҳои зебо менависанд, аз тақдири муҳоҷирон бо сӯзу гудоз қисса мекунанд…  



Беҳтараш суханро ба дарозо накашида, асли мақсадамро бароятон мегӯям. Ман низ муҳоҷирам ва солҳост, ки дар кишвари Русия кору фаъолият дорам.Шукри инояти Худованди азза ва ҷалла, ки аз ҷиҳати моддӣ ҳеч камбуде надорам, то ҷое аз ҳама чӣ таъминам, аммо ёди Ватан, меҳани азизам Тоҷикистонро дар қалб дорам, ба ёди обҳои сарду гуворояш сар чарх мезанад, бо шунидани суруди ғарибии кадом як хонандаи тоҷик гиря гулугирам мекунад, симои волидайн, пайвандон ва  табиати дилфиреби рустои зебоманзарам ҳамеша бо ман ҳамқадаманд. Рӯзҳо дар хиёл, шабҳо дар хобам кӯҳҳоро мебинам, аммо ин рӯъё аст, шабеҳ аст…даст дароз мекунем, ки бадани ватанро палмосам, аммо он дуртар меравад.Чанд сол боз ин дард бо ман аст, намехоҳам, ки лаҳзае аз ватан фаромӯш кунам, аммо чӣ чора: Замин сахту осмон баланд ва мо мусофирем, бале мусофиру муҳоҷири ғариб, дур  аз хоки диёр…  Дар ҳар куҷо ки набошем, мо тоҷикем, тоҷики тоҷдор. Посдорандаи анъананаҳои неку номи баланди ориёӣ. Хоҳ нохоҳ ҳар куҷое набошем, тоҷикем ва ҳар ҳарфе дар бораи миллати мо садо диҳад қалбҳои моро ба ларза меорад. Мутаасифона, на ҳамаи ҳамватанони мо ба шаъну эътибори миллат таваҷҷӯҳи хоса зоҳир мекунанд, бархеҳо ҳатто бойиси шармандагии миллат дар хориҷа мешаванд. Бале вақте ки моро Ҷамшуду Равшан гуфта масхара мекунанд, ба иззати нафсамон мерасанд, ҳақиру нотавон мегӯянд, ин хеле аламовар аст.

Ба назари банда вазифаи муқаддаси ҳар як муҳоҷири корӣ, ки аз Тоҷикистон ба берун аз кишвар сафар мекунад, қабл аз ҳама пос доштани урфу одат, эҳтироми муқаддасоти миллӣ ва доштани фарҳанги баланд аст. Ногуфта намонад, ки ба ҳар давлате, ки наравӣ бояд забони онҳоро донӣ, то дар баробари бегонагон эҳсоси бегонагӣ накунӣ. Беҳуда нест, ки бузургон фармудаанд: «Агар хоҳӣ, ки дар назди дигарон маҳбуб бошӣ, аввал худ намунаи дигарон бош!». Ин гапи хушку холӣ нест, аз ин рӯ бародарони ҳамватани ман биёед, намунаи дигарон бошем, худро хандахариши дигарон насозем, рафтору кирдорамонро ба замони муосир мутобиқ созем…

Чанд рӯз пеш бародарамро ба Тоҷикистон гусел намудам ва он чизеро, ки дар   фурудгоҳи Домодедово бо чашми сар дидам, маро водор ба навиштани ин сатрҳо кард. Ин майдони ҳавоӣ, яке аз бузугтарин фурудгоҳҳои Русия мебошад, ки ҳамарўза ҳазорон-ҳазор мардуми гӯшаву канори дунё аз он ҷо сафар мекунанд.Дар фурудгоҳи мазкур даҳҳо адад терминали бақайдгирӣ мавҷуд аст ва намояндагони қавму миллатҳои гуногун вобаста ба хатсайрҳои парвоз сабти ном шуда, ба шаҳрҳои дилхоҳашон парвоз мекунанд. Ҳама ҷо ором, бақайдгирӣ низ бонизом ҷараён мегирад, ба ҷуз терминали Маскав-Душанбе. Мусофирони тоҷик навбатро риоя накарда, доду фарёд мезананд, ҳар кас мекўшад,ки пештар аз дигаре вориди толори парвоз шавад, гўё ки дер мемонда бошад. Аз фарҳанги шарқиёна ва маданияти тоҷикӣ чизеро ин ҷо пайдо кардан амрест муҳол.Вақте мо назди терминал расидем, як ҷавони хеле зирак ва лоғарандом ба назадамон ҳозир шуда гуфт, сумкаҳоятонро болои тарозу гузоред, агар вазни зиёдатӣ дошта бошанд бароятон «бирка» пайдо мекунам, албатта бо нархи арзон. «Ба ҷои 160 рубли русӣ ман ҳамагӣ 100 рубл мегирам», афзуд ин тоҷири тоҷик. Дар гӯшаву канори терминали Маскав-Душанбе низ ҳамин ҳолро мушоҳида кардам, ба қавле чанд ҳамватани мо дар ин ҷо «бизнес» доранд, бизнеси бору билет. Ростӣ нафаҳмидам, ки ин ҷавонон бо кадом роҳ ва чӣ тиҷорат доранд, ё намояндагони ширкатҳои ҳавопаймоии Тоҷикистон низ бо онҳо шариканд? Чаро дигарҳо хеле орому ботамкин аз қайд мегузаранд, ба парвоз омода мешаванд, қабл аз ҳама аз ғурфаҳо чиптаи бозгашт ба ватанро дарёфт мекунанд, аммо мо фақат бо «тағобозӣ», пардохти пули иловагӣ, ҳаёҳу ва теладиҳӣ ба самолёти Тоҷикистон ворид мешавем. Магар ин аз маданияти баланди мо дарак медиҳад? Мо кистем ва куҷо равонаем, то куҷо бо ин аҳвол хоҳем расид…Ҳарчанд фикр кардам, ҷавоби ин суолҳоро наёфтам, ҳоло ҳам дар ҷойи кор дар пойтахти Русия сари миз нишаста, дар ин бора фикр мекунам…Андешае, ки поёнашро намебинам.
Ҳамзаи Сафар, муҳоҷири тоҷик дар Маскав{jathumbnail off}
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)