Бахшҳо
05 янв 2012 10:31Гузориш

Васфу «дастовард»-и 20-сола

Дар ин бист сол раису раисчаҳо ҳазорҳо гектар замини обии миллатро ғайрирасмӣ ба савдогарону мансабдорон фурӯхтанд.

Тоҷирони мавҷгирҳои моҳвораӣ, ки дар кишвари мо тиҷорати мувваффақ доранд, бояд худро мадюни шабакаҳои телевезионии Тоҷикистон шуморанд. Зеро ҳар қадар мавҷгирҳои эшон бештар ба фурӯш равад, ин далеле рӯшан аз заъфи телевизионҳои Тоҷикистон аст. То замоне ки телевизионҳои Тоҷикистон барномаҳои якрангу якнавохти пур аз тавсифу таърифи беҳуда ва аз назари касбӣ сустро пешкаши тамошогарон намоянд, тиҷорати мавҷгирҳои моҳвораӣ дар авҷ хоҳад буд.
Телевизионро ба оина ташбеҳ намудаанд, аммо телевизионҳои Тоҷикистон оинасон амал намекунанд. Оина дар баробари инъикоси ҳусн қубҳро низ акс менамояд. Оинаи телевизионҳои мо ҳеч норасоиву камбудиро нишон намедиҳад.
Мо аз телевизионҳои Тоҷикистон танҳо васфи сиёсатҳои хирадмандона ва дастовардҳои бемислу беназирро мешунавем. Ин тавсифҳо дар соли 2011 аз ҳадди ифрот ҳам убур намуд. Ба хусус дар охири сол чун анъана телевизионҳои мо танҳо аз дастовардҳои беназири сол батакрор гуфтанду гуфтанд. Дар ҳоле, ки журналистикаи муосир яктарафа нишон додани мавзуъро қабул надорад ва барномаҳои якҷонибаро ғайриҳирфаӣ мешуморад.
Шабакаи аввали телевизиони Тоҷикистон соли гузаштаро соли дастовардҳои бенизир хонда, аз 10 ҳазор гектар замин ҷудо намудан аз ҳисоби заминҳои чарогоҳ ва лалмӣ ба оилаҳои ниёзмандро аз ҷумлаи дастовардҳои соли мазкур мехонд. Мутаваҷҷеҳ шудед? Замини мардумро ба худи мардум додан дастовард будааст. Оё дар дигар давлатҳо ба аҳолӣ замин намедиҳанд? Оё ҳукуматҳои дигар кишварҳо мардумашонро ба ҳоли худ дар кӯча мегузоранд? Охир ҳамин мардуми ниёзманд бист сол аст дар талаби порчаи замин дари ҳокимонро ба қавле "охурча" кардаанд. Дар ин бист сол ниёзманди бистсола чилсола шуд, агар пас аз бист соли оворагӣ соҳиби порчаи замине он ҳам лалмӣ шудааст, магар дастовард аст? Дар ин бист сол раису раисчаҳо ҳазорҳо гектар замини обии миллатро ғайрирасмӣ ба савдогарону мансабдорон фурӯхтанд. Беш аз ин, ҳанӯз ҳам наметавон иддао кард, ки ҳамаи ниёзмандон соҳиби замин шуда бошанд. Ҳанӯз садҳо оилаҳо пушти дари раисон дар интизори замин ранҷи интизорӣ мекашанд.
Агар ба соҳибони аслии ҳамин замин барои сохтани манзил ҷудо намудани як порча замин дастовард бошад, садҳо гектар хоки ин Ватани азизро беминату ройгон ба
кишвари Чин бахшиданро чӣ гуна шарҳ диҳем?
Воқеан ин ҳодиса дар ҳамин соли "пур аз дастоварди 2011" ба вуқӯъ расид.
Ҳарчанд ин сол дар ҳақиқат нисбат ба солҳои дигари мустақилии Тоҷикистон дастовардҳое доштем, мисли бунёди Китобхонаи миллӣ, аммо бохтҳои бузургеро пушти сар намудем, ки бархеаш мисли доғе дар қалби миллат ба таври абадӣ хоҳад монд. Минҷумла қазияи бахшидани замин ба Чин ба ҳеч навъ тавҷеҳ намешавад.
Агар телевизионҳои Тоҷикистон минбаъд низ аз усули таърифу дастовардҷӯӣ кор бигаранд, амалашон танҳо ба суди тоҷирони мавҷгирҳои моҳвораӣ хоҳад буд. Дигар ҳеч.

Азизи НАҚИБЗОД

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)