Бахшҳо
21 фев 2012 07:55Гузориш

Кӯлоб: Мубориза «шиддат» мегирад

Дар шаҳри Кӯлоб барои соҳиб гаштан ба курсии намояндаи мардумӣ дар маҷлиси вакилони халқи шаҳр, ки бо сабаби ба кори дигар гузаштани собиқ намояндагони халқӣ холӣ гаштаанд, миёни аҳзоби сиёсии дар шаҳр фаъолият дошта, маъракаи ба истилоҳ «пешбарии номзадҳо»  оғоз гардид.

Раиси шаҳри Кӯлоб ва муовинаш бо сабаби ба дигар кор гузаштан ва аз ҳудуди шаҳр берун рафтан, аз намояндагии халқ дар маҷлиси вакилони шаҳр озод гаштанд. Сар аз рӯзи 15-уми феврал, бахшҳои ҳизбҳои сиёсӣ конфронсу маҷлисҳои ғайринавбатии худро оғоз карда, барои ишғоли ин ҷойҳо талош меварзанд.

Аммо ба назар мерасад, ки ҳамин бахшҳо дигар умед ба пирӯзӣ дар ин гуна сабқатҳо тақрибан надоранд ва ба хотири «қафо намондан аз… маърака», ҷаласаву ҷамъомадҳо дар дафтари корӣ амалӣ кардаву номзадҳои худро пешбарӣ намудаву «ихтиёри ғайриихтиёрӣ» дар он ширкат мекунанд.

Номзадҳои «нав»-у «кӯҳна» ва пир

Ҳизби демократи Тоҷикистон, раиси ин бахш Амрохон Сафаровро, ки наздик ба 80-сол умр дорад, бо як овоз номзад ба вакилӣ пазируфтанд. Чунин ба назар мерасад, ки ҳизби мазкур аъзои хеле кам дар ҳудуди шаҳр дорад ва ҳамоно, агар бошанд ҳам, на ҷавононанд ва ё намояндаи лоиқтаре аз як мӯйсафед надорад.

Ҳизби наҳзати исломӣ низ рӯзи 16-уми феврал бо баргузории як конфронси ғайринавбатии худ ду тан аз намояндагони худро барои номнавис гаштан дар интихоботи миёнадаврӣ пешниҳод намуд. Дар ин конфронс, ки воқеан аъзои он бо ташаббус самимона ва хеле зиёд ҷамъ омада буданд, бо як овоз номзадии раисони бахшҳои шаҳриву минтақавии ҲНИТ-ро пешбарӣ карданд. Гӯё ин ҷо низ, аъзоҳои қатории фаъол набуду нест. Зеро, дар ҳамаи маъракаҳои интихоботӣ танҳо раисони бахшҳо «ба майдон» мебароянду вале пирӯз намешаванд.  Гузашта аз ин, дар баъзе ҳолатҳо номзадҳо аз  ин ҳизб то маъракаи интихоботӣ, бо иллати «ноадолатӣ ва иҷозат надодан» аз ҷониби ҳавзаҳои интихоботӣ аз рақобат даст мекашанд.

Маҳмадшариф Набиев, раиси бахши ҲНИТ дар минтақаи Кӯлоб мегӯяд, «Сайидиброҳими Назар, ки дар интихоботи миёнадаврии гузашта барои номзад ба маҷлиси вакилон Маҷлиси намояндагон пешбарӣ гашта буд, бо иллати иҷозат надодани назоратчиён барои назорати рафти интихобот дар участкаҳои интихоботӣ, аз рақобат даст кашид. Зеро дар ин ҳолат, замонати нигаҳдории овози интихобкунандагонро надоштем». Ба қавли Набиев, дар қитъаҳои интихоботӣ ҳолатҳое ҷой доранд, ки барои интихобкунанда варақаҳои раъйдиҳии   қаблан хатзадаро медиҳанду хоҳиши ба қуттӣ андохтан мекунанд:«Дар интихоботи гузашта, далел дорем, ки дар қитъаи №1 ҳатто ба дасти узви ҲНИТ ҳам инчунин бюлетен додаанд».

Аммо ба назар мерасад, ки номзадҳо аз ин ҳизб ҳам ба пирӯз шуданашон дар интихобот ба пуррагӣ бовар… надоранд. Абдусамад Ғайратов, номзад ба намояндагии мардум дар маҷлиси вакилони халқи шаҳр дар интихоботи миёнадаврӣ, дар ҳамин конфронс гуфт,  агар пирӯзӣ насибамон нагардад ҳам, вале бояд аз будани худ ёдрас намоем.

То интихоботи намояндагони мардумӣ дар маҷлиси вакилони халқи шаҳри Кӯлоб каме бештар аз 1 моҳ мондааст. Вале бахшҳои дигар ҳизбҳои сиёсӣ барои иштирок дар он  ҳанӯз хомӯшанд. Гуфта мешавад, ҳамин хомӯшӣ гувоҳ аз он аст, ки онҳо низ ба пирӯзӣ дар интихобот бовар надоранд. Зеро барои ишғоли «вазифа»- намояндагии мардум ду рақиби тавонову пуштибондошта, иҷрокунандаи раиси шаҳр ва муовинаш довталабанд ва… демократи пиру ҷавонони наҳзатӣ, агар аз нимароҳ берун нашаванд, гумон аст, ки «депутат» мешуда бошанд.

Аслиддин Достиев

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)