Бахшҳо
17 апр 2012 09:44Гузориш

Қуллаи мақсуди маснавишиносии муосири тоҷик

Профессор, Нодир Одилов, раиси шӯрои кӯҳансолони ҳаракати Ваҳдат ва Эҳёи Тоҷикистон 80 сола шуд. Ба ин муносибат нимаи аввали имрӯз, 17-уми апрел дар толори Академияи илмҳои Тоҷикистон таҳти унвони «Маснавишиносии муосири тоҷик» конфронси илмӣ сурат пазируфт.

Муҳаммадҷон Илолов, президенти Фарҳангистони улуми Тоҷикистон нахуст аз ҳаёт ва фаъолияти Нодир Одилов, узви пайвастаи Академияи илмҳои педагогӣ ва иҷтимоии Русия сухан гуфта, қайд кард, ки Нодир Одилов дар тули фаъолияти худ ба муваффақиятҳои зиёд ноил шудааст. «Теъдоди асарҳои илмие, ки ба қалами ӯ таалуқ дорад, барои дигарон чун дастури методӣ хизмат мекунад»,-афзуд номбурда.
Ҳамзамон зикр гардид, ки асарҳои «Ҷаҳонбинии Ҷалолиддини Румӣ» (Душанбе, 1964), «Ислом дар Оинаи ақл» (Душанбе, 1971), «Ихтилофи ақоид ва низоъҳои мазҳабӣ дар Ислом» (Душанбе, 1974», «Ислом ва Сотсиализм» (Душанбе, 1982) аз ҷумлаи навиштаҳои таҳқиқотӣ ва илмии Нодир Одилов ба шумор мераванд. Ғайр аз ин ӯ ҳаммуалифи китоби дарсӣ доир ба таърих ва назарияи дин барои мактабҳои олӣ ва муалифи мақолаҳои зиёд дар мавзӯъҳои гуногун мебошад.

Ғафор Мирзоев, корманди Институти фалсафа, сиёсатшиносӣ ва ҳуқуқи Фарҳангистони улуми кишвар гуфт, ки Нодир Одилов яке аз аввалин муҳақиқоне мебошад, ки мероси ирфонӣ-тасаввуфии Мавлоно Ҷалолиддини Румиро мавриди таҳқиқ қарор додааст: «Нодир Одилов як рисолаи илмии худро бо номи «Ҷаҳонбинии Ҷалолиддини Румӣ» таълиф кардааст, ки яке аз корҳои бунёдӣ-таҳқиқотӣ маҳсуб мешавад. Баъд аз ин дигар олимону муҳаққиқон ба омӯзиши дигар паҳлӯҳои илмиву файласуфии намояндагони ирфони тасаввуф шурӯъ кардаанд, ки хушбахтона то ба имрӯз ҳам дастовардҳои намоёне ба назар мерасад».
Ба қавли номбурда саҳми Нодир Одилов дар коркарди таърихи фалсафаи тоҷик бо навиштани асарҳо, мақолаҳо ва иштирок дар конфронсҳо ба итмом намерасад. Ӯ ин корро ба воситаи шогирдонаш идома медиҳад. Дар зери роҳбарии ӯ аспирантҳо  проблемаҳои муҳими соҳаи таърихи дин ва таърихи фалсафаро таҳқиқ кардаанд.
Нодир Одилов дар омода кардани кадрҳои илмӣ ҳамчун мушовир низ хизмати бевосита кардааст. Вай ба сифати мушовир зимни муаррифии рисолаҳоии номзадии Додихудоев, Қулматов, Шамсиддинов, Захарова, Ҳасанова ва дигарон баромад кардааст. Дар конфронс ҳамчунин қайд шуд, ки Одилов дар таҳрири асарҳои илмии олимони тоҷик низ саҳми намоён гузоштааст.

Маълумоти Озодагон: Одилов Нодир Фозилович, раиси шӯрои кӯҳансолони ҳаракати Ваҳдат ва Эҳёи Тоҷикистон, профессор, узви пайвастаи академияи улуми педагогӣ ва иҷтимоии Русия. Соли 1932 дар ноҳияи Ванҷ ба дунё омадааст. Мактаби миёнаро соли 1951 хатм карда ба факултаи таъриху филологияи Донишгоҳи давлатии Тоҷикистон дохил мешавад. Соли 1956 баъд аз хатми донишгоҳ ба шӯъбаи фалсафаи Академияи улуми Тоҷикистон ба ҳайси аспирант дохил шуда, соли 1965 дар иниситути фалсафаи академияи улуми СССР рисолаи намзадияшро дар мавзӯи «Ҷаҳонбинии Ҷалолиддини Румӣ» ҳимоя намудааст. Баъд аз хатми аспирантура ба симмати омӯзгор ва мудири кафедраи фалсафаи Донишгоҳи Аграрӣ ва ноиб-ректор дар Донишкадаи забонҳо, ҳамчунин мудати ду сол мудири сектори шӯъбаи фалсафаи Академияи улуми Тоҷикистон фаъолият кардаст.    

Ибодуллоҳи Тоир
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)