Бахшҳо
05 мар 2013 17:44Хабарҳои ҷаҳон

Ифшои санадҳои расвоии хонадони Саудӣ ва равобити Риёзу Лондон

Тасмими додгоҳи Бритониё дар мавриди интишори бархе санадҳои вобаста ба хонадони Саудӣ, ки расвоӣ ва фасоди молии онҳоро ифшо мекунад, равобити ин кишвар бо Арабистонро дар остонаи бӯҳрон қарор додааст.

Ба гузориши хабаргузории Форс, ба нақл аз пойгоҳи хабарии “Ал-араб Онлайн”, тасмими додгоҳ дар Бритониё дар бораи ифшои санади расвоӣ ва асодҳои молии чанд шоҳзодаи Саудӣ, муносибатҳои Саудӣ ва Бритониёро дар остонаи низои судӣ ва сиёсӣ қарор додааст. Додгоҳ эълон кардааст, ин санадҳоро барои интишор дар ихтиёри ду рӯзномаи Бритониё - “Гордиан” ва “Файнаншел Таймз” қарор медиҳад. Ин санадҳо ифшокунандаи қарордодҳои ғайриқонунии имзошуда тавассути шоҳзодагони Саудӣ дар Бейрут, пойтахти Лубнон ва Нейробӣ, пойтахти Кения ҳастанд.

Манобеи огоҳ дар рӯзномаи англисии “Гордиан” дар пойгоҳи электронии ин рӯзнома навиштанд, ин санадҳо иттиҳомоти ҳассос ва муҳимеро ба шуморе аз аъзои хонадони Саудӣ, хонадони ҳоким бар Арабистон, ворид мекунад ва бешубҳа бозтоби интишори ин санадҳо бар равобити ин кишвар бо Амрико низ таъсиргузор аст. Ба назар мерасад, далелҳои мавҷуда дар ин санадҳо чунон мустаҳкам ҳастанд, ки шоҳзодагони Саудиро, ки дар ин қазия дахл доранд, маҳкум хоҳад кард.

Манобеи огоҳ дар бораи ин парванда гуфтанд, қазия бо фурӯши саҳмияҳое ба арзиши 6,7 миллион доллар дар ширкатҳое иртибот пайдо мекунад, ки дар он яке аз шоҳзодагон ба сурати ғайриқонунӣ ширкат дошт ва ҳамин мавзуъ сабаби вуқуи ихтилофоте байни он бо дигар шарикон шудааст. Вакили вижаи шоҳзода Машъал бин Абдулазиз оли Саудӣ, яке аз афроди дахлдор дар ин қазия, гуфт, онҳо хостори таҷдиди назар дар ҳукми содир шуда тавассути додгоҳ алайҳи шоҳзода Машъал ва шоҳзода Абдулазиз, фарзанди вай, хоҳанд шуд.

Шоҳзода Машъал бин Абдулазиз, раиси шурои байъат дар Арабистони Саудӣ аст, ки ҳамчун дигар шоҳзодагони насли аввали Саудӣ, аз мушкилоти ҷисмонӣ ранҷ мебарад. Ҳукми ниҳоӣ, ки додгоҳи Бритониё дар бораи ин парванда содир мекунад, нишон медиҳад, ки дастгоҳи қазоии Бритониё нисбат ба қазияи ҳассос ва таъсиргузори байналмилалӣ то чи андоза бо шаффофият ва мустақил амал хоҳад кард.

Вакилҳои ширкати “Глобал Шел Ти Ди”, ки шоҳзода Машъал дар он саҳм дорад, ба ин боваранд, ки чунин қазияҳои ҳасосе набояд дар додгоҳҳои васеъ расидагӣ шавад ва барои расидагӣ ба ин парвандаҳо бояд додгоҳҳо пушти дарҳои баста баргузор шаванд. Онҳо мегӯянд, интишори тафсилоте аз ин қазия мумкин аст, шоҳзода Машъал ва ҳамчунин Имод Алшайх, мудири ширкати “Еф Ти Кул Ел Ти Ди”-ро дар маърази хатари воқеӣ қарор диҳад ва ҳатто кор ба талош барои террори онҳо тавассути афрод ва ширкатҳои дорои манофеъ дар ин қазия, кашида шавад.

Шоҳзода Машъал бин Абдулазиз аз ҷумлаи шоҳзодагони Саудист, ки дороиҳо, амвол ва амлоки вай бо баҳс ва ҷадалҳои бисёре рубарӯ аст.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)