Русский  >>  فارسی  >>  Душанбе 21 июн 2021, 23:46

Раҳоии котиби Суди Олии Иқтисодӣ аз зиндон

7 январ 2015, 13:08

Додгоҳи ноҳияи Исмоили Сомонии шаҳри Душанбе Асроров Азимҷон, котиби Суди Олии Иқтисодии Тоҷикистонро, ки дар гирифтани 52 ҳазор доллар пора муттаҳам мешуд, афв кардааст.

Тавре аз ин ниҳод ба “Озодагон” иттилоъ доданд, қарори афви Асроров рӯзи 26-уми декабр бо назардошти ҷуброни зарари расондашуда, содир гардида, афвшуда дар толори суд аз ҳабс озод гардид.

Қаблан Оҷонсии зидди фасод Асроровро дар он муттаҳам кард, ки барои ба манфиати театри анъанаҳои миллии «Гаҳвора» бекор кардани ҳалномаи Суди иқтисодии шаҳри Душанбе аз шаҳрвандон- Ҳоҷимуродова, Шокирова ва Толиббекова тобистони соли 2014 дар се ҳолат дар маҷмуъ 52 ҳазор доллари амрикоӣ пора гирифтааст.

Ба иттилои манбаъ баҳси судӣ миёни “Гаҳвора” ва Додситонии генералии Тоҷикистон будааст, ки бо қарори Суди иқтисодии Душанбе ба манфиати давлат ҳал шуда буд. Оҷонсии зидди фасод мегӯяд, гарчанде тағйири ин қарор ба салоҳияти Асроров дохил намешавад, ӯ тариқи қаллобӣ 52 ҳазор доллари амрикоӣ гирифта аз худ кардааст. Оҷонсӣ мегӯяд, Суди Олии иқтисодӣ низ баҳсро ба манфиати театри “Гаҳвора” ҳал накард. Дар натиҷа алайҳи ӯ бо моддаи 247-и Кодекси ҷиноӣ, яъне қаллобӣ ва аз худ кардани амволи ғайр парвандаи ҷиноӣ боз шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • гирифт

  • 8 январ 2015 09:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Котиби суди иктисоди бо 52 хаззор доллари пора авф мешаваду, адвокат бо 7 хазор не?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Холо ба чойи кораш хам баркарор шудагист))))))))))))))))

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!