Бахшҳо
26 окт 2017 11:51Тоҷикистон / Акс

АКС+ВИДЕО. Нахустин анҷумани маъюбони Тоҷикистон дар Душанбе

Маъюбони Тоҷикистон мегӯянд, онҳо ҷузъи ҷудонашавандаи ҷомеа ҳастанд ва бояд аз имконоти онҳо истифода бурда шавад. Ин нукта дар нахустин Анҷумани маъюбони Тоҷикистон, ки дар шаҳри Душанбе идома дорад, садо дод.

Асадулло Зикрихудоев,
роҳбари иттиҳодияи маъюбони Тоҷикистон дар суҳбат ба “Озодагон” гуфт, бовар дорад, пас аз ин анҷуман ба масъалаҳое, ки пешниҳод мешаванд, таваҷҷуҳ зоҳир мегардад: “Ин қишри ҷомеа метавонанд ҳамчун сармояи меҳнатӣ дар оянда дар рушду нумуи мо саҳми арзанда гузоранд. Ба ин анҷуман аз минтақаҳои кишвар маъюбони ҷавон гирд омадаанд. Мо бовар дорем, ин анҷуман қадаме мешавад дар оянда шахсони имконияташон маҳдуд боз ҳам фаъол гаштаву дар ҷоме саҳмгузор бошанд”.

Ба гуфти роҳбари Иттиҳодияи маъюбони Тоҷикистон имрӯз қонуну имтиёзҳое, ки давлат барои онҳо муайян кардааст, муттаасифона ба таври зарурӣ дар амал татбиқ намешавад. Ӯ мегӯяд, ҳамасола роҳҳову биноҳои боҳашамат сохта мешаванд, аммо имконияти маъюбон ба назар гирифта намешавад: “Тули 10-15 соле, ки мо фаъолият дорем, талаботи мо қисман ба назар гирифта мешавад ва дар акси ҳол як дастрасие мекунанд, ки гӯиё кардем, аммо он ба талаботи замонавию дизайни универсалие, ки мегӯянд, ҷавобгӯ нест ва мо баҳри амалӣ гаштани ин кор бо Кумитаи сохтмон ва меъморӣ дар ҳамкорӣ ҳастем. Аммо аксари сохтомонҳоро ки сектори хусусӣ анҷом медиҳад, онҳо кушиш мекунанд хароҷотро аз ҳисоби мо камтар кунанд, ки ин ба қонун мухолифат мекунанд”.

Ҷаноби Зикрихудоев мегӯяд, аз соли оянда агар ин масъалаҳо ба таври ҷиддӣ ҳалли худро наёбанд маҷбур мешаванд, ба Прокуратура ва дигар сохторҳои дахлдор муроҷиат кунанд.

Рамзиддин Ҷӯраев, намояндаи Иттиҳодияи маъюбони Тоҷикистон дар ноҳияи Бобоҷон Ғафуров мегӯяд, маъюбон на фақат талабгори як чиз ҳастанд, онҳо ҳунар доранд, машғулият доранд: “Мехоҳем нишон диҳем, ки мо ҳам як ҷузъи ҷудонашавандаи ҷамъият ҳастем ва имрӯз нишон медиҳем ки чигуна бо ҳам кор кард”.

Шаҳзода Султонбоева, ки дар маркази “Имконият” машғули кор аст, мегӯяд, он ҷо рақси комбо ё дунафараро тамрин мекунад ва дар ин анҷуман низ онро намоиш медиҳад. Номбурда низ мушкили аслии маъюбонро дастнорас будани биноҳо барои ҳаракат ва набудани таҷҳизоти маъюбӣ унвон карда гуфт, ҳаракат дар баъзе биноҳо на танҳо барои нафарони маъюб, балки барои модароне, ки фарзанди хурдашон дар аробачаҳо мегардонанд, мушкил аст. Ба гуфти ӯ имрӯз мушкили дигари маъюбон, ки бештар дар ноҳияҳо ва деҳаҳо ба чашм мерасад, таҳсил кор ва оила барпо кардан аст.

Тибқи омори расмӣ ҳоло дар кишвар 150 ҳазор маъюб сабти ном шуда, ки наздики 26 ҳазори он то синни 18 сола мебошанд. Дар умум маъюбон наздики 2 дарсади аҳолии кишварро ташкил медиҳанд.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)