Бахшҳо
03 ноя 2017 10:27Тоҷикистон / Тема дня

“Шантаж”-и ҳамсар: Аз ҳаққи модарӣ даст накашӣ расвоят мекунам

Фарзона Ҷабборова, сокини 24 солаи деҳаи “Озодагон”-и ҷамоати Хурмеи шаҳри Панҷакент мегӯяд, шавҳараш барои аз ҳуқуқи модарӣ маҳрум кардан ӯро “шантаж” дорад, аммо мақомот ҳанӯз ба ин қазия одилона баҳо намедиҳанд.

Ӯ ҳамроҳи бибияш – Ибодат Ҷабборова ба дафтари “Озодагон” омад ва гуфт, соли 2014 бо ҳамдеҳааш -- Насим Бегов, ки ҳамсолаш буд, оиладор шуда, як фарзанд дораду айни ҳол ҳомиладор аст.

Фарзона афзуд, дар пайи нофаҳмие, ки дар оилаи ҳамсараш ба вуҷуд омад, тӯли шаш моҳ аст дар хонаи модару бародаронаш зиндагӣ мекунад ва дар ин вақт аз ҷониби шавҳараш ягон кумак нагирифтааст. Мегӯяд, ахиран тасмим гирифт қонунӣ аз ҳамсараш ҷудо шавад ва барои пардохти алимент санади даромади шавҳараш низ лозим буд: “Шавҳарам дар Душанбе кор мекунад ва бояд баъзе ҳуҷҷатҳоро мефиристод, аммо пешакӣ бо шиносаш, ки ӯ низ ҳамсинфамон буд, маслиҳат мекунанд, ки бо бадном кардан маро аз ҳуқуқи модарӣ маҳрум созанд”.

Ин сокини шаҳри Панҷакент мегӯяд, аввали моҳи ноябр бегоҳ вақте аз як тӯй ҳамроҳи дигар занҳо бармегашт, Хуршед, ҷӯраи шавҳараш занг мезанад, ки омада ҳуҷҷатҳои ҳамсараш додаро бигирад, аммо вақте барои ҳуҷҷатҳо омад, ӯро ба мошин зуран бор карда, аз деҳ берун мебарад: “Вақте Хуршед занг зад ки омада ҳуҷҷатҳоро бигирам, гуфтам, ки хона биёр. Аммо ӯ бо мошин сари кӯча омада, “коғазҳоро хонда имзо мон” гуфта, маро даруни мошин маҳкам карда, аз деҳа берун бурд”.

Хонум Ҷабборова мегӯяд, ҳарчанд фарёд зад, вале касе овозашро нашунид: “Вақте аз деҳа берун бурд, хост маро дасти зурӣ кунад, ман бошам доду фарёд мекардам. Ҳамин вақт шавҳарам пайдо шуда ба наворгирӣ шурӯъ кард ва гуфт, ки агар ариза дода аз ҳуқуқи модарӣ даст накашӣ бо ин навор беобрӯ мекунам”.

Вай дар идома афзуд, ин корро Хуршед бо тавсияи шавҳараш анҷом додааст: “Ман ҳомиладорам, ба наздики таваллуд мекунам. Шавҳарам ҳатто барои фарзанди дар батни ман будааш фикр накард”.

Ибодат Ҷабборова, бибии Фарзона гуфт, баъди ин қазия ба мақомоти шаҳри Панҷакент муроҷиат кардаанд, аммо ҳанӯз ҷавобе нагирифтаанд: “Ҳарчанд дар Панҷакент кушиш кардам, мақомот баҳои одилона надода истодаанд ва имрӯз ба пойтахт омадам ба дигар мақомот ва аз ҷумла ба Кумитаи занон ва оилаи назди Ҳукумати Тоҷикистон муроҷиат мекунам”.

Дар ҳамин ҳол Насим Бегов, ҳамсари Фарзона дар суҳбат ба “Озодагон” гуфт, суханҳои завҷааш асос надорад. Ӯ мегӯяд, чанд моҳ қабл нафареро гумошта буд, то ҳаракатҳои ҳамсарашро назорат кунад, аммо ҳеч далеле пайдо карда натавонист. Бегов тасдиқ кард, нафаре, ки ҳамсараш ба мошини ӯ нишаст, ҳамсинфаш мебошад, аммо ин нақшаи вай набуд: “Бо ҳамсинфам қаблан дар як ҷо кор мекардем. Ҳамин хел гапҳо ҳам шуд, ки гӯиё ҳамсинфам аз ман қарздор буда, ба хотири аз баҳри маблағ гузаштанам ин корро кардааст, вале ин гапҳо воқеият надоранд”.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Декабр 2022    »
ДушСешЧорПанҶумШанЯкш
 1234
567891011
12131415161718
19202122232425
262728293031 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)