Стратегия: Барои зиндагии шоистаи мардум 118 милиард $ зарур аст
Ҳикматуллоҳзода имрӯз, 1-уми декабр зимни муаррифии лоиҳаи Стратегияи миллии рушди Тоҷикистон барои давраи то соли 2030 дар парлумон изҳор дошт, ки дар доираи ин барнома давоми 15 соли оянда вобастагии иқтисодӣ аз омилҳои беруна коҳиш ёфта, амнияти энергетикӣ таъмин мегардад.
Ӯ афзуд дар доираи Стратегия раҳоии комил аз бунбасти коммуникатсионӣ, коҳиши нобаробариҳо ва беҳбуди сифати зиндагии мардум пешбинӣ шудааст: “Дар назар аст, ки ҳаҷми ММД сари ҳар сокин ду баробар зиёд шавад. Истеҳсоли саноатӣ 4,5 баробар афзоиш меёбад. Тоҷикистон аз кишвари аграрӣ ба индустриалӣ - аграрӣ табдил меёбад ва барои ин тамоми имконот мавҷуд мебошанд”.
Вазири рушди иқтисод таъкид кард, ки ин стратегияи танҳо ҳукумат ва парлумон набуда, он стратегияи миллат аст. Ӯ гуфт, барои татбиқи он на танҳо аз буҷаи давлат маблағ ҷудо мегардад, балки аз манобеи дигар низ истифода хоҳад шуд. Ба гуфтаи вазир такя ба ҷомеаи шаҳрвандӣ яке аз ҳадафҳои татбиқи стратегия мебошад. Ҳикматуллоҳзода изҳори боварӣ намуд, ки пешбиниҳо дар доираи стратегия саривақт амалӣ хоҳанд шуд.
Қаблан Эмомалӣ Раҳмон зимни баррасии ин Стратегия дар ҷаласаи ҳукумат гуфт, “ин дуюмин стратегияи дарозмуддати рушди кишвар буда, дар он ҳадафҳо, захираҳои мавҷуда, таъсири омилҳои беруна ба рушди кишвар ба инобат гирифта шудааст. Стратегияи миллии рушди Ҷумҳурии Тоҷикистон барои давраи то соли 2030 давоми 15 соли оянда ҷиҳати муҳайё намудани зиндагии шоистаи мардум пешбинӣ гардидааст”.
Эмомалӣ Раҳмон барои татбиқи ин ҳадафҳо якчанд омилро муҳим хонд: “Аз ҷумла рушди неруи инсонӣ, рақобатпазирии бахши иқтисод бо сатҳу сифати баланд, саҳми саноат дар рушди Маҷмуи маҳсулоти дохилӣ, аз кишвари аграрӣ ба индустриалӣ - аграрӣ табдил додани кишвар, се баробар аз 17 то 45 миллиард соат боло бурдани иқтидори энергетикии ҷумҳуриро, номбар карданд”.
Маълумотнок кардани аҳолӣ, боло бурдани сатҳи дарозумрии аҳолӣ, кам кардани шумораи фавти модару кудак, беҳтар кардани шароити зиндагӣ, таъсиси ҷойҳои корӣ ва бо шуғл фаро гирифтани мардум, устувор нигоҳ доштани нишондиҳандаҳои рушди микро ва макроиқтисодии кишвар, аз омилҳои дигари татбиқи Стратегияи миллии рушди Ҷумҳурии Тоҷикистон барои давраи то соли 2030 маънидод гардид.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
