08 мар 2014 13:57Тоҷикистон / Видео
Бозгашти Ойниҳол Бобоназарова аз Амрико ба Ватан (АКСУ ВИДЕО)
Ойниҳол Бобоназарова, раиси созмони ҷамъиятии “Дурнамо+” ва барандаи ҷоизаи “Шуҷоати зан”, ки тақдими он дар Вашингтон аз сӯи Мишел Обама, ҳамсари раисиҷумҳури Иёлоти Муттаҳида, сурат гирифт, шоми 7 март ба Ватан баргашт. Хабарнигори “Озодагон” дар фурудгоҳи байналмилалии Душанбе бо Бобоназарова сӯҳбати кӯтоҳе анҷом дод, ки онро пешкаши Шумо мекунем.
Озодагон: Қабл аз ҳама Шуморо барои дарёфти ин ҷоиза табрик мегӯем. Аз пеш медонистед, ки барои гирифтани ҷоизаи “Шуҷоати зан” ба Амрико меравед, ё бароятон ғайриинтизор буд?
Бобоназарова: “Се рӯз пеш аз даъват ба Амрико хабардор шудам, ки аз мо қадрдонӣ мешавад. Вале намедонистам, ин чӣ ҷоиза аст. Асосан ин ҷоиза аз тарафи Вазорати умури хориҷии Амрико ҳамчун ҷоизаи байналмилалӣ таъсис шудааст. Намояндагони Департаменти давлатии Амрико дар миёни кишварҳои ҷаҳон номзадҳоро интихоб мекунанд ва ба кумисюни ягона мефиристанд. Аз миёни ин номзадҳо доварон танҳо 10 нафарро қабул мекунанд. Вақте номзадҳо мушаххас мешаванд, аз тарафи Вазорати умури хориҷии Амрико ҷоиза тақдим мешавад. Дар асл, тибқи барнома ман бояд то 17 март дар Амрико мемондам. Дар ин муддат дар иёлатҳо моро муаррифӣ мекарданд. Аммо наметавонистам, то 17 март дар Вашингтон монам. Барои ҳамин танҳо дар маросими супурдани он ширкат доштам. Бояд бигӯям, ки занҳои мубориз дар Тоҷикистон бисёранд ва ин танҳо ҷоизаи ман нест. Ин ҷоизаи тамоми занони мубориз аст.”
Озодагон: Оё бо Мишел Обама ҳам сӯҳбати алоҳида доштед ва агар махфӣ набошад, дар бораи чӣ буд?
Бобоназрова: “Бо хонум Мишел Обама, қабл аз он ки ба толори бузург барои гирифтани ҷоиза ворид шавем, як сӯҳбати хеле кӯтоҳ доштем. Бо қисми зиёди намояндагони Департаменти давлатии Амрико низ суҳбат кардам. Аз ҷумла, бо онҳое, ки мутахассисони бахши Осиёи Марказиву Тоҷикистон ҳастанд. Давоми ду рӯзе, ки онҷо будам 10 вохӯрӣ анҷом додам. Яке аз суоли аслии онҳо ин буд, ки чӣ гуна як ҳизби исломӣ номзадии занро дар интихоботи президентии Тоҷикистон пешниҳод кард. Ман ҳам тамоми раванди корҳо ва ҷаласаҳоро фаҳмондам. Онҳо хеле хушҳол шуда ва гуфтанд, ки дар ҳақиқат Ҳизби исломӣ ҳизби мудерн (муосир, замонавӣ) аст.”
Озодагон: Баъд аз гирифтани ҷоиза дар саҳифаҳои иҷтимоӣ дар баробари табрикот, баҳсҳо дар бораи Шумо низ зиёд шуд. Гурӯҳе навиштанд, “равшан гардид, пуштибонии номзадии Ойниҳол Бобоназарова кӣ будааст”. Ин гуна баҳсҳоро чӣ гуна қабул кардед?
Бобоназарова: “Онҳое, ки андешаи комили худро надоранд, ҳар чизе хоҳанд, гуфтан мегиранд. Рости гап, ба чунин гуфтаҳо аслан аҳамият намедиҳам. Дар пушти ман Худо ҳаст. Ман ба онҳо умуман эътибор намедиҳам.”
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
