Шукрона: "Аз тарс ҳиҷобамро гирифта, сӯзанро дар даҳонам гузоштам, ки... ба меъдаам рафт" (ВИДЕО)
Ҳоло Шукрона ҳамроҳи модари худ дар бемористони Қарияи Болои Душанбест ва табибон талош мекунанд, ӯро муоина карда, сӯзанро аз меъдааш берун оранд. Шаҳло Раҳимова, модари Шукрона, рӯзи 3 июн дар сӯҳбат бо хабарнигори “Озодагон” гуфт, ин ҳодиса як ҳафтаи пеш иттифоқ уфтода, то кунун дар маркази “Нурафзо” духтарашро шаш бор муоина кардаанд. Ба қавли Раҳимова, шабҳо духтари наврасаш бо ранҷи зиёд хоб меравад ва шикоят мекунад, ки сӯзан меъдаашро сӯрох менамояд.
Худи Шукрона дар як сӯҳбати видеоӣ нақл кард, ки “вақте дар долони мактаб будем, муаллима Иброҳимова ҷанг кард, ки сатратро гир. Майлаш гуфтам. Аз муаллима тарсида, рӯсариро гирифтаву сӯзанро дар даҳонам монда, ногаҳон туфамро фурӯ бурдам, ки сӯзан ҳам рафт.” Шукрона мегӯяд, омӯзгорон намегузоранд, ки онҳо бо сатр дар дарсҳо ҳозир шаванд. Аз сӯи дигар, ба гуфтаи ӯ, аҳли хонаводаашон ӯро бидуни сатр ба мактаб гусел намекунанд. “Мулалима мегӯяд, ба пеши мактаб расидед, сатрҳоятонро гиред. Ба ҷояш лентача кунед, ки директор бинад, ҷанг мекунад”,-мегӯяд ӯ.
Модари Шукрона мегӯяд, то ҳол дар ин бора ба ягон ниҳод муроҷиат накарда, барои муоинаи духтараш бештар аз дусад сомонӣ харҷ кардааст. Аз рӯи нақли ӯ, хонаводаи онҳо миёнаҳолона зиндагӣ мекунанд ва ҳоло барои идомаи табобати духтараш маблағи кофӣ надоранд. Дар ҳамин ҳол, як гуруҳ аз корбарони Фейсбук барои ёрӣ ба Шукрона Давлатова пешниҳоди ҷамъоварии маблағро кардаанд. Худи Шукрона ва модараш ҳисоби бонкӣ надоранд ва корбарон мегӯянд, мумкин аст, онро тавассути ҳисоби бонкии як одами боварнок ҷамъоварӣ ва сипас дастраси ин духтари мактабхони ҳиҷобдор ва хонаводаи ӯ кунанд.
Холбозор Пӯлодов, табиби Қарияи Боло, дар сӯҳбат бо “Озодагон” гуфт, хонаводаи Шукрона ба онҳо 29 май муроҷиат кардаанд. “Ҳангоми навбатдории мо омада гуфтанд, ки духтар сӯзан хӯрда, як рӯз ба ҳеч кас нагуфтааст. Ин сӯзани борик буда, халанда нест. Он вақт дар рӯдаи борик буд. Мо назоарт кардем, ягон шикояти дард набуд. Гуфтанд, ки шароит нест ва пагоҳ меоем. Вақте пагоҳаш омаданд, сӯзан ба рӯдаи ғафс гузаштааст. Дирӯз ба бахши рентгенӣ омаданд, дидем, ки сӯзан нест. Барои ҳамин, ҳоло бояд ба таврик омил муоина карда, бовар ҳосил намоем, ки сӯзан ҳанӯз ҳам дар меъда ҳаст, ё не. Агар бошад, он халанда нест, фақат бояд назорат кунем. Дар ғайри сурат ҷарроҳӣ хоҳад шуд”,-гуфт Пӯлодов.
Чанд сол пеш Вазорати маорифи Тоҷикистон низоми либоси ягона (униформ) ва ё формаи мактабиро ҷорӣ кард, ки бар асоси он бо сатр ё рӯсарӣ ҳозир шудан дар таълимгоҳҳо, яъне мактабҳои миёнаву донишгоҳҳо, мамнуъст. Омӯзгорон аз толибаҳо ва донишҷӯён тақозо мекунанд, ки ҳамеша бо либоси ягона ба дарсҳо оянд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
