12 июн 2014 17:45Тоҷикистон / Фарҳангу адаб

Оқохони чор ҷоизаи ҷаҳонии “Ҷануб-Шимол”-ро соҳиб шуд

Оқохони чаҳорум, пешвои исмоилиёни ҷаҳон, ҷоизаи Маркази аврупоии ҳамрайъӣ ва ҳамбастагии глобалиро, ки бо номи “Маркази Ҷануб-Шимол” маъруф аст, соҳиб гардид. Имсол ҳомии ҳуқуқ аз Лубнон -- Сюзан Ҷаббур низ аз дарёфти ин ҷоизаи маъруфи ҷаҳонӣ бенасиб намонд.

Маросими тақдими ҷоизаи “Маркази Ҷануб-Шимол” рӯзи 12 июн дар бинои парлумони Португалия сурат гирифта, ҷоизаро ба соҳибонаш шахсан раисиҷумҳури он кишвар супоридааст. Ҷоизаи “Ҷануб-Шимол” ҳамасола ба ду нафар – як зан ва як мард супорида мешавад, ки давоми ҳамон сол барои ҳимояи ҳуқуқи инсон, рушди бисёрандешию мардумсолорӣ, инъикоси мушкилоти ҷаҳонии муносиботи байниҳамӣ ва мустаҳкамсозии муносибатҳои шарикӣ миёни кишварҳои Аврупо ва ҳамсояҳои ҷанубӣ саҳми арзанда гузоштаанд.

Дар гузашта ин ҷоизаро Рания --маликаи Урдун, Симона Вейл -- яке аз асосгузорони ҳамгироии аврупоӣ, Кофи Аннон -- собиқ дабири кулли Созмони Милал, Мариу Соареш ва Шанана Гужмау – сиёсатмадорон, Боб Гелдоф ва Питер Гэбриел -- мусиқишиносон соҳиб шудаанд.

Оқохони чаҳорум, Шоҳ Карим ал-Ҳусайнӣ, ки ахиран ин ҷоизаро гирифт, 13 декабри соли 1936 дар Женеваи Швейтсария дар хонаводаи Шоҳзода Алӣ Салмонхон ва бону Тоҷуддавла Алихон зода шудааст. Ӯ дорои дипломи таърихи Ислом аз Донишгоҳи Ҳарвард буда, бунёдгузор ва сарвари “Шабакаи Рушди Оқохон” (AKDN) мебошад. Оқохон пас аз бобояш Султон Муҳаммадшоҳ Оқохони севум дар рӯзи 11 июли соли 1957, дар синни 20-солагӣ пешвои рӯҳонии исмоилиёни ҷаҳон шуд. Оқохони чаҳорум чиҳилу нӯҳумин имоми исмоилиёни низорӣ ба шумор меравад.

Ҳоло дар Тоҷикистон дусад ҳазор пайрави исмоилия ба сар мебаранд, ки аксари онҳо муқими Бадахшони Тоҷикистонанд. Нахустин ва бузургтарин маркази фарҳангии исмоилиҳо дар маркази шаҳри Душанбе чаҳор соли пеш мавриди истифода қарор гирифт, ки айни ҳол яке аз маконҳои баргузории чорабиниҳои гунонуни фарҳангӣ-маърифатӣ мебошад.

Мӯҳр

Хабарҳои монанд:

Mehrubon

Ҷоиза муборак Волоҳазрат!
Бо вуҷуди оне, ки Волоҳазрат ҳидоятгар ва роҳнамои тамоми инсонияти мутамаддин дар масоили гуногун гаштаанд, супоридани Ҷоиза бояд боиси ифтихори мусулмонони олам бошад

Ҷавоб диҳед Иқтибос Шикоят

точикписар

Дар рахи хакикат камар бастааст. Бо хости Худо халолатон бод!!!!!!!!!!

Ҷавоб диҳед Иқтибос Шикоят

begim

GHOIZA BA SHUMO VA HAMAI MO MUBORAK!!! TU NURIK BA CARI MO DOIM PARTAVFISHON VID.

Ҷавоб диҳед Иқтибос Шикоят

Душанбе

Чоизи муборак Волохазрат!!!

Ҷавоб диҳед Иқтибос Шикоят

Эзоҳ илова кунед