26 сен 2014 14:08Тоҷикистон / Дин ва зиндагӣ / Тема дня

Муфтӣ дар бораи нархҳо, қурбонӣ дар мавлуди президент ва бадномкунӣ

Сайидмукаррам Абдулқодирзода, раиси Шӯрои уламои Маркази исломии Тоҷикистон аз тоҷирони кишвар хост, аз омад-омади Иди Қурбон сӯиистифода накунанду нархҳоро боло набаранд.

Абдулқодирзода, ки имрӯз, 26-уми сентябр зимни адои намози ҷумъа дар Масҷиди марказии шаҳри Душанбе мавъиза мекард, болобарии нархҳоро дар арафаи ид, ки ба ҳукми анъана даромадааст, як гуноҳи азим хонд: “Тоҷирон аз ҷашнҳо сӯиистифода мекунанд ва нархҳоро боло мебаранд, ки гуноҳи азим асту азоби дарднок дорад.”

Муфтӣ ҳамчунин бори дигар фатвои Шӯрои уламоро алайҳи "барангехтан" зидди роҳбарон қироат карда, дар шарҳи он Либия ва Қазофиро мисол овард, ки ба гуфтаи ӯ чор ҷавони бехирад, кишварро хароб карданд.

Абдулқодирзода дар идомаи мавъизааш ба рӯзи 5-уми октябр-мавлуди раисиҷумҳури Тоҷикистон ва ҷашни забон рост омадани Иди Қурбонро шарҳ дода, илова кард, ки “агар фарз кардем, ки аъзои Шӯрои уламо хато кардаанд, худашон гунаҳкор мешаванд. Мо бояд ҳамагӣ пайравӣ аз уламо кунем.”

Дар ҳоле, ки дар кишварҳои дигар Иди Қурбон рӯзи 4-уми октябр ҷашн гирифта мешавад, Абдулқодирзода гуфт, “дар Тоҷикистон куҳҳои осмонбӯсанд ва моҳи нав дертар дида мешавад. Ба ҳамин хотир Иди Қурбон 5-уми октябр таъин шудааст.”

Мӯҳр

Хабарҳои монанд:

Дипломат

Салом!! Аз кай инсу Куххо сади рохи вакт шудаанд, ки мо идро 1 руз дер чашн мегирем. Дар базе мавридхо барвакт чашн гирифтани Идро чи гуна шарх медода бошанд?

Ҷавоб диҳед Иқтибос Шикоят

абду

бовар кунед хар сол КИРГИЗ НАМОЗИ ИДА ХОНДА БА МО МЕХАНДАД ТАМОМИ ДУНЁ ДАР ЯКРУЗ ИД ТОЧИКХО ФАРДОЯШ МУФТИ ТУ КАЙБА МОХА МЕБИНИ МОЯ ШАРМАНДА КАРДИКУ

Ҷавоб диҳед Иқтибос Шикоят

Бандаи Худо

Ин муфти имруз аз хадису куръон харф мезанад, фардо аз куху обу хок. Ачиб аст.

Ҷавоб диҳед Иқтибос Шикоят

Абдурахмон

Ассалому алайкум! Озодагон ин бор хам суханони маро тахрир карда аз хама чойхои мухимашро кайчи мекуни?!
Дар мавриди рузхо Ид Точикистон хамешв мушкили дорад, ин бори аввал нест! Аммо солхои гузашта мардум гумон мекарданд, ки ин ихтилофхо сахван неву балки асоси илми доранд, лекин имсол барало муайн гардид, ки хамаи ин ихтилофхо аз хатогии тудаи бесавод аст! Бале, бародарони мо дуруст кайд карданд, агар ин ихтилофхо аз сабаби чойгиршавии чугрофи ва як руз дертар намоён гардидани мохтоб дар Точикистон бошад, пас шурои уламо дар огози мохи шарифи Рамазон чигуна тавонистанд, ки мохтобро як руз барвактар бубинанд??? Баъдан, мо дар кураи Осиё чойгирем ва фарки вакт миёни Точикистону маркази исломии Чахон Арабистони Сауди хамаги якчанд соат аст. Магар Точикистон аз Арабистони Сауди як руз акиб аст?
Чаро мардуми точик суханони ин тудаи бесаводро кабул доранд? Чаро дар рузи асоси иди Курбонро чашн намегиранд?! Муфтии "хирадманди мо" бо ин кораш бори дигар исбот намуд, ки дини Худо ва минбари расули акрам салаллоху ъалайхи ва саламро ба бози гирифтааст ва ба чуз масхарабози кудрати кореро надорад. Боз барои дифои худ ва хамдастони худ мегуяд, агар шурои уламо хато кардаанд, пас онхо гунахкор мешаванд ва аз мардуми одди хтанхо пайрави аст! мебахшед "чаноби муфти" мо бояд чи кадари дигар ин хатохову иштибоххои шуморо тахамул намоем?
Хеле аламовар аст, чойи шармандагист..........

Ҷавоб диҳед Иқтибос Шикоят

Эзоҳ илова кунед