ВИДЕО: Посухи Кабирӣ ба мухолифонаш дар мулоқотҳои “гарм”-и Суғд
Кабирӣ дар охирин вохӯрияш бо интихобкунандагони вилояти Суғд, ки дар шаҳри Истаравшан баргузор шуд, гуфт, “бар асоси Сарқонуни кишвар дар Тоҷикистон 8 ҳизби сиёсӣ фаъолият доранд ва агар нафаре ба ин розӣ нест, бояд бо ҲНИТ ё Ҳизби коммунисту Ҳизби халқӣ демократӣ даъво накунад, мо парлумону Суди конситутсионӣ дорем, ба онҳо муроҷиат кунад”.
Ба гуфтаи Кабирӣ, ин гуна даъвоҳо бояд дар асоси қонун ва аз тарафи ниҳодҳои марбута баррасӣ шавад, на дар кӯчаҳо: “Ин баҳс баҳси кӯчаву бозорҳо нест. Мо як бор дидем, ки бо шиорпартоию баҳсҳои кӯчагӣ ба куҷоҳо расидем”.
Раиси ҲНИТ аз сокинон хост ба қадри суботу ваҳдати миллии Тоҷикистон, ки дар пайи талошу заҳматҳои Эмомалӣ Раҳмон, раисҷумҳури Тоҷикистон ва Сайид Абдуллоҳи Нурӣ, муассиси ҲНИТ ба миён омадааст, бирасанду ҳар даъвое доранд, дар асоси қонун ҳал кунанд. Ӯ дар мавриди иттиҳомот алайҳи ҳизбаш ишора карда, гуфт, ҳоло ҳар коре, ки дар олам мешавад, аз ҷумла Сурияву кишварҳои арабӣ мусулмонон гунаҳкор мешаванд, вале чаро боре касе фикр намекунад, ки дар ҳоли ҳозир дар Украина ҳам нооромист: “Дар ҷанги дуюми ҷаҳон ҳудуди 50 миллион нафар кушта шудааст, ки онро мусулмонон ташкил накарда буданд ва ё худ Ҷанги аввали ҷаҳонро. Дар Тоҷикистони мо ҳам баъзе аз расонаҳои хабарӣ мисли Бӣ-Бӣ-Сию СНН тавре хабарҳоро пӯшиш медиҳанд, ки гӯиё танҳо мусулмонону ҳизбу ҳаракатҳои исломӣ гунаҳкоранд. Дар ҳоле ки бар асоси омори соли гузаштаи Созмони милали муттаҳид танҳо се дарсади амалиётҳои террористию экстремистӣ аз сӯи мусулмонон ташкил шудааст”.
Ин ҳарфҳои Кабирӣ дар ҳолест, ки як модари тоҷик дар вохурии ӯ бо интихобкунандаҳо аз бедарак шудани фарзанди худ шикоят карда, гуфт, тӯли 7 сол мешавад, ӯ беному нишон аст ва ба ин наҳзатиҳо гунаҳкоранд: “Рост, намоз хондан даркору аммо ин хел мардумро бероҳа кардан даркор нест. Дар ин 7 сол зани писарам баромада рафту падару фарзанди ӯ аз дунё даргузаштанд. 7 сол мешавад, ман азоб мекашам”.
Инчунин нафари дигаре низ аз худ варзишгар ном бурда, дар ин вохурӣ баҳсу мунозараи иштирокдорони маҷлис бо раиси ҲНИТ-ро яке аз хусусиятҳои демократия хонда, пайравони ҳизби Кабириро дар тафриқаандозӣ муттаҳам кард: “Ҳамчун варзишгар метавонам, аз номи тамоми варзишгарони шаҳри Истаравшан як ду сухан гӯям, чун демократия ҳаст. Ман бисёр шунидам, ки тавре бародари гиромӣ гуфтанд, ҳамин хел мардумро ба қисмҳо – намозхону бенамоз ҷудо мекунанд ё мегӯянд, ту аз ин ҳизб ё он ҳизб, ки ин суханҳо миёни мардум як фитна эҷод мекунаду моро ба соли 1992 бармегардонад. Ин ваҳдату ягонагӣ бо пул не, бо хун омадааст ва зиёда аз 2 миллион шаҳванди Тоҷикистон зери хок рафтааст. Ман дар бисёр ҷойҳо менишинам ва дар бисёр ҷойҳо баранда ҳастам, ҷигарҳои лахта-лахтаи модаронро дидаам, ки фарзандонашон дар Сурия меҷанганд”.
Нафари сеюм ба нашъаманд шудани фарзандаш ишора карда, таъкид намуд, ҳамаи нашъафурӯшон риш доранду Қуръон дар даст ба чунин амали номатлуб даст мезананд.
Муҳиддин Кабирӣ аз ин пештар бо интихобкунандагони вилояти Хатлон, аз ҷумла шаҳри Кӯлобу Қӯрғонтеппа мулоқот карда буд.
ВИДЕОҲОИ мулоқоти Кабирӣ бо интихобкунандагон дар Истаравшан:
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
