29 июл 2015 19:31Тоҷикистон / Сиёсат / Рӯ ба рӯ

Ҳозиршавии қаҳрамони Русия ба пойгоҳи 201 ва занозанӣ бо ҷавонони Кӯлоб (ВИДЕО)

Алексей Кораблёв, ки барои корнамоиҳояш дар Чеченистон бо фармони раисиҷумҳури Русия унвони қаҳрамонро гирифтааст, баъди солиёни зиёди ҳаёти мулкӣ дар зодгоҳаш-Чистполя боз хидмати низомиро ихтиёр кардааст.

Тибқи иттилои мақомоти Русия Кораблёв макони нави хидматашро Тоҷикистон интихоб карда, аллакай рӯзҳои истироҳати гузашта ба пойгоҳи 201 дар Тоҷикистон ҳозир шудааст: “Ӯ барои 5 сол созишномаи хидмат дар пойгоҳи 201-и Русия дар Тоҷикистонро имзо кардааст”. Манбаъ мегӯяд, Кораблёв унвони “старшина”-ро дошта, ҳанӯз мақомаш дар пойгоҳи 201 маълум нест.

Ҳозиршавии қаҳрамони Русия барои хидмат дар пойгоҳи низомии 201 ба рӯзҳое рост омад, ки бараҳнагардии сарбозони ин пойгоҳ дар Кӯлоб ва занозанӣ бо ҷавонони маҳаллӣ дар сархати расонаҳо қарор гирифт. Тавре мақомоти умури дохилии шаҳри Кӯлоб тасдиқ карданд, занозанӣ миёни ҷавонони Кӯлоб ва низомиёни пойгоҳи 201-и Русия шоми 28-уми июл дар хиёбони Исмоили Сомонӣ сурат гирифтааст. Сабаби сар задани муноқиша бараҳнагардӣ ва ҳайоҳуйи сарбозони Русия дар ҳолати мастӣ арзёбӣ мешавад, ки боиси норозигии ҷавонони Кӯлоб гардидааст.

ВИДЕО дар бораи қаҳрамонии Кораблёв дар Қафқоз

Мӯҳр

Хабарҳои монанд:

масъуд

Бародарони кулоби, ин коратон барои хар нафари точик дарси ибрат аст.Ин рафтори урусхо моро водор медихад, ки мо бояд дар дохилу хоричи кишвар муттахиду якчо бошем,вагарна ояндаи мо дар дасти бегонагон хохад буд.Русхо точикро дар руссия дида гумон мекунанд, ки дар зодгохашон низ онхо чунинанд,аммо набояд чунини бошад.Тамоми корхои ношоямро дар Вфгонистон урусхову англисхо ва амрикоихо пахн карданд ва агар мо низ ба онхо имкон дихем чунин рафторрро дар Точикистон низ роич мегардонанад.

Ҷавоб диҳед Иқтибос Шикоят

Эзоҳ илова кунед