18 фев 2016 15:46Тоҷикистон / Дин ва зиндагӣ / Видео / Тема дня

3331722 боздиди ВИДЕОИ имтиҳони қории навраси тоҷик дар Фейсбук

Навори имтиҳон ва санҷиши қории навраси тоҷик дар як шабакаи телевизионии арабӣ дар шабакаҳои иҷтимоӣ рекорд мегузорад.

Ин видео аз замони нашраш дар Фейсбук -- 22 августи соли 2015 то замони нашри ин хабар 3 331 722 маротиба дида шуда, 66 120 нафар онро писандидаанд. Теъдоди шарҳҳои он ба 840 мерасад.

Ин навори видеоӣ ба яке аз шабакаҳои телевизионии арабӣ тааллуқ дошта, дар интернет бо номи “Ин тифл, бидуни баҳс муъҷизаи асри мост” (бо забони арабӣ) аз сӯи Муҳаммад абу Халифа, як корбар аз Урдун гузошта шудааст. Дар ин навор Аёмиддини Фахриддин, як навраси тоҷик, ки кулли Қуръонро ҳифз кардааст, мавриди имтиҳони панҷ донишманди араб қарор гирифта, ба тамоми суолҳо посухи дурусту мантиқӣ пешниҳод мекунад.

Видео дар Ютуб

Аёмиддини Фахриддин бо ин ки қории мураттаби Қуръон аст, вижагиҳои дигаре низ дорад. Ӯ тамоми саҳафоти Қуръонро бо матнҳояшон ҳифз кардааст ва ҳангоме аз вай пурсида шавад, ки дар фалон саҳифаи ин китоби муқаддас кадом оя ва кадом сура аст, бидуни мушкил ҷавоб медиҳад. Ва ё агар ояе гуфта шавад, бидуни ин ки ба кадом китобе назар андозад, рақами оя ва рақами саҳфаи Қуръонро номбар мекунад.

Аёмиддин соли 2014 дар бахши ҳифзи кулли Қуръони Карим бо риояи таҷвид ва ҳифзи матни муқаддимаи ҷазария дар озмуни ҷумҳурявии “Ҳифз ва қироати Қуръони Карим - 2014” дар Тоҷикистон мақоми аввалро соҳиб шуд. Ҳоло ин қории наврас ҳамроҳи падару модараш дар Русия зиндагӣ мекунад.

Ин тифли тоҷик ба чаҳор забон: тоҷикӣ, русӣ, инглисӣ ва арабӣ тасаллути комил дошта, бештар аз 40 ҳадиси набавиро бо ин забонҳо азёд медонистааст.

Дар як навори видеоие, ки дар шабакаи Ютуб гузошта шудааст, яке аз муаллимони русаш мегӯяд, Аёмиддин дар мактаб ҳам бисёр хубу аъло мехонад ва ба варзиш ҳам шавқ дошта, бозигари хуби футбол ҳам ҳаст.

Мӯҳр

Хабарҳои монанд:

модар аз Точикистон

Садхазорбор садкаи захдони хамон модаре,ки чунин тифлро ба дунё овардааст!!!!!!!!!Худо нигахбону мададгоратон бошад!

Ҷавоб диҳед Иқтибос Шикоят

точикзода

Имруз миллати мо ба чунин фарзандон эхтиёчи зиёд дорад

Ҷавоб диҳед Иқтибос Шикоят

Саид

Салом ланганбардор

Ин бечора аз ватан бе ватан шидагия дар расия зиндаги мекуна ва ин суханони ту хич иртибот ба ин кори бача надора
Худованд, дар рохи худ хидоятуш кардаю имонуш додай,

самар,

Ҷавоб диҳед Иқтибос Шикоят

nabi farhor

Офарин писарча. Худованд ин хел корибачаххои точикро зиёд гардонад.

Ҷавоб диҳед Иқтибос Шикоят

Али

Дар Точикистон мебуд волидонашро чарима мекарданд хайрият ки дар тч наистод

Ҷавоб диҳед Иқтибос Шикоят

банда

мардуми точик аз Кадим донишмад буданд надар ватани худ.Худованд умрашро дароз гардонад.омин.

Ҷавоб диҳед Иқтибос Шикоят

Эзоҳ илова кунед