26 ноя 2013 10:05Тоҷикистон / Дин ва зиндагӣ / Сиёсат

Тарафдорони Ҳоҷӣ Мирзо хостори бозгашти ӯ шуданд

Тарафдорони Ҳоҷӣ Мирзо (Ибронов), яке аз рӯҳониёни саршиноси тоҷик, ки қаблан имом-хатибии масҷиди "Ҳилоли Аҳмар"-и шаҳри Кӯлобро ба зимма дошт, хостори бозгашти ӯ ба минбар шудаанд.

Ин рӯҳонии тоҷик дар пайи як “маърака”-и ивазкунии имомхатибони масоҷиди ҷомеи кишвар бо сабабҳои “номаълум” ду соли пеш аз имом-хатибӣ ба истеъфо рафта буд. Ҷонибдорони Ҳоҷӣ Мирзо дар шабакаи иҷтимоии Фейсбук, бо ташкили як гурӯҳи махсус гирди ҳам омада, мехоҳанд ин руҳонии саршиноси тоҷик дубора ба минбар баргардад.

Ин гуруҳ дар Фейсбук зери унвони “Мо мехоҳем, Ҳоҷӣ Мирзо болои минбар бошад!” ташкил шуда, дар ҳоли ҳозир ҳудуди 160 нафар ба ҳайати он шомил шудаанд. Бояд гуфт, ташкили гуруҳи вижа аз сӯи ҷонибдории Ҳоҷӣ Мирзо таҷрибаи нав нест. Дар шабакаи ҷаҳонии Интернет низ торнамо ё блогҳои зиёде бо номи ӯ таъсис ёфта, фаъолият дорад.

Ин рӯҳонии тоҷик баъд аз барканории аз симати имом-хатибӣ ба Душанбе омада, ҳоло дар пойтахт ба сар мебарад. Ҳоҷӣ Мирзо нахустин рӯҳонии варзида ва шинохтаи исломии тоҷик нест, ки аз минбари масоҷиди ҷомеи кишвар дур андохта шудааст. Дар баробари ӯ як қатор ходимони маъруф, аз ҷумла Мулло Абдураҳим (Раҳим Назаров), имом-хатиби масҷиди "Қазоқон"-и шаҳри Душанбе, Эшони Нуриддинҷон, имом-хатиби масҷиди "Муҳаммадия", домулло Абдумалик, имом-хатиби масҷиди "Хоҷа Баҳоуддини Нақшбанд"-и шаҳри Душанбе низ аз симатҳои худ барканор шуда буданд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

умар

ягон муллои точикистонро эътироф накунед инхо хма лаганд бардоранд ислом ин як дини поке аст ки ба ин лаганд бардорхо ниёз надорад..........инхо ба ликоби ислом даромада исломро на ба пеш балки ба акиб бурданд.............казоват бо шумост бубинед нимаш суфи нимаш салафи ними дигаш алакай шиъа ...

Ҷавоб диҳед Иқтибос Шикоят

Субхоналлох

Нонвои поен,
Нонвои поен,
Нонвои поен,
Бародарон суханхои Хочи Мирзо ва дигар олимову уламоххои Ватан хаамааш пур аз насихатхо ва маслихатхои пандомез мебошанд Умуман ман хамаи мулохои ватанро дуст медорам ки агар ба хотири Худо хизмат кунад Худованд сафи ин гуна шахсонро зиёд кунад ки ба хотири Худо хизмат мекунанд Мошоллох

Ҷавоб диҳед Иқтибос Шикоят

МУХАММАД

ХУДОВАН ИН БАРОДАРИ МОЯ ХОЧИ МИРЗОЯ БОЗХАМ МИНБАР НАСИБ ГАРДОНАД ОМИН.

Ҷавоб диҳед Иқтибос Шикоят

Bosss

Илмат ба амал чу ёр гардад Кадри ту яке хазор гардад.Иншоаллох дуо кунем ки точикистон тенч ва ором бошад .хочи мирзо дар хамон болои минбар бошад

Ҷавоб диҳед Иқтибос Шикоят

Эзоҳ илова кунед