14 фев 2014 10:26Тоҷикистон / Дин ва зиндагӣ / Иҷтимоӣ / Фарҳангу адаб

Номгузорӣ аз нигоҳи Ислом ва пешниҳоди Тӯраҷонзодаҳо

Торнамои Turajon.оrg, веб-сайти хонаводагии бародарон Тураҷонзодаҳо, усули беҳтарини номгузориро аз нигоҳи Ислом шарҳ додааст. Ин торнамо дар посух ба суоли яке аз корбаронаш навиштааст, “назди ҷумҳури уламои ҷаҳони Ислом беҳтарин ном онҳое мебошанд, ки ба номи Худованд изофа шудааст, аз қабили Абдуллоҳ.”

Ба навиштаи Turajon.оrg, номгузорӣ кардани фарзанд бо номҳои пайғамбарон низ хуб мебошад ва ҳатто аз паёмбари Ислом (с) низ дар ин бора ҳадисе ривоят шудааст, ки гуфтаанд: “Бо номҳои паёмбарон номгузорӣ кунед ва маҳбубтарин номҳо назди Худо “Абдуллоҳ” ва “Абдурраҳмон” аст.” Инчунин, веб-сайти хонаводагии бародарон Тураҷонзодаҳо дар идома гуфтааст, “шаҳрвандон метавонанд, бо номҳои фарзандони фарзонаи таърихи Ислом ва номҳои форсӣ, ки маънои хуб доранд, низ номгузорӣ кунанд”.

Ин дар ҳолест, ки ахиран Сайидмукаррам Абдулқодирзода, раиси Шӯрои уламои Маркази исломии Тоҷикистон низ дар як суханронии худ аз сокинони кишвар даъват кард, дар интихоби номи фарзанд диққати ҷиддӣ дода, номҳои беҳтаринро гузоранд. Раиси Шӯрои уламои Маркази исломии Тоҷикистон гуфта буд, ки номи шахс ҳатман то ҷое дар хислати соҳибаш таъсиргузор мебошад: “Паёмбар гуфтанд, ҳар нафаре, ки Шумо ном мегузоред, барои ӯ насибе аз номаш ҳаст. Пас, бояд номҳои нек гузошт.”

Торнамои бародарон Тӯраҷонзодаҳо бо нашри чанд намунаи номҳо ба корбаронаш тасвсия додааст, ки аз онҳо истифода кунанд.

Номҳое, ки ба номҳои Худо изофа шудааст: Абдурраҳмон, Абдурраҳим, Абдурраззоқ, Абдулмуҳаймин, Абдулборӣ, Абдулмусаввир, Абдулмуқтадир, Абдулмалик... ва Абдулҷаббор.

Намунае аз номҳои паёмбарон: Муҳаммад, Иброҳим, Мӯсо, Исо, Нуҳ, Юсуф, Яъқуб, Исҳоқ, Исмоил, Юнус, Закариё, Яҳё, Илёс, Идрис, Сулаймон, Довуд... ва Аюб.

Намунае аз номҳои асҳоби паёмбар ва солиҳин: Абубакр, Умар, Усмон, Алӣ, Суҳайб, Суҳайл, Ҳамза, Аббос, Ҳузайфа, Саъд, Зубайр, Талҳа, Ҳасан, Ҳусейн, Усома, Ҷобир, Анас, Нуъмон, Молик... ва Зуфар.

Намунае аз номҳои занона: Оиша, Хадиҷа, Ҳафса, Сафия, Фотима, Марям, Соро, Савда, Ҷувайрия, Зайнаб... ва Нафиса.

Номҳои форсӣ: Хушбахт, Некрӯз, Рухшона, Садбарг, Лола... ва Бунафша.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

яхё

Эшонтарош,

Ҷавоб диҳед Иқтибос Шикоят

закариё

Маънои номи закариё

Ҷавоб диҳед Иқтибос Шикоят

Марям

Аз Аллоҳи бузург бояд битарсем, агар газабаш ояд, чунон бардошта мезанад, ки ба худ омаданамон гумон аст! Аллоҳи бузург моро аз хок офаридааст, барои хамин мо бояд хоксор бошем

Ҷавоб диҳед Иқтибос Шикоят

рухшона

Чиргатол

Ҷавоб диҳед Иқтибос Шикоят

Фируз

асалому алайкум бародарон ва хохаронам манои Номи Фирузро шарх медодед!

Ҷавоб диҳед Иқтибос Шикоят

Ибодуллои Сайфудини

Саломуналек Варахматуллохи Вабаракотух Эшон Бобо ман Насиб бошад набераамро Нуъмон ном мекунам маънояшро мехохам фахмам саломату сарбуланд бошед Бобои Эшон

Ҷавоб диҳед Иқтибос Шикоят

Номи духтар

Номи духтро чи монем китоби бошад

Ҷавоб диҳед Иқтибос Шикоят

Эзоҳ илова кунед