Бахшҳо

Қонуни Нютон: Назаре ба қазияи З.Саидов

Али Мастов, таҳлилгари сиёсӣ

Ман фикр намекунам руйдодҳои атрофи Зайд Саидов ба обрӯи кишвари мо ва раҳбарияти он заррае афзояд. Мувофиқи Сарқонун, Тоҷикистон кишвари демократист. Мо қариб дар ҳама ҷо, зери ҳама ҳуҷҷатҳои байналмиллалӣ ҳамчун кишваре имзо гузоштем, ки он арзишҳои демократӣ ва дахлнопазир будани моликияти шахсиро эътироф менамояд. Аммо чуноне мебинем, дар амал чунин нест. Ҳокимияти вақт ҳозир аст ба ҳар кори имконпазири ғайриқонунӣ даст занад, то ҳарфе ё фикре зиёдатӣ аз даҳони шаҳрвандон, иттиҳодияҳо, созмон ё ҳизбҳо набарояд.

"Корҳои профилактикӣ", ки ба наздикӣ аз ҷониби ҳукумат гузаронда шуданд ва бевосита бо 40-солагии ҲНИТ алоқаманд буданд, кори оқилонае набуданд. Ба меҳмонон раводид надоданд, додани ҷой барои чорабиниро манъ карданд, шанберо рӯзи корӣ эълон намуданд, дар макотиби миёнаву олӣ тафтишоти гуногун ба роҳ монданд. Дар хусуси роҳҳои таъсиргузории руҳӣ ва ҷисмонӣ ба аъзоёни аҳзоби сиёсии мухолиф ва шаҳрвандони ҳамфикри эшон ҳоҷати сухан нест.

Акнун навбати ҳизби навтаъсиси «Тоҷикистони нав» шуд. Мо ҳама дар шароити имрӯзаи Тоҷикистон зиндагӣ мекунем ва ба хубӣ медонем, ки оқибати ҳар ташаббуси сиёсӣ, ки аз ҷониби ҳукуматдорон "танзим" нашудааст, ба чӣ меанҷомад. Аммо тарзи рафтор бо ҳизби нав ва ба хусус роҳбари он аз ҳад гузашт. Бояд дар назар дошта бошем, ки ин ҳизб ҳанӯз сабти ном нашудааст ва касе дар бораи онҳо ба таври дақиқ ва пурра чизе намедонад.

Шояд, дар ҳукумат бошанд нафароне, ки қонуни сеюми Нютонро донанд ё аққалан шунида бошанд: "Ҳар амал аксуламалро ба вуҷуд меорад". Наход ин қадар мушкил аст фаҳмидани он, ки бо чунин роҳҳои омехта бо ҷазо ҳукумат доираи худро танг мекунад? Наход намефаҳманд, ки бо вайрон кардани қонун, ҳукумат худаш заминаро барои тундгароӣ, экстремизм ва зери соя рафтани ҷомеа фароҳам мекунад?

Дар ҳоле, ки қавонини кишвар ва адолат аз ҷониби худи ҳукумат зери по мешаванд, чи гуна иҷрои онро аз халқ метавон талаб намуд? Охир, роҳи осон, пешгирии рехтани хун, инқилоб ва заду хӯрдҳо ҳаст. Барои ин, бояд ба одамон ва ҳизбҳои сиёсӣ имкон дода шавад то дар доираи Сарқонун ва дигар қавонини ҷорӣ ҳукумати худр интихоб намоянд. Бигзор дар парлумон мухолифини демократӣ, исломӣ, комунистҳо, миллатчиён (агар фашист нестанд) бошанд. Бигзор дар парлумон баҳсҳои тезу тунд бошанд, ин беҳтар аст аз ҳалли силоҳ тавассути зӯри силоҳ, ба монанди воқеъаҳои Рашту Хоруғ.

Аммо барои ин, ба фикри ман, ҳукумат бояд тағйироти ҷиддиро паси сар намояд, ба мардум наздиктар шавад. Дар он бояд нафароне бошанд, ки дар ҳақиқат мушкилотро мебинанд, ҳунари баҳс кардан доранд ва аз рақибон ё мухолифини қавӣ наметарсанд. Чунки агар ҳукумат қавист, мухолифин низ бояд қавӣ бошанд. Танҳо дар ин сурат фикр ва қонунҳои хуб метавонанд рӯи кор оянд.
Мӯҳр
Дар точикистони мо хукматдорон на конуни конистуциони балки бо конуни чангал кор карда истодаанд конун факат барои хмлки камбагаласт ин ба хама маълумаст бас будагист дигар ба чони хама задаан ин хукматдорони фасодноки мо...

Чанд матлаби бародар Али Мастовро мутолиа кардам. Хеле тахлилхои хуб. Точикистон ба чунин тахлилгарон ниёз дорад. Ахсант!

Шумо барои танкиди хукумат аз хрчагони худ фоидае мебинед! Шояд факат танкид карданро ба шумо омузрндаанд? дар баробари танкид ягон пешниходе барои пешравии чомеа мекардед шояд хуб буд! Ё хочагонатон ичозат намедизанд?

Карим
Офарин бародар!Хакикатро гуфтед.

хак ба чониб шумост. Вале ин чо Точикистон аст. Расман чизе мегуянд, аммо дар амал аз руи конуни чангал рафтор мекунанд. окибаташ ба хайр бошад.
Имруз бояд олимону зиёиён, рузноманигорон ва уламо харфи худро ироа доранд. Мутассифона, эшон чурат надоранд. То ба кай ба ин бетарафи номи худро догдор мекарда бошанд.

Manu,
Бародар (хохар) Ману шумо ба кучо нигох доред? Се абзаци охир хамаш пешниход аст ку. Аммо мутассифона ба хукумат имруза чи пешнод куни ва чи накуни як аст.

Хушёров
Ачиб аст, ки дар фош анмудани гунохоятон мегуед. ки фишор оварданду аз конститутсия ёдовар мешавед, дар вакти пули давлатро аз худ намудану бо бисёрзани конунро вайрон кардан конститутсияро ба ёд намеоред.

карим
Ба Хушеров, конуну сарконуна чанобат бо вазирошу домодош риоя намекунад,пас аз дигарон низ талаб накунанд.Мо едгирифтем аз онхо

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)