06 июн 2013 16:27Оcиёи Марказӣ / Тоҷикистон

Оғози бозиҳои даври 10-уми мусобиқаи қаҳрамонии футболи Тоҷикистон

Кумитаи иҷроияи Федератсияи футболи Тоҷикистон (ФФТ) доварону нозирони бозиҳои даври 10-уми мусобиқаи қаҳрамонии футболи Тоҷикистон миёни дастаҳои лигаи олиро муайян кард.

Се бозии аввали ин давр рӯзи 8-уми июн баргузор мегардад. Сабқати дастаҳои “Истиқлол” - “Истаравшан”-ро, ки дар майдони марказии пойтахт баргузор мегардад, Каюмарс Сулаймонов, аз Душанбе доварӣ мекунад ва ба ӯ Парвиз Муртазоев ва Сайёд Зайниддинов (ҳарду аз Душанбе) кӯмак мерасонанд. Дар ин дидор Хуршед Дадабоев аз Хуҷанд ҳамчун довари эҳтиётӣ ширкат мекунад. Абдураҳим Бобоев (Турсунзода) бошад нозири бозӣ аст.

Дастаҳои “Хайр” - “Хуҷанд” дар варзишгоҳи “Хайр”-и Душанбе қувваозмоӣ мекунанд. Довари асосӣ: Равшан Эшматов (Қӯрғонтеппа). Ёварони довар: Қурбонмаҳмад Каримов (Хуросон), Умед Раҳимов (Қӯрғонтеппа). Довари эҳтиётӣ: Некрӯз Умаров (Қӯрғонтеппа) Нозири бозӣ: Садриддин Мустафоқулло (Ҳисор)

Дастаи “Регар-ТадАЗ” бо “Парвоз” дар варзишгоҳи “Металург”-и Турсунзода ба сабқат мебароянд. Довари асосӣ: Диловаршоҳ Орзуев (Ҳисор). Ёварони довар: Сафармаҳмад Шоҳимардонов ва Исматулло Мубинов (ҳарду аз -Хуросон). Довари эҳтиётӣ: Ҳамза Шоҳимардонов (хуросон). Нозири бозӣ: Шавкат Ахмедов (Душанбе).

Як бозии дигари даври 10-ум рӯзи 9-уми июн баргузор мегардад. Дастаи “Энергетик”-и душанбе дар варзишгоҳи “Авиатор”-и пойтахт бо дастаи ССКА “Помир”-и Душанбе қувваозмоӣ мекунад. Довари асосӣ: Хуршед Дадабоев (Хуҷанд). Ёварони довар: Ҳабибулло Назруллоев (Ҳисор), Мустафо исломов (Восе). Довари эҳтиётӣ: Абдурашид Муродов (Турсунзода). Нозири бозӣ: Кенҷа Ҳаитов (Турсунзода).

Рӯзи 7-уми июн дастаҳои “Равшан”-и Кӯлоб ва “Вахш”-и Қӯрғонтеппа бозии мавқуфгузоштаи даври 9-уми мусобиқаи қаҳрамонии футболи Тоҷикистон анҷом медиҳанд. Оғози ҳамаи бозиҳо соати 17:30 бо вақти Душанбе

Мӯҳр

Хабарҳои монанд: