Бахшҳо

Роберт Блейк: “Ба баҳонаи мубориза бо эстремизм мухолифини сиёсиро саркӯб накунед!”

Вазорати умури хориҷии Амрико рӯзи 10-уми июн баромади Роберт Блейк, ноиби котиби давлатии ин кишварро, зимни конфронс дар мавзӯи "Сиёсат ва Ислом дар АвруОсиё", дар маркази Дэвис нашр кардааст. Дар ин суханронии Блейк гуфта мешавад, ки ҳукуматҳои кунунии Осиёи Миёна бо муносибати мавҷудаашон бо Ислом кишварҳояшонро зери хатар мегузоранд.

Роберт Блейк мегӯяд, бархе аз иқдоми ҳукуматҳои Осиёи Миёна метавонад, радикализмро вусъат бахшад. Аз ҷумла ба таъкиди ӯ, "ҳукуматдорони Осиёи Миёна дар талоши ҳимояи худ аз таҳдидҳои терроризм, баъзан наметавонанд, миёни ҳуқуқи озодии эътиқод ва мубориза экстремизим фарқ гузоранд. Бархе аз ҳукуматдорон бо баҳонаи мубориза бо эстремизм мухолифини сиёсӣ, озодии ВАО ва ҷомеаи шаҳрвандиро саркӯб доранд.”

Ноиби котиби давлатии Иёлоти Муттаҳида гуфтааст, “ҳамаамон медонем, ки таҳдиди аслӣ ба кишварҳои Осиёи Марказӣ на гуруҳҳои экстремистӣ, балки маҳдудсозиҳои рӯзафзуни ҳуқуқҳои мардум ва адами имкониятҳои иқтисодӣ мебошанд." Ба андешаи Роберт Блейк, нигарониҳо дар мавриди тиратар шудани вазъияти Осиёи Марказӣ баъд аз хуруҷи нерӯҳои НАТО аз Афғонистон то ҷое беасосанд: “Гуруҳҳои ифротӣ аз қабили Ҳаракати исломии Узбакистон ба эҳтимоли зиёд ба фаъолиятҳои худ дар шимоли Афғонистон идома диҳад, вале ин ҷо гап на дар бораи ҳазорҳо, балки даҳҳо ё садҳо нафар меравад, ки онҳоро наметавон таҳдиди аслӣ хонд."

Ҷаноби Блейк афзудааст, маҳдудсозиҳо дар умури дин ва ҳуқуқҳои демократӣ, озодии баёну виҷдон, фасод, набудани волоияти қонун ва ҷинояткориҳои трансмиллӣ (фаромиллӣ) метавонанд бо номуътадилии бардавоми минтақа анҷоманд, ки ба нафъи ҳукуматдорони Осиёи Миёна, Амрико ва шарикони дигар нест.

Блейк Тоҷикистонро зикр кардааст, ки бо нияти коҳиши таъсири гуруҳҳои исломӣ, озодии эътиқодро маҳдуд намуда, аз ҷумла барои занон ҳузур дар масҷид ва пӯшидани ҳиҷобро дар макотиб манъ кардааст. “Дар Узбакистон мақомот итиҳомот дар терроризмро барои саркӯбу таъқиби мухолифин кор мебаранд. Қазоқистон ҳам бо баҳонаи экстремизм ба ВАО ва мухолифин маҳдудиятҳо эҷод мекунад”,-афзудааст ӯ.

Ба гуфтаи Блейк вақте ҳукумат дар мубориза бо эксремизм ба ҳуқуқҳои шаҳрвандон эҳтиром намегузораду волоияти қонунро нақз мекунад, муътидилияти бардавом дар кишвар зери суол меравад. Роберт Блейк таъкид кардааст, ки дар ҳоле фасод густурда асту волоияти қонун таъмин нест, боварии мардум ба ҳукумат коҳиш ёфта, мувофиқан имкони ҳукумат низ барои ҷалби сармоя ва таъмини рушди иқтисодию иҷтимоии кишвар кам мегардад: “Инчунин раванди айбдоркунии ҳамсояҳо дар мушкилоти марзӣ ва минтақа ба кишварҳо имкон намедиҳад, аз имкониятҳо самаранок истифод баранд. Дар сурати муносибати дуруст ҳукуматҳо метавонанд, аз озодии баёну ҷомеи фаъоли шаҳрвандӣ барои ҳалли мушкилот кор баранд."

Роберт Блейк таъкид кардааст, ки дар самти ҳалли ин мушкилот бо ҳукуматҳои минтақа пайваста ҳамкорӣ доранд ва ба ояндаи Осиёи Миёна хушбин аст: “Раванди ҳалли мушкилот метавонад мушкилу тӯлонӣ бошад, бо вуҷуд мо ба ояндаи минтақа хушбинем. Баробари ислоҳоти иқтисодӣ, сиёсӣ ва иҷтимоӣ Ислом низ метавонад, такондиҳандаи рушди Осиёи Миёна бошад ва мо бояд ба ин таваҷҷуҳи бештар диҳем."
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)