Бахшҳо
28 июн 2013 17:37Тоҷикистон / Рӯ ба рӯ

Раҳматулло Зоиров: “Ҳафтод пуштам тоҷиканд, на узбак!”

Раҳматулло Зоиров, раиси Ҳизби сотсиал-демократи Тоҷикистон ва мудаии курсии президентӣ, дар ҷавоб ба изҳороти бархе аз корбарони шабакаи Фейсбук, ки ӯро узбак номидаанд, шаҷараашро нашр кардааст, ки ба Хоҷа Аҳрори Валӣ рабт дода мешавад.

Зоиров мақсад аз нашри шаҷараи гузаштагонашро хотима бахшидан ба гуфтугузорҳо дар бораи аҷдодаш унвон карда, илова намудааст, ки “авлодамон шаҷараашонро аз асри 4-и мелодӣ оғоз кардаанд, ки ин ҳудуди 68-70 пуштро дар бар мегирад. Аммо ман танҳо 25 насламонро меорам, ки аз Шайх Умари Боғистонӣ оғоз мешавад ва дар асри 13 таваллуд шудааст. Писараш Шайх ан-Таҳур аст, ки ба номаш дар Тошканд яке аз кӯчаҳо гузошта шудааст. Яке аз писарони Шайх ан-Таҳур Ҳазрати Довуди машҳур ва духтараш, модари Хоҷа Убайдуллоҳ Аҳрор (1404 – 1490) будааст. Падари Хоҷа Аҳрор -- Саид Убайдуллоҳ, зодаи Хоразм буд, ки шаҷараи худро ба авлоди пайғамбар рабт медод.”

Дар идома Зоиров меафзояд, даъвои хешӣ бо паёмбарро надорад ва марбут ба авлоди Хоҷа Аҳрори Валӣ аст: “Хоҷа Аҳрори Валӣ ду фарзанд дошт, ки шаҷараи авлодам аз писари калонияш, Хоҷа Калон оғоз мешавад.”

Раиси ҲСДТ мегӯяд, хулоса решаи аҷдодаш аз Ҳафтрӯд, Зарафшон, Бухоро, Самарқанд, Истаравшан, Хуҷанд, Ашт, Шуғнон, Рашт ва ғайра сар мезананд.

Раиси ҲСДТ меафзояд, худаш чун бобояш Хоҷа Аҳрори Валӣ дар деҳаи Боғистон таваллуд шудааст, ки бошандагони он то имрӯз сад дарсад тоҷиконанд: “Ҳамин тариқ, 70 пушти ман тоҷиканд!”

Раҳматулло Зоиров дар сурати шубҳа аз таърихшиносону муҳаққиқон даъват кардааст, ки дар мавриди шаҷарааш ибрози назар кунанд.
Мӯҳр
Раҳматилло Зойиров, раиси Ҳизби сотсиал – демократии Тоҷикистон, охиран пас аз сафарҳои пай дар пай ба Россияву Ӯзбекистон эълон дошт, ки номзадии худро барои ширкат дар интихоботи президентии соли ҷории Ҷумҳурии Тоҷикистон хоҳад гузошт. Рафтори ӯро дар ҷомеа ба таври ҷиддӣ қабул накарданд, аммо Зойиров бо як пофишории хос дар воситаҳои ахбори омма тасмимашро қатъӣ гуфта, идома медиҳад: «Бале ширкат хоҳам кард, аммо на танҳо аз сӯи неруҳои мухолиф, балки аз тамоми нерӯҳои демократӣ. Ин посухи ман ҷиддӣ буд».
Гуфтори Зойиров дар ҳоле садо дод, ки ӯ қаблан номзадиаш ба мансаби президентӣ ва иштирок дар интихоботро номуайян номида буд. Баъди сафар ба Ҷумҳурии Ӯзбекистон дар оҳанги гуфтори ӯ ҷиддият пайдо шуд. Ҳатто замоне ки созмони Ҷунбиши миллӣ аз номи ӯ дар интихобот дастгирӣ кард, Зойиров ягон баромади махсус надошт ва иқдоми Ҷунбиши миллиро сад дарсад ҷонибдорӣ накард. Гӯё оташе буд, ки як афрӯхта шуду хокистар гашт, яъне ғайр аз ҳамон ҳафта, касе ба ин сухан мутаваҷҷеҳ нашуд. Аммо ин тасмими кунуниаш хеле бодиққат ва ҳассос менамояд. Масалан, мегӯяд: «Бидуни хоксории дурӯғин мехоҳам бигӯям, ки номзади ягона дар интихоботи президентӣ на танҳо аз ҷониби ҳизбҳо ва гурӯҳҳои мухолиф, балки аз тарафи гурӯҳҳои демократӣ низ бошам. На барои он ки ман беҳтаринам. Ман ҳокимиятро дӯст намедорам. Ман шаҳрванди оддӣ, ростқавл, ба қадри кофӣ таҳсилдида ва масъулиятшиноси Ҷумҳурии Тоҷикистон ҳастам. Ҳоло бошад, номзадии худро пешбарӣ мекунам ва эълон медорам, ки ин масъулиятро барои Ватан ва халқи он ба ӯҳда мегирам».
Чуноне ки дар суханҳои боло намудор мегардад, Зойиров худро шахси беҳтарин ва ҳукуматбезор номидааст. Агар ҳақиқатан ҳам Зойиров аз ҳукумат безор мебуд, ҳеҷ гоҳ номзадиашро дар интихобот намегузошт ва худро шаҳрванди оддӣ ва таҳсилдида ном намебурд. Ҳаминро бояд гуфт, аксари кулли шаҳрвандони дар сохторҳои қудративу низомӣ кору фаъолиятдошта таҳсилкарда ҳастанд. Аммо дар назари Зойиров танҳо шахсияти ӯ ба қадри кофӣ таҳсилдида менамояду халос. Гӯё дигарон ба қадри кофӣ таҳсил надидаанд ва масъулиятшинос нестанд.
Бояд гуфт, ки то лаҳзаи сафар ба Ӯзбекистон Зойиров дар ҳеҷ куҷо дар хусуси гузоштани номаш ба интихобот ҷиддӣ тасмим нагирифтаву нагуфта буд, вале баъди бозгаштан аз Ӯзбекистон вай эълом кард, ки инштирок хоҳад кард. Метавон ба хулосае омад, ки Зойиров дастандаркори Ӯзбекистон аст ва дар ин сафар роҳи ояндаашро муайян карда. Агар ӯ аз одамони давлати ҳамсоя нест, пас чаро пештар ин тасмимро нагирифт. Ҳадс задан мумкин аст, ки роҳбарони воломақоми кишвари ҳамсоя ӯро бовар кунонидаанд, то дар интихоботи дарпешистода номзадиашро гузорад ва эҳтимоли ғолиб омадан бо дастгирии онҳо вуҷуд дорад. Аммо бидонанд, ки ҳамон каму беш боварии доштаи баъзе тоҷикон пас аз сафар ба Ҷумҳурии Ӯзбекистон аз байн рафт ва барои ҳамагон маълум гардид, ки Зойиров кист ва барои кӣ хизмат мекунад.

ОООбоо и Рахматулло Зоировам одами бузург будааст, ку абача овозат дар худуди чумхури пахн шуд и баъзе занако фахмад дуохони миёяд и ту авлиё будаи Зоиров гаштаи хизб гуфа рав эмом хатиби ягон масчид товба дигар гап наёфти кариб худашро авлоди пайгамбар эътироф карда буд. Гумуш кун Зоиров аврохои чунин бузургонро норохат накун ту ба Худову бандаш маълум хасти чи гуна одам хасти. Худтаърифкуни кори хуб нест хазрати домулло Зоиров.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)