Бахшҳо

Марат Мамадшоев: Як рӯзи мубориза бо хушомадгӯӣ дошта бошем!

Марат МАМАДШОЕВ

Кишварҳои минтақаи мо, аз он ҷумла Тоҷикистонро зарур аст, рӯзи миллии мубориза алайҳи хушомадгӯӣ дошта бошанд.

Чоплус будан хеле шармовар аст! Аммо, ба фикри ман, ин ибора кӯҳна ва фарсуда шудааст. Ва ин дард ҳам дарди кӯҳна мебошад.

“Ҳам дар дӯстӣ ва ҳам барои кори давлатӣ, бояд сохтакорӣ ва хушомадгӯӣ ҷой надошта бошад”,-навиштааст Сисерон. Аммо хушомадгӯӣ дар ҳоли пешравист. Дар ҷамъиятҳо, кишварҳо...

Ҳамин тавр, чоплусӣ ҳам дар ҳоли равнақёбист. Ҷомеаҳои мо, ки дар раванди гузариш қарор доранд, шояд аз авторитаризм ба демократия, шояд аз авторитаризм то ба диктатураи мутлақ, хушомадгӯиро ба дараҷаи аъло расондаанд. Вохӯрии охирини раисҷумҳур бо намояндагони қишри рӯҳоният далели гуфтаҳои болост.

Фикр мекунам, вақти он расидааст, ки як рӯзи мубориза бар зидди хушомадгӯӣ дошта бошем. Ҳадди ақалл ба хотири он ки то андозае раванди хушомадгӯӣ коҳиш биёбад. Маълум аст, ки ин рӯзро дар сатҳи давлатӣ эътироф намекунанд.

Аммо чӣ метавонад монеи эълони чунин рӯз (рӯзи мубориза бар зидди хушомадгӯӣ) дар сатҳи ҷомеаҳои шаҳрвандӣ ва институтҳои он шавад? Дар сатҳи ВАО, ҷомеаҳои шаҳрвандӣ, шабакаҳои иҷтимоӣ ва ғайраҳо...

Барои хушомадгӯйҳо ҳам ягон сабаби хабарӣ доштан лозим. Рӯзҳои бӯҳронӣ, идҳои давлатӣ, зодрӯзи сиёсатпешагон... Барои ҳамин, рӯзи мубориза бар зидди хушомадгӯӣ метавонад наздик ба рӯзҳои 27-уми июн, 9-уми сентябр ва ё 5-уми октябр бошад.

Баъд аз эълони чунин рӯз мо метавонем ба хулосабарорӣ ҳам бирасем. Мисол, нафареро хушомадгӯи сол эълон кардаву барояш ягон тӯҳфа супурдан.

Чӣ тавре ки Некрасов тановист бигӯяд, “қаҳрамонҳоро метавонӣ надонӣ, аммо хушомадгӯёнро бояд донист”. Хушомадгӯёнро метавон ба чанд намуд ҷудо намуд. Мисол, хушомадгӯи креатив, хушомадгӯи касбӣ, хушомадгӯи содда ва ғайра...

Як нуктаро инҷо мехоҳам ҳамчун мисол биёварам. Вохӯрии охирини раисиҷумҳур бо намояндагони қишри рӯҳоният ба ёдам як саҳнаи “Тоҷикфилм” -- афсона дар бораи Шаҳрзодро овард. Дарбориён ба шоҳи нав (вазире, ки худро шоҳ эълон карда буд) мадҳу сано мегуфтанд, ки “ту шоҳи бузургӣ, одилӣ, оқилӣ”. Баъд аз он ки худи шоҳ баргашт, дубора ин ҳарфҳоро ба ӯ мегуфтанд.

Вақти он расидааст, ки аз тариқи телевизионҳои давлатӣ як бори дигар он филм пешкаши тамошобинон гардад. Ҳадди ақалл, пеш аз интихобот.
Мӯҳр
Дарвеш
Хушомадгуй ва ё чоплус(подхалим)душмани Худованд мебошанд ва дар охират аз чамоли Парвардигор махрум мешаванд.Дар чамъияти мо бештари мардум чоплус шудаанд,чи тавре,ки аз баромади рухониёни кишвар маълум гардид.Чоплус будан аз хислатхои бадтарини инсони мебошад ва дар чомеъа чоплусон обрую эътибор хеч вакт надоштанд ва надоранд. Мартабаи чоплусон ба даюсон наздик мебошад ва гури хардуяш то рузи киёмат алангор аст.

Бародар Марат!
Хеле хуб гуфтед, вале як ғайрат кунед ва ҳимматро каме боло бардоред. Бо ин қабил мардум ба фикри ман як рӯзи мубориза камӣ мекунад. Мо (ҷавонмардон, албатта) бояд бо онҳо 365 рӯз дар як сол мубориза дошта бошем. Вагарна, онҳо метавонанд гардани моро бишкананд.

Чоплусе, ноҷавонмарде қасамҳо бишканад,
Нашканад тарфи кулаҳ, аммо дили мо бишканад.
Зиндагӣ! Гар довари якрӯй бошӣ, пас чаро
Аблаҳе аз бом афтад, гардани мо бишканад?

Рӯҳат шод бод, устод Лоиқ!

соиб
марати азиз ин бемори решаи хазорсолахо дорад вале икдоми шумо алакай як зарба шуда метавонад.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)