16 июл 2013 13:43Тоҷикистон / Иҷтимоӣ

Хуруҷи "сибирская язва" дар шимоли Тоҷикистон

Хадамоти санитарию эпидемиологии Тоҷикистон мегӯяд, 4 сокини ноҳияи Панҷакент ва 2 сокини ноҳияи Айнӣ ба бемории сухтанӣ ё худ сибирская язва гирифтор шудаанд.

Наврӯз Ҷабборов, муовини директори Хадамоти санитарию эпидемиологии Вазорати тандурустӣ дар сӯҳбат ба “Озодагон” гуфт, беморони ноҳияи Панҷакент дар худи ноҳия табобат гирифта, беморони ноҳияи Айнӣ ба беморхонаҳои шаҳри Хуҷанд фиристода шудаанд.

“Бемории сухтанӣ қонунияти сироятшавии худро дорад. Ҳар 3-4 сол пас вазъият метавонад афзоиш ёбад, дар байни се сол ин беморӣ метавонад як маротиба афзоиш ёбад, нимсолаи сеюм ва чорум метавонад теъдодаш баланд шавад.”-афзуд Наврӯз Ҷабборов.

Инчунин Наврӯз Ҷабборов иброз дошт, ки ба одам бемории сӯхтанӣ тавассути ҳайвоноти хонагӣ мегузарад. Сироятпазирӣ ҳангоми нигоҳубини онҳо ва коркарди гӯшт ва ҳамчунин зимни сарукор бо пӯсту пашм сурат мегирад. Ангезандаи беморӣ метавонад хамчунин аз хок, тавассути захмҳои пӯст, исеъмоли ғизои сироятёфта ё нафасгирии чанги зарардида ба организми инсон ворид гардад.

“Барои пешгирӣ намудани ин беморӣ сари вақт гузаронидани эмкунӣ дар байни чорвои хонагӣ зарур аст. Ин вобастагӣ дорад ба фаъолияти мақомоти байторӣ. Агар аз ҷониби мақомоти мазкур сари вақт чораҳои эмкунӣ гузаронида шавад, аҳолӣ аз ин беморӣ ягон сироят намеёбад. Бемории сухтанӣ, буғумдард, ҳорӣ, ин намуди бемориҳо ба гурӯҳи бемориҳои аз ҳайвон ба одам гузаранда мебошанд”- иброз дошт Наврӯз Ҷаборов.

Аломатҳои беморӣ дар тағйирёбии пӯст дар қисмати сироятёфта зоҳир мегардад, ки он аввал сурхчаву доғдор шуда, сипас дар ҷойи он варам пайдо мешавад ва минбаъд ин варам ба захму яра мубаддал мегардад.

Мӯҳр

Хабарҳои монанд: