16 июл 2013 14:58Тоҷикистон / Қазияи Зайд Саидов / Сиёсат

157 теннисбоз аз Э.Раҳмон раҳоии З.Саидовро хостанд

Ҳудуди 157 теннисбози Тоҷикистон бо пахши як муроҷиатнома аз Эмомалӣ Раҳмон, раисиҷумҳури Тоҷикистон хостаанд, ба шарофати моҳи Рамазон ба қазияи Зайд Саидов, соҳибкори шинохта ва раиси Федератсияи тенниси рӯи мизи кишвар дахолат кунаду барои ҳалли мусбати он мусоидат намояд.

Варзишгарон менависанд, аз моҳи феврали соли 2009, ки раисии Федератсияи тенниси рӯи мизи Тоҷикистон ба дӯши Зайд Саидов афтод, рушду дастгириҳои ин намуди варзиш самти дигари тоза ёфт: “Аксарияти моро аз ҷиҳати моддию молиявӣ дастгирӣ мекарду стипендияи ҳармоҳа медод, дар ҳама мусобиқаҳои байналхалқиву дунёӣ аз ҳисоби худаш иштирокамонро таъмин мекард, ки ин маблағҳои андакро ташкил намекарданд. Агар ӯ намебуд, шояд мо ба чунин пояҳои варзишӣ намерасидем, аз шаъну шарафи варзиши миллиямон дар арсаҳои гуногун наметавонистем дар ин сатҳ дифоъ кунем.”

Теннисбозони тоҷик таъкид намудаанд, баъд аз боздошти Зайд Саидов толору машқгоҳи онҳоро бӯи ноумедӣ фаро гирифтааст: “Машқ ҳам кунем, таҳи диламон сард аст, дилгармона ва чун давраи пешин бо ҳавас корамон пеш нарафта истодааст. Гапу калоча ва овозаҳои ҳархела умедамонро канда истодааст.”

Дар хитоб ба Эмомалӣ Раҳмон теннисбозони тоҷик таъкид кардаанд, ки умед доранд, "аз сиёсати некбинонаю пуртараҳҳуму бахшоянда кор гирифта, барои ҳалли мусбати қазияи Зайд Саидов мусоидат хоҳад кард".

Ин муроҷиатномаро чемпионҳои чандинкаратаи Тоҷикистон -- Сомони Ҳусейн, З. Сайдалимова, И. Саидов, Сумайяи Амирӣ, С. Исмоилов, А. Маҳмудов, И. Екатерина, А. Қориева ва ҷамъ - 157 нафар имзо намудаанд.

Мӯҳр

Хабарҳои монанд:

Дарё

Чаноби оли! ман хам хамрохи хамин нафарон хохиш мекунам Акай Зайда чавоб те, акалан шартан чавобаш те аз точикистон берун набароя!!

Ҷавоб диҳед Иқтибос Шикоят

asadullo

Мухтарам зиёиёни ба нангу ноиус ва огох аз ин тенисбозон ибрат бигиред. Масалаи хабси ин сохибкор казичи шахсии у набуда, масалаи умумимиллист. Ин доги миллат ва Харобшавии хам як гурух шахрвандони чомеа мебошад. Мо хам як гурух точикони русия ба ин мурочиатнома хамрох мешавем. Бани одам яъзои якдигаранд!

Ҷавоб диҳед Иқтибос Шикоят

Эзоҳ илова кунед