"Одамкушӣ"-и бародарон Муродовҳо дар тарабхонаҳои Душанбе
Шерхон Салимзода, додситони кулли Тоҷикистон, имрӯз, 22-юми июл, зимни нишасти матбуотӣ дар шаҳри Душанбе гуфт, дар нимсолаи аввали соли равон дар ҷумҳурӣ 59 ҳодисаи куштор сабт шудааст, ки 5 –тояш, аз ҷумла куштори посбони “Агроинвестбонк” дар Файзобод ва хонаводаи як соҳибкор дар ноҳияи Бобоҷон Ғафуров, то ҳол кушода нашудаанд.
Салимзода гуфт, дар нимсолаи аввал кушторҳо аз ҷониби гуруҳҳо ва ҷавонон афзоиш ёфтаанд ва ифшои чунин ҷиноятҳоро дар меҳвари фаъолияти худ қарор хоҳанд дод. Дар мавриди куштори Саъдӣ Сатторови 25-сола, дар тарабхонаи “Шаҳрисабз” дар маркази Душанбе, ки ба гуфтаи волидони марҳум аз ҷониби фарзанди яке аз оилаҳои бонуфузи кишвар содир шудааст, додситони кул эътироф намуд, ки муттаҳамон ба ин куштор қаблан низ чунин ҷиноят содир кардаанд.
Шерхон Салимзода мегӯяд, муттаҳамон ба ин куштор, бародарон Муродов Шералӣ ва Ҷаҳонгир, моҳи декабри соли 2012 низ дар тарабхонаи “Бешаи палангон” шаҳрванд Бекназаровро куштаанд: “Аз ин пештар Муродов Шералӣ барои авбошӣ мавриди кофтукоб қарор дошт.”
Додситони кул афзуд, аз рӯи ҳодисаи куштор дар тарабхонаи “Шаҳрисабз” 7 нафар боздошт шуда, парванда аллакай ба додгоҳ ирсол шудааст. Ҳодисаи задухӯрд дар тарабхонаи “Шаҳрисабз”-и Душанбе шаби 28-уми апрел рух дод, ки дар пайи он Саъдӣ Сатторов ба ҳалокат расидаву Азим Асоев ҷароҳати вазнин бардошта буд.
Дар натиҷаи ин ҳодиса ҳодиса волидони Саъдӣ Сатторови 25-сола аз Эмомалӣ Раҳмон, раисиҷумҳури Тоҷикистон дархост карда буданд, то тафтишоти қазияро зери назорати худ бигирад. Волидони ин ҷавони марҳум аз он нигаронӣ карданд, ки гӯиё қотили эҳтимолии фарзандашон аз оилаҳои бонуфузи Тоҷикистон аст ва дар гузашта низ аз ҷавобгарӣ барои чандин ҷиноятҳои вазнин халос шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |