Иштироки Бердимуҳаммадов дар маросими қасамхӯрии Рӯҳонӣ
Қурбонгулӣ Бердимуҳаммадов, раисиҷумҳури Туркманистон низ дар маросими савгандёдкунии Ҳасан Руҳонӣ, раисиҷумҳури нави Эрон иштирок мекунад.
Ба итилои расонаҳои эронӣ, Сайидмуҳаммад Мусо Ҳошимӣ, сафири Эрон дар Ашқобод бо таъйиди ин хабар гуфтааст, Бердимуҳаммадов дар раъси ҳайате барои иштирок дар маросими савгандёдкунии раисиҷумҳури кишвараш ба Теҳрон сафар хоҳад кард.
Ба гуфтаи сафири Эрон дар Ашқобод, Теҳрон ҳар вақт, ки чунин маросиме баргузор кунад, ҳатман мақомҳои баландпояи кишварҳои дӯсту бародари хешро даъват хоҳад кард: “Иштироки Бердимуҳаммадов дар маросими мазкур бозгӯи равобити хуби Теҳрону Ашқобод аз ҷиҳати сиёсию иқтисодӣ ва фарҳангӣ мебошад.”
Ин дар ҳолест, ки Алиасғари Шеърдӯст, сафири Эрон дар Тоҷикистон низ гуфта буд, Эмомалӣ Раҳмон, раисиҷумҳури Тоҷикистон рӯзи 3-юми августи соли ҷорӣ дар раъси ҳайате барои ширкат дар маросими савгандёдкунии Ҳасан Руҳонӣ, раисмҷумҳури нави Эрон, ба Теҳрон сафар мекунад.
Маросими савгандёдкунии раисиҷумҳури нави Эрон 3-юми августи соли ҷорӣ баргузор шуда, он аз маросимҳои қаблӣ фарқкунанда хоҳад буд. Ба навиштаи расонаҳои ин кишвар, ин бор дар маросими савгандёдкунии раисиҷумҳури Эрон мақомҳои баланпояи кишварҳои хориҷӣ ширкат хоҳанд кард. Дар ин маросим то кунун ташрифи беш аз 10 раисиҷумҳури кишварҳои хориҷӣ таъйид шуда, эҳтимол дорад, ин нишондод то ба 15 бирасад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |