17 авг 2013 13:10Оcиёи Марказӣ / Туркманистон

Президент гуфт, ҳизбашро тарк мекунад

Қурбонгулӣ Бердимуҳаммадов, райисҷумҳури Туркманистон эълон дошт, қасди берун шудан аз ҳайати Ҳизби демократиро, ки масъулияти сарварияш бар души ӯст, дорад.

ИТАР-ТАСС менависад, Бердимуҳаммадов дар ин бора зимни ҷаласаи Ҳизби демократии Туркманистон хабар додааст.

«Президенти кишвар набояд аъзои ягон ҳизб бошад, то дар шароити бисёрҳизбӣ ба ҳизбе, ки дар он шомил аст, бартарият надиҳад», – изҳор доштааст Бердимуҳаммадов.

Ҳизби демократии Туркманистон соли 1991 дар ҷои Ҳизби комунистии Туркманистони Шӯравӣ таъсис ёфта, тайи 20 сол ягона ҳизби амалкунандаи ин кишвар буд. Беш аз 15 сол раҳбарии онро Сапармурод Ниёзов, собиқ котиби Кумитаи марказӣ бар душ дошт. Баъди марги Ниёзов ба ин курси Қурбонгулӣ Бердимуҳаммадов нишаст.

Моҳи январи соли 2012 парлумони Туркманистон қонун “Дар бораи ҳизбҳои сиёсӣ”-ро қабул кард, ки таъсиси ҳизбҳои дигарро иҷозат медод. Бо гузашти якуним сол дар Ашхобод Ҳизби соҳибкорони Туркманистон сабти ном шуд.

Мӯҳр

Хабарҳои монанд:

Раиси хизб

Офарин ба ту! Бисёр икдоми хуб!Ахсант!

Ҷавоб диҳед Иқтибос Шикоят

Ҷамшед

Бародарони туркман ба сӯи низоми демократӣ ва таҳкими истиқлолият қадамҳои устувор гузошта истодаанд. Соли гузашта ҳукумати Туркманистон низоми душаҳрвандиро бо Руссия лағв (бекор) кард. Акнун туркманҳо шаҳрванди танҳо як кишваранд - ТУРКМАНИСТОН! Ва фақат ба ватани худашон содиқ мемонанд. Биноан онҷо О.Тутубалина (ва садҳо дигарон!) барин шаҳрвандони қалбакии дурӯя аз байн рафтаанд.

Иқдоми нави президент Бердимуҳаммадов аз боварӣ ба худ ва адолати сиёсӣ далолат медиҳад. Акнун одамонро ба "ҳизби президент" маҷбуран касе намекашад ва ба нашрияаш ҳам "обунаи маҷбуракӣ" намешавад. Дуруст аст ки президенти кишвар берун аз ҳар гуна ҳизб бошад. Зиҳи оқои ҚУРБОНГУЛӢ! Давлатат ҷовидон бод. Мегӯяндки, "харбуза аз харбуза ранг мегирад." Ку, як бинем.

Ҷавоб диҳед Иқтибос Шикоят

самад

салом

Ҷавоб диҳед Иқтибос Шикоят

Чамолиддин

Натанхо ин гуфтори Бердимухаммадов сабаби тарк кардани хизбаш бошад:«Президенти кишвар набояд аъзои ягон ҳизб бошад, то дар шароити бисёрҳизбӣ ба ҳизбе, ки дар он шомил аст, бартарият надиҳад». Балки сиёсатмадоре, ки максади пешвои мардуми шудан дорад, бояд узви ягон хизби сиёси набошад.

Ҷавоб диҳед Иқтибос Шикоят

Эзоҳ илова кунед