Бахшҳо

Занги як муҳоҷири тоҷик аз Сухумӣ: “Илтимос, маро озод кунед!”

Шамсидин Давлатов, як муҳоҷири тоҷик, аз моҳи августи соли гузашта то кунун дар марзи миёни Русияву Абхозистон дармонда, мегӯяд, ба фарёдаш фарёдрасе пайдо накардааст. Вай баъд аз 3 моҳи ҳаққи будубош дар Русия, барои қонунӣ кардани будубоши минбаъдааш аз марзи Абхозистон гузаштааст.

“Дар марзи Абхозистон гуфтанд, ки ба хотири вайрон намудани низоми шиноснома наметавонам дубора ба Русия баргардам”,-афзуд ӯ.

Мусоҳиби мо мегӯяд, дар тӯли як соли охир барои раҳоияш аз банди марзбонҳои Абхозистон ба чанд ҷой муроҷиат карда ва дар ҷавоб ин ҷумлаҳоро шунидааст: “То намояндагони Шумо ба мо муроҷиат накунанд, ягон кор карда наметавонем.” Баъд аз ин, мегӯяд Шамсиддин Давлатов, борҳо ба консулгарии Тоҷикистон тамос гирифта ва онҳо гуфтаанд, номаву санадҳои заруриро фиристодаанд. “Мегӯянд, ки дигар ба мо занг назан, ҷавобаш, ки омад, худамон ба Шумо занг мезанем”,-гуфт Давлатов.

Дар робита ба ин қазия як корманди сафорати Тоҷикистон дар Русия ба “Озодагон” гуфт, онҳо дар садади таъмини шароит барои ба Русия бозгаштани Давлатов ҳастанд. “Дар ҳақиқат, Шамсиддин ба мо чанд бор муроҷиат кардааст. Дар баробари ӯ, нафарони зиёди дигар, ки бо ҳамин мушкил рӯбарӯ ҳастанд, ба мо муроҷиат ва хоҳиши кумак намудаанд. Дар навбати худ, мо ба Вазорати умури хориҷии Русия барои мусоидат ба ҳалли мушкил муроҷиат намудем. Алҳол, ин ниҳод омода аст барои шаҳрвандони Тоҷикистон долон (коридор) барои гузаштан аз марз пешниҳод намояд. Аммо, барои ин, нафарони дар Абхозистон дармонда бояд тамоми ҳуҷҷатҳои лозимиро, аз қабили чипта, корти муҳоҷират ва шиноснома дошта бошанд. Мутаассифона, на ҳама муроҷиаткардагон ҳамаи ин санадҳоро доранд. Баъзеҳо ҳатто шиносномаҳояшонро гум кардаанд”,-гуфт мусоҳиби мо аз сафорати Тоҷикистон дар Русия.

Вай дар идома афзуд, “барои ҳар нафари алоҳида тамоми равандҳои дипломатиро барои муҳайё намудани гузаргоҳ мушкил аст ва ба ҳамин хотир, намояндагии дипломатии Тоҷикистон ва Вазорати умури хориҷии Русия дар баробари омода шудани ҳуҷҷатҳои муроҷиаткардагон, ба таври гуруҳӣ, барои ҳалли мушкилашон мусоидат менамоянд.”

Ин бори аввал нест, ки бархе аз муҳоҷирони тоҷик дар марзи миёни Русиву Абхозистон дармонда, ба мушкил рӯбарӯ мешаванд. Аксари ин муҳоҷирон мехоҳанд, дар се моҳ як бор марзи Русияро гузашта, ба Абхозистон раванду дубора ба ин кишвар омада, ба корашон идома диҳанд. Вале дар банди марзбонҳо меафтанд. Қаблан, сафорати Тоҷикистон бо интишори номае аз муҳоҷирон хоста буд, аз рафтан ба Абхозистон худдорӣ кунанд. Чун Тоҷикистон дар ин кишвар намояндагии дипломатӣ надорад ва берун овардани онҳо танҳо бо мусоидати Русия имконпазир хоҳад шуд, ки кори осоне нест.
Мӯҳр
Кулоби
Эй хамватанони бе пушту панохам ба шумо гуфтаниам, ки ба умеди хукумати ЧТ ва сафорату консулхои он нашавед. Чихеле, ки дар ёдатон бошад чавони точик бо номи Аслишо гуфтабуд, ки аз кабули ЧО дида кабули Путин осонтар будааст. Аз ин лихоз гуфтаниам, ки ба умеди хукумати ЧО ва сафоратхои кисагии у нашуда ба Путинчон мурочиат намоед то, ки мушкилотатон хали худро ёбад.

мухочир
Ташакур ба Шумо ОЗОДАГОН ки ин мавзуъро бардоштед. Рсти ман хам аз Россия як баромадаму даромадан 1000 долар бо консули Точикистон як нафарашба ваъда додам баъд ёрдамам карда маро бароварданд. Дар хар тарафи кунчи Россия чунин бачахо ЗАНХОИ ТОЧИК бисёранд ва мухточи ёрианд. Ба додашон кам мерасанд. Парвардигор хамаи мардуми точика сарчам намояд ОМИН.

чихеле россия одамаша намемонадки дар дигар давлат зиндон ё инки азоб диханд пуст точикистонам ёрдам кунад халкба онхо бечорахо дар дигар давлатанд дастиёри дихед абезательно. хар мох 10 то тобут мебаранд ба точикистон инаша ки зашишат мекунад мардуми моя

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Январ 2023    »
ДушСешЧорПанҶумШанЯкш
 1
2345678
9101112131415
16171819202122
23242526272829
3031 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)