Зайд Саидов ин бор дар таҷовузи духтари 12-сола айбдор мешавад
Дар ин бора вакили мудофеъ Шӯҳрат Қудратов ба “Озодагон” хабар дода ва гуфт, ин айбнома бегоҳи 24-уми сентябр дар бинои оҷонсӣ бо ҳузури худи Зайд Саидов эълон шудааст. Вай гуфт, “гуруҳи тафтишотӣ ба раҳбарии Зуҳал Раҳимов Зайд Саидовро аз боздоштгоҳ ба бинои Оҷонсии зидди фасод оварда, аз ифтитоҳи боз як парвандаи ҷиноӣ алайҳи ӯ хабар доданд. Ин парванда ҳанӯз 14-уми сентябр ифтитоҳ шудааст. Онҳо гуфтанд, нисбат ба нафари таҳти ҳимояти мо аз рӯи моддаи 131 ва 138, қисми 3, айб эълон шуда, ки аввалӣ маҳрум кардан аз озодӣ ва дувумӣ таҷовуз ба номуси ноболиғ аст.”
ПАРВАНДАИ ЗАЙД САИДОВ
Ба қавли Қудратов, бино ба гуфтаи гурӯҳи тафтишотӣ гӯиё оқои Саидов ду сол пеш ба номуси як духтари дувоздаҳсола дастдарозӣ кардааст. Ин вакили мудофеъ гуфт, рӯзи 24-уми сентябр Зайд Саидовро дар бинои Оҷонсӣ бо нафари ҷабрдида ҳам рӯбарӯ кардаанд, вале ӯ гуфтааст, ин духтарро бори аввал мебинад ва намешиносад. “Зайд Саидов ин иттиҳоми Оҷонсиро рад кард ва онро бофтаву сохта номид”,-гуфт Шӯҳрат Қудратов.
Бо ин ҳол, вакили мудофеъ гуфт, дар боари чигуна ва дар куҷо иттифоқ уфтодани ин ҳодиса маъмулоти кофӣ дар даст надоранд. Ба қавли ӯ, рӯзи 24-уми сентябр танҳо бо айбнома онҳоро ошно кардаанду тамом. Ӯ афзуд, “аз ин ҷо вакилони мудофеъ ба хулосае омаданд, ки танаффуси эълонкарда дар мурофиаи нафари таҳти ҳимояти мо бесабаб набудааст.” Ахиран Шавкат Абдулхайров, додраси Додгоҳи олӣ, мурофиаи додгоҳии Зайд Саидовро, то рӯзи 26-уми сентябр мавқуф гузошт.
Ин барои дувумин бор аст, ки Оҷонсии мубориза бо коррупсия Зайд Саидовро дар таҷовуз ба номуси духтарони ноболиғ муттаҳам мекунад. Ин оҷонсӣ 16-уми июли соли ҷорӣ низ алайҳи соҳибкори муваффақи тоҷик "барои таҷовуз ба номуси духтари ноболиғ ва ба исқоти ҳамл маҷбур сохтани зан" парвандаи ҷиноӣ оғоз намуда буд. Оҷонсӣ гуфта буд, ба ин ниҳод ноболиғ "А" бо ариза муроҷиат намудааст, ки гӯиё Зайд Саидов ба номуси ӯ таҷовуз кардааст. Иттилое, ки Зайд Саидов онро беасос ва дурӯғин хонда буд.
Зайд Саидов, соҳибкори шинохта ва раҳбари гуруҳи ташаббускори таъсиси ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Мақомот ӯро ба сӯистифода аз мансаб, порагирӣ, қаллобӣ, таҷовуз ба номус, бисёрзанӣ ва ғайра муттаҳам медонанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
