Бахшҳо

Додхоҳии соҳибони биноҳои баландошёнаи маркази Душанбе

Нилуфари КАРИМ

Қарори ахири Маҳмадсаид Убайдуллоев, шаҳрдори Душанбе, дар мавриди қатъи сохтмони биноҳои баландошёна дар маркази пойтахт боис ба нигаронии соҳибони ин биноҳо шудааст. Ин аст, ки ҳудуди 150 саҳоми бунёди манозили баландошёна дар кӯчаҳои Шотемур-25 ва Бохтар-46 бо ирсоли як нома аз Эмомалӣ Раҳмон, раисиҷумҳури Тоҷикистон ва Маҳмадсаид Убайдуллоев, шаҳрдори Душанбе, кумак хостаанд.

Онҳо дар номаи худ навиштаанд, қатъи сохтмони ин биноҳо 175 оиларо, ки ба онҳо барои бунёди манозили баландошёна пул додаву ду сол боз бо умед интизори анҷомёбии онанд, нигарон сохтааст. “Мо бо меҳнати ҳалолу софдилона маблағ ба даст овардему ва амонатҳои тӯли даҳсолаҳо захиракардаи худро баҳри беҳбудӣ бахшидани шароити манзилии худ равона сохтем. Пеш аз пардохти маблағ ба сохтмончиён мо эътимод ҳосил намудем, ки сохтмон мутлақо қонунӣ, дар асоси қарорҳои ҳукумати Душанбе таҳти №518 аз 27-уми декабри соли 2011 ва №391-1 аз 11-уми августи соли 2011 анҷом дода мешавад”,-омадааст дар номаи саҳомон.

Онҳо дар идома афзудаанд, “дар марҳилаи охири сохтмон бинокорон ба мо хабар доданд, ки аз сабаби иваз шудани нақшаи генералии шаҳр ва қарори расмии ҳукумати шаҳри Душанбе сохтмони ин биноҳо боз дошта шудааст. Ҳеч кас ояндаи ҳалли ин қазияро ба мо гуфта наметавонад. Баъзе кормандони ҳукумат ва идораи меъмории шаҳр мегӯянд, ин биноҳо ё аз миён бардошта мешаванд, ё барои ниёзҳои маъмурӣ дода мешаванд (барои мисол, ба вазорати кишоварзӣ). Аксарияти мо барои харидани манзил аз бонкҳо қарз гирифта, аксарият манзилҳои истиқоматии худро фурӯхта дар манзилҳои иҷоравӣ истиқомат мекунанд. Ҳар як рӯзи боз истодани сохтмон бароямон хеле гарон аст ва эҳтимол ба зудӣ мо метавонем бе сарпаноҳ монем. Аммо ин вазъияти мо ҳеҷ касро ба ташвиш намеорад.”

Додхоҳии соҳибони биноҳои баландошёнаи маркази ДушанбеЭраҷ Олимов, ҳуқуқдони бинои истиқоматии Бохтар-46, дар суҳбат бо “Озодагон” гуфт, тамоми ҳуҷатгузорӣ ва ҷамъ намудани қисме аз маблағ дар бинои Бохтар-46 ба уҳдаи ӯ буда, баъд аз боз дошта шудани сохтмон тамоми саҳомон ба ӯ занг зада ҳалли масъаларо талаб кардаанд. “Ҳоло тамоми саҳмдорон ба ман занг зада муроҷиат мекунанд, то маблағҳояшонро баргардонам. Барои 200 квадрат 160 ҳазор доллар ҷамъ намудаам. Ҳоло онҳо фикр мекунанд, ки мо онҳоро фиреб намудаем. Бинои Бохтар-46 бояд 14-ошёна шавад. Алакай 7 ошёнаи он ба итмом расидааст, ки аз рӯи нақша моҳи январи соли 2014 пурра хонаҳои истиқоматиро ба соҳибонашон месупоридем”,-гуфт Олимов.

Мусоҳиби мо афзуд, пеш аз оғози сохтмони биноҳо қарори раиси шаҳр, иҷозатномаи архитектура, хулосаи экспертизаи Оҷонсии сохтмон ва меъмориро гирифта, инчунин зиёда аз 13 мақомоти давлатӣ дар ҳуҷҷати онҳо муҳр гузоштаанд: “Худи роҳбарияти мо Шукур Саъдуллоевич бо раиси шаҳр вохӯрданд ва ба онҳо гуфтанд, ки сохтмони биноҳо танҳо бо сабаби иваз шудани нақшаи генералии шаҳр боз дошта шудаанд. Бояд парлумони кишвар муҳокима кунад. Танҳо барои 7 ошёнаи бинои Бохтар-46 тақрибан 5 миллион доллар сарф шудааст.”

Ин дар ҳолест, ки бинои баландошёна дар Шотемур-25 тақрибан ба анҷом расидааст. Фармоишгари бино Мавлуда Бобоева мегӯяд, онҳо барои бунёди ин манзили баландошёна коргаронро аз хориҷа овардаанд, ки барои як рӯзи кории онҳо 50 доллар пардохт мекунанд: “Ҳангоме мо сохтмонро шурӯъ кардем, ҳамаи ҳуҷҷатҳоямон буд. 14-уми август сохтмони бинои моро боз доштанд. Ба куҷое, ки муроҷиат намекунем, ба мо мегӯянд, бинобар сабаби иваз шудани Нақшаи генералии пойтахт сохтмон боз дошта шудааст. Ба Агентии сохтмон, раиси дастгоҳи президент, ба худи президент чанд бор мактуб навиштем, фикр мекунам, ки мактубҳои мо ба ӯ нарасидааст. Президент мумкин аз ҳамин корҳо хабар надошта бошад. Маро мардум ғам медиҳанд, пуламро деҳ мегӯянд. Маблағҳои онҳоро мо барои сохтмон сарф кардем. Боварии комил дорам, ки танҳо президент метавонад ба мо кумак намояд.”

Як моҳ пештар Маҳмадсаид Убайдуллоев, раиси Душанбе, дар доираи нақшаи генералии шаҳр, ки аз ҷониби муассисаи «Гипрогор»-и Маскав таҳия шудааст, қарор намуда буд, 36 бино аз маркази Душанбе бардошта шаванд.

Тавре аз шаҳрдорӣ ба “Озодагон” иттилоъ дода буданд, “дар доираи ҳамоҳангсозии бинову иншооти атрофи майдони «Дӯстӣ» 36 бино дар кӯчаҳои Рӯдакӣ, Бохтар, Руставели, Пушкин ва Теҳрон бардошта мешаванд. Аз ҷумла, тахриби бинои “Тоҷиктелеком”, бинои раёсати муҳофизати ғайриидоравӣ, бинои маъмурӣ ва дафтарҳои корӣ, бинои маркази Фалак (осорхонаи Гурминҷ Завқибеков), додгоҳи Исмоили Сомонӣ, биноҳои маркази варзишии “Таэквандо”, мағозаю қаҳвахона, Додситонии шаҳри Душанбе, сафоратхонаи Эрон, бинои вазорати кишоварзии Тоҷикистон ва ҳудуди 22 бинои истиқоматии аз 1 то 4-ошёна дар назар аст.” Шаҳрдорӣ дар қарори худ аз масъулин хоста буд, соҳибони биноҳои чаппашаванда огоҳ гарданд ва ҳаққи қонунии онҳо дар сатҳи зарурӣ ба онҳо дода шавад.
Мӯҳр
Ман хеч нафахмидам, Накшаи генералии пойтахтро пеш Хукумати Точикистон тасдик мекард ва он барои 25-30 сол пешбини мешуд. Ин чи хел Накша, ки ба он раиси шахр хар вакт тагйиру илова ворид мекардааст ва умуман, кай ба ин масъала нукта гузошта мешавад. Мо то хол варианти нихоии Накшаи генералии Душанберо надорем. Это бардак и безобразие...

Ба Худо ба ин корхо буза ханда мегираду хара гуз. Инхо чи фикр мекарда бошан?

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)