Бахшҳо
01 окт 2013 11:30Тоҷикистон / Сиёсат

Парлумон розӣ шуд, пойгоҳи Русия то соли 2042 боқӣ бимонад

Вакилони Маҷлиси Намояндагон баъд аз таътили тобистона рӯзи якуми октябр ба кори худ оғоз намуда, қарордоди Душанбеву Маскав дар бораи тамдиди ҳузури пойгоҳи 201-и Русия то соли 2042-ро баррасӣ ва тасвиб карданд. Аз 59 вакиле, ки рӯзи 1-уми октябр дар толори Маҷлиси Намояндагон ҳузур доштанд, 57 нафар ба тарафдории он райъ доданд.

Ин тарҳи созишномаро, ки 18-уми сентябр аз сӯи президент Эмомалӣ Раҳмон ба парлумон пешниҳод шуда буд, Шералӣ Хайруллоев -- вазири дифои Тоҷикистон муаррифӣ кард. Ӯ гуфт, дар пайи тасвиби ин тарҳи созишнома Тоҷикистон аз ҳисоби воридоти бе боҷи маҳсулоти нафтӣ, сохтмони нерӯгоҳи хурду миёна ва амнияти будубоши шаҳрвандонаш дар Русия манфиат хоҳад дид. Ин аст, ки оқои Хайруллоев тамдиди ҳузури пойгоҳи 201-и Русия дар Тоҷикистонро аз манфиат холӣ надонист ва аз вакилон хост, бетафовут набошанд.

Масъалаи тасвиби қарордоди миёни Душанбеву Маскав дар бораи тамдиди ҳузури пойгоҳи 201 бештар аз як сол боз мавриди баҳси расонаҳо, ҷомеаи шаҳрвандӣ, коршиносон ва сокинони одӣ қарор дорад. Вале вақте Шукурҷон Зуҳуров, раиси Маҷлиси Намояндагон, аз вакилон хост, агар суоле ё пешниҳоде дошта бошанд, бигӯянд, аксари вакилон дар ҷавоб кафкӯбӣ карда, тасвиби бидуни баҳси онро дар миён гузоштанд.

Сӯҳроб Шарифов, вакили Маҷлиси Намояндагон, аз ҳамтоёни худ хоҳиш кард, ба тарафдории ин созишнома, ки тарҳи он соли гузашта аз тарафи раисиҷумҳури Русия Владимир Путин ва раисиҷумҳури Тоҷикистон Эмомалӣ Раҳмон имзо шудааст, овоз диҳанд. “Чун манфиати сиёсӣ дорад”,-гуфт ӯ. Номзад ба мақоми президентӣ аз Ҳизби коммунист Исмоил Талбаков ҳам гуфт, тарафдорӣ аз созишномаи мазкур ба манфиати давлат буда, “бояд ин созишнома бидуни шубҳаву гумон қабул шавад.”

Муҳиддин Кабирӣ, раиси Ҳизби наҳзати исломӣ ва вакили парлумон, ҳам суханронӣ карда ва аз ҷумла гуфт, “аз нигоҳи мо Тоҷикистон ба унвони як кишвари соҳибистиқлол бояд мустақилияти худро ҳифз карда, қудрати таъмини амниятро дошта бошад. Аммо воқеият ин аст, ки бо таваҷҷӯҳ ба баъзе хатарҳои минтақаӣ шояд мо амнияти худро таъмин накарда бошем. Агар чунин таҳдид бошад, пас, фикр мекунам, мо маҷбурем интихоб кунем, ки яке аз кишварҳои қудратманд бояд дар Тоҷикистон пойгоҳ дошта бошад. Шояд Русия интихоби дуруст аст, бо дарназардошти таърихи ҳамкорӣ ва муҳоҷирон.”

Бо ин ҳам оқои Кабирӣ гуфт, онҳо бисёр мехоҳанд ва тарафдори онанд, ки Тоҷикистон ба унвони кишвари мустақил бояд амнияташро тамъин кардаву дастнигари касе набошад. “Илова бар ин, вақте ба ин монанд созишнома матраҳ ва ё баррасӣ мешавад, бояд ҳамаи мардум иттилои кофӣ дошта бошанд. Бахусус дар созишномаи мазкур, ки чӣ шарту шароит буд ва Тоҷикистон чӣ бурду чӣ манфиат дошт, мо намедонем”,-афзуд ӯ.

Созишнома дар бораи будубоши 30-солаи пойгоҳи низомии Русия дар Тоҷикистон моҳи октябри соли гузашта аз ҷониби президентҳои Тоҷикистону Русия, Эмомалӣ Раҳмон ва Владимир Путин имзо гардида буд. Пойгоҳи 201-и Русия бо тақрибан 7 ҳазор сарбозу афсар бузургтарин пойгоҳи низомии ин кишвар дар хориҷ дониста мешавад. Бар пояи созишномае, ки ҳамакнун барои тасдиқ ба парлумони Тоҷикистон ироа шудааст, замони ҳузури ин пойгоҳ ба камияш то соли 2042 тамдид хоҳад шуд.
Мӯҳр
Барои, кӣ нависам достоне,

Ки, ин миллат надорад қахрамоне.

Бародаркушт бародар қаҳрамон шуд,

Гирифт ҷоизаву фахри замон шуд.

Ба сад умеду орзуву ормон,

Ба насли худ бимонд номи Сомон.

Куҷое аблаҳе буд муътабар шуд,

Раванди зиндагӣ аз бад бадтар шуд.

Намонда эътибор бар илму олим,

Гирифтор олимон бар чанги золим.

Тамоми шоирон маддоҳ гаштан,

Халоиқ ҷумлагӣ гумроҳ гаштанд.

Ба якдигар касе бовар надорад,

Ки рӯзе мерасад довар надорад.

Писар дар хизмати модар падар нест,

Падар дар фикри фардои писар нест.

Ба дигар дарду ҳамдарди намондааст,

Ҷавононро ҷавонмардӣ намондааст.

Фирори гаштаанду, мардикорӣ,

Занону кудакон дар интизорӣ.

Занон аз фоқа доранд танфурушӣ,

Бародарҳо ба лаб муҳри хомушӣ.

Ҳамехоҳам занам ман сар ба санге,

Ки тоҷик гашта муҳтоҷи мазанге.

Касал бисёру доруҳо куҷоянд,

Табибони замон чун аждаҳоянд.

Худои ишқ, руйгардонд аз мо,

Вуҷуди одамӣ шарманда аз мо.

Дуруғин менависад матбуоташ,

Шудем ҳайрон миёни обу оташ.

Агарчи қалбҳомон дар хуруш аст,

Вале аз тарси ҷон лабҳо хамуш аст.

Ҳаметарсам ман аз ин дору зиндон,

Магу ин достон дар пеши нодон.

Ильхом,
Мошаллох! Бехтарин гуфти бародар! Худованд, хамеша забон бурро монад!

"Аз 59 вакиле, ки рӯзи 1-уми октябр дар толори Маҷлиси Намояндагон ҳузур доштанд, 57 нафар ба тарафдории он райъ доданд".

Ин ду нафари зид хатман хамон ду намояндаи ХНИТ хастанд: чун хамеша мухолиф

Нотарс
Маълум, ки чанобонро Путинако хуб нозу неъмат хурондаанд. Аз хамин сабаб парлумон косалес набуда, танхо поси намаки Путинтагоро доштаанд. Охир харчи набошад мухочират бахонаи хубе барои пушондани тарсуиву буздилии онон аст.

шокубод
Магар ин миллат интихоби дигаре доштбошад? На надорад.. Солхои 1992-97 кушуни кахрамони фронти халкии музаффарро ки пируз шуда буд 80 фоиз гайри миллатхо ташкил карда буданд. агар русхо набошанд ин бор аз миллат номе нахохад боки монд мугулу туркзодагон омодаанд ин номро аз кишвар пок кунанд. так что мо ба русхо ниёз дорем гурури хушку холии баъзе зиёиёни точик хеч натичае ба бор намеорад. мисли гурури шикастаи шоири номи. Пешниходи номзадон ба макоми раисчумхур бори дигар собит намуд, ки дар майдони миллат факат як мард аст, боки мушт бар синаи холи мекубанд дигар хеч...ягона илотакя бапр аклу илму дониши замон аст. мутаасифона майли ин мардум бар таасуби динист., ки хатман чомеаро суи солхо асри 8 мебарад. инкиоб дар аклу хирад ва хуввият мебояд на дар сиёсат....

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)