14 окт 2013 09:47Тоҷикистон / Сиёсат

Ҳушдор аз ифтитоҳи парванда дар номаи додгоҳ ба Кабирӣ

Додгоҳи ноҳияи Исмоили Сомонии пойтахт бо ирсоли номае ба Муҳиддин Кабирӣ, узви Маҷлиси Намояндагон ва раиси Ҳизби Наҳзати Исломӣ, ҳушдор додааст, ки барои мавқеъгириҳояш дар мавриди дарахтбурӣ ҳарчи зудтар аз шаҳрдории Душанбе маъзаратхоҳӣ кунад. Дар ғайри сурат, алайҳи ӯ, парвандаи ҷиноӣ боз хоҳанд кард.

Ин барои бори дувум аст, ки додгоҳи Исмоили Сомонӣ ба ин мазмун ба раиси Ҳизби Наҳзати Исломӣ ҳушдор медиҳад. Қаблан, ин додгоҳ аз оқои Кабирӣ хоста буд, то рӯзи 17 июни соли ҷорӣ қарори додгоҳро дар мавриди узрхоҳияш аз шаҳрдории Душанбе иҷро намояд. Вале он вақт оқои Кабирӣ эълон дошт, ки “агар мақомоти судии кишвар барои иҷро накардани ин талаботи додгоҳ ҳар ҷазои сахттареро эълон кунад, омодаам иҷро кунам, аммо узрхоҳӣ нахоҳам кард.”

Соли гузашта ҳукумати Душанбе ба додгоҳ шикоят бурда, талаб намуд, ки Муҳиддин Кабирӣ барои суханони "носазо" дар бораи вазъи экологии пойтахт, аз шаҳрдорӣ маъзаратхоҳӣ кунад. Асоси даъвои шаҳрдорӣ як матлабе, таҳти унвони “10 сол пас Душанбе урён мешавад” буд, ки дар он Муҳиддин Кабирӣ аз дарахтбурӣ дар хиёбонҳои пойтахт изҳори ташвиш мекард.

Додгоҳи Исмоили Сомонӣ 29-уми январи соли ҷорӣ қарор кард, ки бояд барои суханҳояш дар бораи вазъи экологии Душанбе, раҳбари ҲНИТ аз тариқи васоити ахбори умумии кишвар, аз шаҳрдорӣ узрхоҳӣ намояд.

Мӯҳр

Хабарҳои монанд:

Худованд мардони далери хакчуро дуст медорад. Ба Кабири пуртокати ва часуриро таманно дорам. Чунин мардони бо ору номус мардуми моро аз гумрохи берун меорад.

Ҷавоб диҳед Иқтибос Шикоят

Даздравствуй наш суд самый гуманний суд в мире.карор ачоиб бо аз тарики тв узрхохи кунад будааст дар гучои конун ин аст нафахмидам.

Ҷавоб диҳед Иқтибос Шикоят

Юсуф

Вақте як хабарнигори миллатпараст ва моҷароҷӯи рус зиёиёни тоҷикро ба наҷосат баробар кард, шаҳрдории Душанбе ҳатто мижжа назад, гӯё дар ҳукумати шаҳр зиёиён кор намекунанд. Як марди сиёсатмадор, узви парлумони Тоҷикистон М Кабириро дар асоси мақолаи дарахтбурӣ як сол боз ба суд мекашанд. Вақте ки новобаста ба вазифа ва мавқеъ тоҷик дар ватанаш қадр надорад, кӣ гуфта, ки ӯ дар хориҷа қадр хоҳад дошт. Ҳамун аст, ки дар Русия ВАОи он кишвар ҳамарӯза бо кӯчактарин баҳона тоҷиконро мавриди масхара ва тӯҳматҳо қарор медиҳанд. Ҳар як ҳодиса ва ҷинояте, ки онҷо содир мешавад ҳатман бо тоҷикон вобаста мекунанд. Ҳукумат хомӯш буд ва хомӯш монд.

Ҷавоб диҳед Иқтибос Шикоят

Бекор

Кабирӣ узви Маҷлиси Намояндагон аст, имунитети судӣ дорад. Наход судя то ин дарафа калаваррам бошад, ки инро дарк накунад?!

Ҷавоб диҳед Иқтибос Шикоят

Шер

Инсон факат дар пешгохи Худованд узру тавб мекунад, на дар пеши инсони дигар. Им амали суд нодуруст аст. МО НАБОЯД БА ВОСИТА СУД АЗ ХАМДИГАР ИНТИКОМ ГИРЕМ ИН РОХИ ХАТОСТ, ОКИБАТИ ХУБ НАДОРАД. Бо умеди тавфик Шер.

Ҷавоб диҳед Иқтибос Шикоят

max12

хех ира говзур меган ё бесаводии судяхо ? тибки мукарароти мачлиси милли Чт ва конун дар бораи вакилони халк он чи дар парлумон гуфта мешавад е баргузор е пешниход мешавад аз тарафи вакилони халк ба чавобгарии чинои ва маъмури кашида намешавад! .. Писари Хукумов 3 нафарро куштаст холиям парвандаи чинои боз накардаан барои он ки вакили мачлиси милли изхори нигарони кардааст дар парлумон аз дарахт бури парвандаи чинои боз мекардиян ..ин хукумат аст двалат аст е ки ЧДММ ?? хар ки чигунае ки хост хамон гуна рафтор кунад

Ҷавоб диҳед Иқтибос Шикоят

Чахонгири Рустам

Чаноби Кабири! Бахшидан ва бахшиш пурсиданро хатто пайгамбар дар хадисхояш таъкид карааст. Бахшиш пурсед ва хамдигарро ба огуш бигиред. Ин аст марди ин аст мусулмони.

Ҷавоб диҳед Иқтибос Шикоят

Додрас

Судхои номустаъкил! Шахрдори фишор овард, палаи мизон дигар самт майл хурд?

Ҷавоб диҳед Иқтибос Шикоят

Парвандаи маъмури кушода метавонанд, лекин парвандаи чинояти аз руи конун алайхи вакили мачлиси намояндагон мумкин нест.

Ҷавоб диҳед Иқтибос Шикоят

КАРИМ

Бародар Кабири 100% хак хасти хечгох узр напурс.Онхо бояд узр пурсанд шумо хатояшонро гуфтед.Россия пур аз дарахт аст аммо барои як дарахтро буридан ичозот гирифтан мушкил аст.Дар мо чи? Раис фармон дод буридан мегиранд ин раисо омадаву рафтан мегиранду дарахтон мемонанд.

Ҷавоб диҳед Иқтибос Шикоят

Эзоҳ илова кунед