Бахшҳо
18 окт 2013 15:26Тоҷикистон / Сиёсат

М.Бахтӣ ва М.Илолов ба додгоҳ нарафтанд. Эътироз алайҳи Тутубалина ё додгоҳ?

Мамадшо Илолов, президенти Академияи улум ва Меҳмон Бахтӣ, раиси Иттифоқи нависандагон, қарори додгоҳи ноҳияи Фирдавсиро барои ҳузур дар мурофиаи додгоҳӣ алайҳи Олга Тутубалина , муҳаррири “Азия плюс” , иҷро накарданд.

Рустам Устобоев, намояндаи ҳуқуқии панҷ иттиҳодияи эҷодӣ, ки аз болои Олга Тутубалина, муҳаррири “Азия-Плюс”, ба додгоҳи Фирдавсии Душанбе шикоят бурдаанд, имрӯз, 18-уми октябр дар мурофиаи додгоҳӣ изҳор дошт, ки тамоми ваколатро аз зерҳимояҳояш гирифтааст ва имкон дорад, аз номи онҳо баромад кунад.

Аммо додрас Сурайё Ҷобирова, аз ҳузур надоштани Меҳмон Баҳтӣ ва Мамадшо Илолов норозӣ монда таъкид намудааст, ки “вақте додрас қарор баровард бояд ҷонибҳо онро иҷро кунанд.” Бо зикри ин мурофиаи додгоҳии зиёиён алайҳи Тутубалина ба рӯзи 22-юми октябр мавқуф гузошта шуд.

Дар мурофиаи қаблӣ Рустам Устобоев, намояндаи ҳуқуқии панҷ иттиҳодияи эҷодӣ, аз Олга Тутубалина ва нашрияи “Азия-Плюс”, танҳо барои се зиёии тоҷик 200 ҳазор сомонӣ ҷуброни зарарӣ маънавӣ хост.

Ӯ дар мурофиаи додгоҳӣ, ки рӯзи 10 октябр ҷараён гирифт, гуфт, “Аскаралӣ Раҷабов, Дилбар Абдиева ва Ҳикмат Раҳматов баъд аз хондани матлаби Олга Тутубалина дар бораи бозгашти Бозор Собир ба Ватан, ки дар он ҷо дар бораи зиёиён низ гап меравад, зарари маънавӣ дидаанд.”

Оқои Устобоев дар идома афзуд, аммо панҷ иттиҳодияи эҷодӣ, аз ҷумла Академияи илмҳо ва Иттифоқи нависандагон, мехоҳанд, хонум Тутубалина фақат аз онҳо маъзаратхоҳӣ кунад. Вай аз ҷумла гуфт, “норизоиятии панҷ иттиҳодияи эҷодӣ аз он аст, ки Олга Тутубалина дар як матлаби худ зиёиёни тоҷикро таҳқир намудааст”. Олга Тутубалина дар матлабаш “Неинтеллигентно об интеллигенции” бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" кор бурда ва таъкид карда буд, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд.

Мӯҳр
Саид
Хуб гайрат кардаст хонуми судя Сурайё Ҷобирова!

Сунбула
Дар Русия хар руз точикора мекушанд, дар инчо як руса конунй суд карда наметонан. Вой бар холи мо!

Чавзо
Сунбула,
! Ин як урус аз хазорон точики мисли ту беномус точиктар аст. Агар Тутубалина борин точик дар мамлакат зиёд мебуд ягон точика дар Русия касе намекушт, чунки точик дар мамлакати худаш чои кор медошту ба даргохи дигаро намерафт. Ту кури ки айба аз чои дига мекови.

Гурухи Б
Ба СУНБУЛА ё КАЧДУМА
Вай як руси простой нест. Сар карда аз нест кардани бобои Сангак ва Файзали тамоми шикасту рехти Точикистон дар гардани ТУТУбалина хаст. Инро шумо дертар мефахмед. Айби мо ин аст, ки сари ту кор намекунад.
Чарима шавад. Агар ин олимон натавонанд, шумо интизор бошед, ки боз мо чи хел даъвои конкрети мекунем ва то зиндони шуданаша мусоидат мекунем.

Чавзо,
Чони гапа гуфти бародар! Ин духтар танхо бо рус буданаш айбдор асту халос. Корхое, ки у дар хакки халки точик мекунад мардхои мард, чун Сунбула дар умри сарашон карда наметавонанд ва шучоати чиро карданро надоранд. Зиёиёини бехуни точик даъвоя ба суд пешниход карда акнун хунари онро ру ба ру дастгири карданро надоранд. Сунбула мумкин хешованди онхо бошад?

эъчодкор
Барои чи шикоятгаро халли корро дар талаби чубронпули мебинанд?
Вой бар холи зиёи буданатон!
О шумо дар хакикат зиёи бошед танхо талаби маъзаратхохи кунед

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)