Восеъ: 58 омӯзгор намерасад, 10-мактаб дар ҳолати садамавӣ қарор дорад

Бунёди биноҳои иловагии таълимӣ дар 5-мактаби ноҳияи Восеъ дар назар аст.

Ба иттилои Маҳмадёр Давлатёров, мудири шӯъбаи маорифи ноҳия, маблағгузории сохтмони мазкур аз ҷониби Бонки рушди Осиё ва вазорати маорифи ҷумҳурӣ  роҳандозӣ мешавад.

Номбурда аснои сӯҳбат бо хабарнигори «Озодагон» гуфт, дар ҳамаи ноҳия 71-мактаб фаъолият дошта, дар он беш аз 40-ҳазор хонандагон ба таълим фаро гирифта шудаанд.Аммо аксари ин макотиб ҷавобгӯи талаботи имрӯза нестанд. Давлатёров афзуд, 45-мактаб бо шароити маҳаллӣ, яъне биноҳои гилин, 8-мактаб бо сохти финӣ сохта шуда, 14-синфхонаи дигар дар вагон-хонаҳо ҷойгир мебошанд. Ҳамчунин 10-мактаб дар ҳолати садамавӣ буда, 15 мактаби дигар мӯҳтоҷи таъмири асосоианд.

Ба гуфтаи мудири шуъбаи маориф, хуб мебуд агар сохтмони мактабҳоро ба зиммаи сохтмончиёни маҳаллӣ мегузоштанд. Дар баъзе маврид корхонаҳои сохтмонии беруна дар бунёди мактабҳо коҳилӣ мекунанд. Соле пештар як ташкилоти хориҷӣ бо номи «Вдохновение», аз ҷумҳурии Қазоқистон, дар Восеъ сохтмони як мактабро бо  бунёди 21-синфхона ба ӯҳда дошт. Сохтмончиён ҳамагӣ нимтаҳкурсии иншоотро ба анҷом расонидаву дигар тамоман ғайб заданд.

Дар ҳоле, ки сар аз соли 2014-ум тибқи нақшаи вазорати маориф дар ҷумҳурӣ низоми нави таҳсил (12-сола) роҳандозӣ мегардад, шароити таҳсил дар макотиби ноҳияи Восеъ ҷавобгӯйи талабот нест. Гузашта аз ин, дар ҳудуди ноҳия 58-муаллими касбӣ намерасад. Мӯҳр